आठ बर्षमा पनि पुल निर्माण सम्पन्न भएन

तीन बर्षमा निर्माण सम्पन्न हुनुपर्ने डोटीको शिखर नगरपालिका – १० स्थित सेती नदिमा निर्माण भइरहेको आरसिसी पुलको काम आठ बर्ष भइसक्दा समेत २० प्रतिशत काम मात्र पुरा भएको छ । मूल्य अभिवृद्धि कर (भ्याट) सहित २६ करोड २० लाख रुपियाँ लागतमा निर्माण हुने भनिएको तीन सय २० मिटर लामो सो आरसिसी पुल निर्माणका लागि डिभिजन सडक कार्यालय कुलपाते, डोटीले पुष्प–राजेन्द्र जेभी निर्माण कम्पनीसँग सम्झौता गरेको थियो ।

सुदूरपश्चिममा ओरालो लाग्यो कोरोना सङ्क्रमण दर

सुदूरपश्चिम प्रदेशमा कोरोना सङ्क्रमण दर घटेको छ । एक हप्ता अगाडि उच्च बिन्दुमा पुगेको सङ्क्रमण दर केही दिनदेखि ओरालो लागेको देखिएको छ । प्रादेशिक स्वास्थ्य निर्देशनालयको तथ्याङ्कअनुसार यो प्रदेशमा माघ १० गते कोरोना सङ्क्रमण दर उच्च देखिएको थियो । त्यो दिन प्रदेशभरि एक हजार ५४७ जनाको परीक्षण गर्दा ५५० जनामा सङ्क्रमण पुष्टि भई सङ्क्रमण दर ३५.५५ प्रतिशत पुगेको थियो ।

कैलालीमा शीतलहरले जनजीवन प्रभावित

कैलालीमा शीतलहरले जनजीवन प्रभावित भएको छ । आइतबार बिहानैदेखि लागेको शीतलहर र हुस्सुका कारण चिसो बढेपछि यहाँको जनजीवन प्रभावित भएको हो । शनिबार हल्का घाम लागे पनि शितलहर र हुस्सुका कारण आइतबार दिनभरि घाम लाग्न सकेको छैन । चिसोले गर्दा मान्छेलाई नियमित कामकाज गर्न समस्या भएको छ । जाडो छल्न विभिन्न ठाउँमा आगो बालेर स्थानीयहरु ताप्न थालेका छन् ।

सेती अस्पतालमा उपचाररत दुई सङ्क्रमितको मृत्यु

सेती प्रादेशिक अस्पतालमा उपचाररत दुई सङ्क्रमितको आज मृत्यु भएको छ । कैलालीको गौरीगङ्गा नगरपालिकाका ६५ वर्षीय वृद्धा र कञ्चनपुरको कृष्णपुर नगरपालिकाका ३१ वर्षीय एक पुरुषको उपचारको क्रममा ज्यान गएको जिल्ला प्रशासन कार्यालयले जानकारी दिएको छ । दुवै जनालाई शनिबार अस्पतालको आइसीयुमा भर्ना गरिएको थियो ।

मुक्त हलियाका जीवनस्तर नाजुक

जिल्लाको पूर्वी उत्तरी भेगको बुढीनन्दा नगरपालिका–६ दैयाका हलिया समुदाय गिट्टी कुटेर जीविकोपार्जन गरिरहेका छन् । सरकारले मुक्त हलिया घोषणा गरे पनि हलियाको जीवनस्तर पछिल्लो समय झन् नाजुक बन्दै गएको छ । हलिया समुदायका मानिसले दैनिक जीविकोपार्जनका लागि गिट्टी कुटेर दिन बिताउने गर्दछन् । तर गिट्टी बिक्री नभएपछि बिहान बेलुकी छाक टार्न उनीहरुलाई सकस भएको छ । गिट्टी बेचेर बिहान–बेलुकीको छाक टार्दै आएका उनीहरुले कुटेका...

डुबानको समस्याबाट मुक्त हुँदै टीकापुर

कैलालीको टीकापुर नगरपालिका– १ मा निर्माणाधीन मानव मलमूत्र व्यबस्थापन केन्द्रको काम अन्तिम चरणमा पुगेको छ । पचासी प्रतिशत काम सकिएको र बाँकी दुई महिनामा भित्रमा सम्पन्न हुनेगरी काम भइरहेको जनाइएको छ । साना शहरी खानेपानी आयोजनाका इञ्जीनियर पारसमणि भट्टले भन्नुभयो, ‘‘एक वर्षमा सक्नुपर्ने निर्माण काम कोरोनाका कारण थप ३ महिना लाग्ने भएको छ, अगामी फागुनसम्म नगरपालिकालाई हस्तान्तरण गर्छाैँ । मलमूत्र व्यवस्थापन र...

बझाङमा चितुवा मृत भेटियो

बझाङको बुङगल नगरपालिका– ४ तम्तोलीमा मृत अवस्थामा चितुवा भेटिएको छ । शनिबार बिहान चितुवा मृत अवस्थामा देखेपछि स्थानीयले अस्थायी प्रहरी विट विजगडा र बुङगल सवडिभिजन वन कार्यालय झापालाई खबर गरेका थिए ।

कोभिडका कारण सुदूरपश्चिममा सरकारी कार्यालय ठप्प हुँदै

सुदूरपश्चिम प्रदेशमा सरकारी कार्यालयहरुले कोभिडको कारण देखाउँदै धमाधम सेवा स्थगन गर्न थालेका छन् । कर्मचारी, जनप्रतिनिधि लगायतमा कोरोना सङ्क्रमण भएपछि जिल्ला प्रशासन कार्यालयदेखि लिएर स्थानीय तहसम्मले सेवा स्थगन गर्न थालेका हुन ।

धनगढीमा घरमै कोरोनाविरुद्धको खोप

कैलालीको धनगढी उपमहानगरपालिकामा घरमै पुगेर कोरोनाविरुद्धको खोप लगाउन थालिएको छ । खोप लगाउन योग्य उमेरका कतिपय व्यक्तिले खोप नलगाएपछि धनगढी उपमहानगरपालिका– १ मा टोल–टोलमै पुगेर कोरोनाविरुद्धको खोप लगाउन थालिएको हो ।

सेती प्राविधिक शिक्षालयका प्रमुखमाथि छानबिन सुरु

पुरानो क्षेत्रीय सदरमुकाम दिपायलस्थित जोगिडाब्रेमा रहेको सेती प्राविधिक शिक्षालयका प्रमुख वीरेन्द्रबाबु यादवमाथि छानबिन सुरु भएको छ । कुखुरा व्यवसायीसँग रकम माग गरेको अडियो सार्वजनिक भएपछि उहाँमाथि प्राविधिक शिक्षा तथा व्यावसायिक तालिम परिषद्ले छानविन सुरु गरेको सेती प्राविधिक शिक्षालयका शिक्षक तीर्थराज अवस्थीले जानकारी दिनुभयो ।