राष्ट्रिय क्रिकेट टोलीको बन्द प्रशिक्षण सुरु हुँदै

क्यानले बन्द प्रशिक्षणका लागि छनोट गरेको खेलाडीहरुलाई मंसिर ८ गतेसम्म सम्पर्क गर्न आग्रह गरेको छ । क्यानका अनुसार ८ गते बन्द प्रशिक्षणका खेलाडीहरुको स्वाब सङ्कलन गरिनेछ । रिपोर्ट बमोजिम मंसिर १० गतेदेखि खेलाडीहरुको बन्द प्रशिक्षण सुरु हुने छ । क्यानका कार्यालय सचिब उदय प्रकाश शाहले कोरोना रिपोर्ट निगेटिभ आउने खेलाडी मात्रै बन्द प्रशिक्षणमा सहभागी हुन पाउनेछन् ।

छैटाैं नेपालगञ्ज म्याराथनको उपाधि जितेसँगै सशस्त्रका पार्की ओलम्पिकका लागि छनोट

छैटाैं नेपालगञ्ज म्याराथनको उपाधि सशस्त्र प्रहरीका गोपीचन्द्र पार्कीले जित्नुभएको छ । नेपालगञ्ज म्याराथनको स्वर्ण विजेता पार्की अर्को वर्ष जापानमा हुने टोकियो ओलम्पिकका लागि छनोट हुनुभएको छ । टोकियो ओलम्पिकमा एथ्लेटिक्स विधातर्फ खेलाडीले भाग लिने नेपालगञ्ज म्याराथन अन्तिम छनोट प्रतियोगिता रहेको नेपाल ओलम्पिक कमिटिले जनाएको छ ।

अलेक्जेण्डर जेभ्रेभलाई हराउँदै जोकोभिच एटीपी फाइनल्सको अन्तिम चारमा

नोभाक जोकोभिचले अलेक्जेण्डर जेभ्रेभलाई हराउँदै एटीपी फाइनल्सको सेमीफाइनलमा पुग्नुभएको छ । उहाँले जेभ्रेभलाई सोझो सेटमा हराउनुभएको हो । सर्बियाली विश्व वरियताका पहिलो श्रेणिका जोकोभिचले जर्मन जेभ्रेभलाई ६–३, ७–६(७–४) ले हराउनुभएको हो । सेमीफाइनलमा जोकोभिचले डोमिनिक थिमको सामना गर्नुहुनेछ । उक्त खेल शनिबार हुँदैछ ।

वेयान रुनी डर्बीका प्रशिक्षक बन्न उत्सुक

रुनीसँगै रफेल बेनिटेज डर्बीको प्रशिक्षकको दौडमा हुनुहुन्छ । आफ्नो पूर्ब सह खेलाडीहरु स्टिभन जर्राड, फ्रान्क लामपार्ड र स्कट पार्कर प्रशिक्षकको जिम्मेवारी पाइसकेको हुँदा ३५ वर्षीय रुनीले समेत प्रशिक्षक पदका लागि उत्सुक रहेको बताउनुभएको हो । उहाँले भन्नुभयो, “ब्यवस्थापन सम्हाल्न म आकांक्षी छु र यसबारेमा छलफलका लागि खुला रहेको छु ।”

रफेल नाडल एटीपी फाइनल्सको अन्तिम चारमा पुग्यो

रफेल नाडल एटीपी फाइनल्सको अन्तिम चारमा स्थान सुनिश्चित गर्नुभएको छ । सन् २०१९ का एटीपी विजेता स्टिफानस सिटसिपासलाई तीन सेटमा हराउँदै उहाँले सेमीफाइनलमा प्रवेश गर्नुभएको हो ।

म्यान्चेष्टर सिटीका पेप गार्डिओलाको कार्यकाल दुई वर्षँ थपियो

सन् २०१६ मा आबद्ध भए यता आफ्नो कार्यकालमा गार्डिओलाले सिटीलाई दुई पटक प्रिमियर लिगको उपाधि, एफ ए कप र तीन लिग कप उचाल्न सघाउनुभएको छ । गार्डिओलाले सिटीको वेबसाइटमा लेख्नुभएको छ, “यसप्रकारको सहयोग र समर्थन पाउनु एक जना व्यवस्थापकका लागि सबैभन्दा उत्तम हो ।”

बिग बैश लिगमा होबर्ट हुरिकेनले सन्दीप लामिछानेलाई अनुबन्धन गर्यो

होबर्ट हुरिकेनले नेपाली लेग स्पिनर सन्दीप लामिछानेलाई बिग बैश लिगको आगामी संस्करणको लागि अनुबन्धन गरेको छ । यसअघि पछिल्लो संस्करणमा सन्दीपले मेलबर्न स्टार्सको प्रतिनिधित्व गर्नुभएको थियो । उक्त सम्झौताको म्याद सकिएपछि सन्दीपको बीग बैश लिगको यात्रा अन्योलमा रहेको थियो ।

इंग्ल्याण्ड विरुद्धको श्रृखंला अघि दक्षिण अफ्रिकी क्रिकेटरमा सङ्क्रमणको पुष्टि

क्रिकेट दक्षिण अफ्रिकाले बुधबार एक वक्तब्य जारी गरी तीनैजना खेलाडीमा लक्षण नदेखिएपनि चिकित्सकको निगरानीमा रहेको उल्लेख गरेको छ । केपटाउनस्थित शिविरमा प्रवेश गर्नुअघि ५० जना खेलाडी र कर्मचारीमा कोरोना सङ्क्रमणको परीक्षण गरिएको थियो । साउथ अफ्रिकाले इंग्ल्याण्ड विरुद्ध तीन टी ट्वान्टी र तीन अन्तर्राष्ट्रिय एकदिवसीय खेल्नेछ । नोभेम्बर २७ मा दुई टोलीबीचको पहिलो टी ट्वान्टी खेल हुनेछ ।

पोल्याण्डलाई हराएपनि नेदरल्याण्ड्स बाहिरियो, इटाली नेशन्स लिगको फाइनलमा पुग्यो

नेदरल्याण्ड्सले पोल्याण्डलाई हराएपनि नेशन्स लिगको फाइनल पुग्ने होडबाट बाहिरिएको छ । ए१ समूहकै अर्को खेलमा इटालीले बोस्निया हर्जगोभिनामाथि २–० को जित निकाल्दै नेशन्स लिगको फाइनलमा स्पेन, फ्रान्स र बेल्जियमसँग सामेल भएको छ । इटाली समूह ए१ को च्याम्पियन रहन गयो ।

डेनमार्कमाथि ४–२ को जितसँगै बेल्जियम नेशन्स लिगको फाइनलमा पुग्यो

लिसेस्टरका यूरी टिलेमन्सले खेलको तेस्रो मिनेटमै गोल गर्दै बेल्जियमलाई १–० को अग्रता दिलाउनुभयो । जोनास विन्डले १७ औं मिनेटमा बराबरी गोल फर्काउँदा खेल १–१ को बराबरीमा आयो । पहिलो हाफ १–१ को बराबरीमा सकिदा दोस्रो हाफको ५७ औं र ६९ औं मिनेटमा रोमेलो लुकाकुले लगातार दुई गोल गर्दै गोल अन्तर तेब्बर बनाउनुभयो । नासर चाड्लीले ८६ औं मिनेटमा आत्मघाती गोल गर्दा ३–२ को स्थितिमा पुगेको बेल्जियमलाई डे ब्रुयनले ८७ औं मिनेटमा चौथो...

नेपाली क्रिकेटको एकदिवसीय मान्यता थपियो

कोभिड–१९ को महामारीले सम्पूर्ण खेल जगत् नै ठप्प हुँदा वार्षिक क्यालेण्डर प्रभाबित बनेको छ । नेपालले खेल्ने लिग डिभिजन २ का खेलहरु समेत प्रभाबित भएको छ । प्रभाबित खेलहरुलाई पूर्णता दिनुका साथै क्रिकेट क्यालेण्डरलाई पुरा गर्न सन् २०२३ को मार्चसम्म अन्तर्राष्ट्रिय क्रिकेट काउन्सिलले नेपाललाई अन्तर्राष्ट्रिय एकदिवसीयको मान्यता दिएको उहाँले प्रष्ट्याउनुभयो ।

इंग्ल्याण्ड क्रिकेट टोलीले १६ वर्षपछि पाकिस्तान भ्रमण गर्ने

इंल्याण्ड क्रिकेट टोलीले १६ वर्षपछि सन् २०२१ मा पाकिस्तान भ्रमण गर्ने सुनिश्चित भएको छ । आगामी अक्टोबरमा इंग्ल्याण्डले पाकिस्तानमा दुई म्याचको टी ट्वान्टी श्रृखंला खेल्नेछ । सन् २००९ मा श्रीलङ्काले पाकिस्तान भ्रमण गर्दा लाहोरमा भएको आतंकवादी आक्रमण यता पाकिस्तानले अन्तर्राष्ट्रिय क्रिकेटको आयोजना गर्न सकेको छैन् । त्यसअघि सन् २००५ मा इंग्ल्याण्डले पाकिस्तान भ्रमण गरेको थियो । करीब दश वर्षपछि पछिल्लो पटक बंगलादेश...

अर्जेन्टिनाले पेरुलाई र ब्राजिलले उरुग्वेलाई हरायो

फिफा विश्वकप २०२२ को दक्षिण अमेरिकी छनोट खेल अन्तगर्त मंगलबार सम्पन्न खेलहरुमा इक्वेडरले कोलम्बियालाई, भेनेज्वालाले चिलीलाई, ब्राजिलले उरुग्वेलाई र अर्जेन्टिनाले पेरुलाई हराएको छ । पराग्वे र बोलिभियाले २–२ को बराबरी खेल्यो ।

डोमिनिक थिमद्वारा राफल नाडल पराजित

डोमिनिक थिम एटीपी टेनिस प्रतियोगिताको सेमीफाइनलमा पुग्नुभएको छ । अष्ट्रियाका थिमले राफल नाडललाई लगातार दुई सेटमा हराउनुभएको हो । लण्डनमा सम्पन्न खेलमा थिमले राफल नाडललाई ७–६(९–७) ७–६(७–४) ले हराउनुभयो । पहिलो सेटमा दुई अङ्कले अग्रता लिनुभएको नाडलले त्यसपछि प्रदर्शनलाई निरन्तरता दिन सक्नुभएन । स्टिफानोस सीटसिपासले आन्द्रे रब्लोभलाई हराउँदा थिम फाइनलमा पुग्न सहज भएको हो ।

फ्रान्ससँग हार्दा स्वीडन रेलिगेशनमा

रोबिन क्वैसनको गोलले स्वीडनका लागि केही आशा त जगायो तर किंग्स्ली कोमनले फ्रान्सका लागि गर्नुभएको चौथो गोल खेलको अन्तिम गोल हुन पुग्यो । स्वीडन अब लिग बीमा झर्ने भएको छ । विश्व च्याम्पियन फ्रान्स यसअघि नै नेशन्स लिगको फाइनलमा स्थान सुनिश्चित गयरिसकेको छ ।