अर्जेटिनाका फुटबल हस्ती डियागो मेराडोनाको ६० वर्षको उमेरमा निधन

र्जेटिनाका फुटबल हस्ती डियागो मेराडोनाको ६० वर्षको उमेरमा मृत्यु भएको छ । उहाँको केही दिन अघि मस्तिष्कमा जमेको रगतको सफलतापूर्वक शल्यक्रिया गरी निकालिएकाे थियाे ।

कप्तान मल्ल र उपकप्तान ऐरी सहित तीन खेलाडी र एक कर्मचारीमा कोरोना पोजेटिभ

राष्ट्रिय क्रिकेट टोलीका कप्तान ज्ञानेन्द्र मल्लसहित तीन जना खेलाडीमा कोरोना सङ्क्रमणको पुष्टि भएको छ । नेपाल क्रिकेट संघले बन्द प्रशिक्षण सुरु हुनु अघि मंसिर ९ गते खेलाडी, कर्मचारीहरुको स्वाब संकलन गरेको थियो । नेपाल क्रिकेट संघका अनुसार कप्तान ज्ञानेन्द्र मल्लसहित उपकप्तान दिपेन्द्र सिंह ऐरी र रोहित कुमार पौडेलमा सङ्क्रमणको पुष्टि भएको छ ।

दोश्रो आईओएफटीसी अनलाइन भिडियो पुम्से तेक्वान्दो च्याम्पियनसिप हुँदै

इन्टरनेसनल ओपन फ्रेन्डसिप तेक्वान्दो च्याम्पियनसिप (आईओएफटीसी) को आयोजनामा दोश्रो आईओएफटीसी अनलाइन भिडियो पुम्से च्याम्पियनसिप आयोजना गर्ने भएको छ । अमेरिकाको पोर्टल्यान्डमा मुख्यालय रहेको आईओएफटीसीले आफ्नो २० औं स्थापना दिवसका अवसरमा प्रतियोगिता आयोजना गर्न लागेको हो । कोभिड १९ महामारीअघि आइओएफटिसी अमेरिकाको मिसिगनमा १३ औँ इन्टरनेसनल ओपन फ्रेन्डसीप तेक्वान्दो च्याम्पियन्सीपको आयोजना गर्ने तयारीमा थियो...

बारक्ले आईसीसीको अध्यक्ष नियुक्त

ग्रेग बारक्ले अन्तर्राष्ट्रिय क्रिकेट काउन्सिल(आईसीसी)का नयाँ अध्यक्ष चयन हुनुभएको छ । सशांक मनोहर यसै वर्षको सुरुवातमा अध्यक्ष पदबाट राजिनामा गर्नु भएपछि आईसीसीको अध्यक्ष पद रिक्त हुन गएको थियो । न्युजिल्याण्डको अकल्याण्डका व्यवसायिक अधिवक्ता समेत रहनुभएका बारक्ले सन् २०१२ देखि क्रिकेट न्युजिल्याण्डका निर्देशक हुनुहुन्छ । हाल उहाँ न्युजिल्याण्ण्ड क्रिकेटको प्रतिनिधित्व गरी आईसीसी परिषद् सदस्य हुनुहुन्थ्यो...

अष्ट्रेलियन ओपनमा ढिलाइ हुनसक्ने

अष्टे«लियन ओपन निर्धारित समयमा नहुने भएको छ । यसवर्षको पहिलो ग्राण्ड स्लाम मेलबर्नमा १८ देखि ३१ जनवरी २०२१ सम्म हुने निर्धारण गरिएको थियो । भिक्टोरिया सरकारले अष्ट्रेलियन ओपन निर्धारित समयभन्दा एक देखि दुई सातासम्म ढिला गरी हुने जनाएको छ । कोभिड क्वारेन्टिन सम्बन्धी निर्देशिका बमोजिम अष्ट्रेलियन ओपनमा सहभागी हुन आउने खेलाडीलाई डिसेम्बर अन्त्यसम्म अष्ट्रेलिया प्रबेशको अनुमति छैन् । बीबीसीका अनुसार भिक्टोरिया...

पारस खडका आईसीसीको दशक पुरस्कारको मनोनयनमा

नेपाली क्रिकेट टोलीका पूर्ब कप्तान समेत रहनुभएका अलराउण्डर पारस खड्का अन्तर्राष्ट्रिय क्रिकेट काउन्सिलको एशोसिएट प्लेयर अफ द् डिकेड पुरस्कारका लागि मनोनयनमा पर्नुभएको छ । पारससँगै अशोसिएट राष्ट्रबाट स्कटल्याण्डका काइल कोट्जर, कैलम म्याकक्लोयड, रिची बेरिंगटन, पपुवा न्यू गिनीका असाद भाला र नेदरल्याण्ड्सका पिटर बोरेन पुरस्कारको मनोनयनमा परेका छन् ।

बन्द प्रशिक्षणमा सहभागी हुने खेलाडीको स्वाब सङ्कलन गरियो

नेपाल क्रिकेट संघका अनुसार बन्द प्रशिक्षणमा सहभागी हुने २२ खेलाडी, ग्राउण्ड र क्यानका कर्मचारीहरुको स्वाब सङ्कलन गरिएको छ । त्रिवि क्रिकेट ग्राउण्डमा जमा भएका खेलाडीहरुको स्वाबको नतिजा आएपछि मात्रै बन्द प्रशिक्षण सुरु हुनेछ ।

इशान्त र रोहित अष्ट्रेलिया विरुद्धको पहिलो दुई टेष्टमा उपलब्ध नहुने

भारतीय सञ्चारमाध्यमहरुका अनुसार इशान्त शर्मा बलिंगका लागि फिट देखिएपनि टेष्ट श्रृखंलामा बलिंगको चाप वहन गर्न कम्तिमा दुई साता पूर्णरुपमा तयारी गर्नुपर्ने देखिएको छ । टेष्ट श्रृखंलामा सहभागी हुन एकजना बलरले फिटनेस परीक्षणमा २० ओभर बलिंग गरेपछि मात्रै फिट घोषित गरिन्छ । तर अभ्यास अघि भारतबाट अष्ट्रेलिया प्रस्थान गरेपछि उहाँले १५ दिनको अनिवार्य क्वारेन्टिनमा बस्नुपर्ने भएकोले जनवरी सातमा सुरु हुने तेस्रो टेष्टमा...

न्युजिल्याण्ड भ्रमणबाट फखार जमान बाहिरिए

पाकिस्तानका ब्याट्सम्यान फखार जमान न्युजिल्याण्ड भ्रमणबाट बाहिरिनुभएको छ । शनिबार कोरोना परीक्षण गरिएकोमा निगेटिभ देखिएपनि उहाँमा ज्वरो आएपछि न्युजिल्याण्ड भ्रमण गर्ने टोलीका सदस्यहरुबाट उहाँलाई अलग्याइएको छ । उहाँलाई लाहोरस्थित एक होटेलमा राखिएको छ ।

घरेलु मैदानमा लिभरपुलको नयाँ कीर्तिमान

लिभरपुलले लिसेस्टरमाथि ३–० को जित हात पार्दा घरेलु मैदानमा लगातार ६४ खेलसम्म अपराजित रहने नयाँ कीर्तिमान बनाएको छ । सन् १९७८ र सन् १९८१ म लिभरपुल ६३ खेलसम्म अपराजित रहँदा लिसेस्टरसँग हार बेहोरेर उसको कीर्तिमान तोडिएको थियो । तर यसपटक भने भर्जिल भान डिक, ट्रेन्ट अलेक्जेण्डर आर्नोल्ड, जोइ गोमेज, जोर्डन हेण्डरसन, थिएगो अल्कान्टरा र मोहम्मद सलहको अनुपस्थितिमै उसले कीर्तिमान बनाउन सफल रह्यो ।

रुसी मेदभेदेभ एटीपी फाइनल्सको च्याम्पियन

मेदभेदेम एकै सिजनमा विश्व वरियताका शीर्ष तीन स्थानका टेनिस खेलाडीलाई हराउने पहिलो खेलाडी बन्ने कीर्तिमान समेत बनाउनुभएको छ । यसअघि उहाँले नोभाक जोकोभिच र रफाल नाडललाई हराउनुभएको थियो । नोभेम्बर २०१९ देखि अक्टोबर २०२० सम्म उहाँले विश्व वरियताका शिर्ष दश स्थानका कुनै पनि खेलाडीलाई पराजित गर्न सक्नुभएको थिएन । तर चार साताको अन्तरालमा उहाँले विश्व वरियतामा शिर्ष दश स्थानमा रहेका सात जना टेनिस हस्तीलाई पराजित गर्नुभएको...

बार्सिलोनाको लगातार तेस्रो हार, एटलेटिको मड्रिडको अपराजित यात्रा जारी

स्पेनिस ला लिगामा एटलेटिको मड्रिडले बार्सिलोनालाई हराएको छ । एटलेटिकोका व्यवस्थापक डिआगो सिमोनले ला लिगामा १८ औं प्रयासमा बार्सिलोनामाथि जित हात पार्न सफल भयो । बार्सिलोनामाथि जितसँगै एटलेटिकोले शिर्ष स्थानको रियल सोसिडाडसँग अङ्क बराबरी गरेको छ । बार्सिलोना भने शिर्ष स्थानको दुबै टोलीसँग नौ अङ्कले पछाडि परेको छ । ऊ अङ्क तालिकाको दशौं स्थानमा छ । बार्सिलोनाको ला लिगामा लगातार तेस्रो हार हो । एटलेटिको भने लगातार...

टट्नहम हर्ट्स्परबाट म्यान्चेष्टर सिटी पराजित

टट्नहम हट्स्परले म्यान्चेष्टर सिटीमाथि २–० को जित हात पार्यो । टट्नहमका लागि पाँचौं मिनेटमा सोन हिउगं मिनले गोल गर्दै सुरुवाती अग्रता दिलाउनुभयो । म्यान्चेष्टर सिटीले पहिलो हाफमा गरेको गोल भिडियो रिभ्युले अस्वीकार गरेपछि ऊ बराबरीको अवसरबाट चुकेको थियो । सिटीका लागि ऐमेरिक लार्पोटेले गर्नुभएको प्रहार गेब्रिल जिससको हातले छुँदा टट्नहमको गोलपोष्ट भेटाएपछि रिभ्युले गोलको मान्यता पाएन ।

वेष्ट ब्रुममाथि म्यान्चेष्टर यूनाइटेडको जित

ब्रुनो फर्नान्डिसले पाउनुभएको पेनाल्टी गोलमा परिणत भएपछि म्यान्चेष्टर यूनाइटेडले वेष्ट ब्रुमलाई हराउँदै प्रिमियर लिगमा पहिलो जित हात पारेको हो । प्रिमियर लिगमा पहिलो जित हात पार्ने क्रममा यूनाइटेडले वेष्ट ब्रुममाथि १–० को अग्रता लियो ।

एटीपी फाइनल्स : नाडल र जोकोभिच पराजित

राफल नाडल र नोभाक जोकोभिच एटीपी फाइनल्स टेनिस प्रतियोगिताबाट बाहिरिएका छन् । डेनिल मेदभेदेभ र डोमिनिक थिम उपाधिका लागि भिड्ने भएका हुन् । लण्डनमा सम्पन्न दोस्रो सेमीफाइनल खेलमा विश्व वरियतामा दोस्रो स्थानमा रहनुभएका राफल नाडल रुसका मेदभेदेभसँग पराजित हुनुभयो । मेदभेदेभले ३–६ ७–६(७–४) ६–३ ले नाडलमाथि जित हात पार्दै एटीपी फाइनल्सको लागि उपाधिको होडमा स्थान सुनिश्चित गर्नुभयो ।