चर्च ब्वाइजको विजयी सुरुवात

चर्च ब्वाइज क्लबले शहीद स्मारक ‘बी’ डिभिजन लिगमा विजयी सुरुवात गरेको छ । ललितपुर सातदोबाटोस्थित एन्फा कप्लेक्समा बिहीबार भएको खेलमा चर्च ब्वाइजले टुसाल युथ क्लबलाई ५–२ गोलले हरायो ।

लिभरपुल र चेल्सी एफए कपको क्वार्टरफाइनलमा

लिभरपुल र चेल्सी एफए कप फुटबलको क्वार्टरफाइनलमा प्रवेश गरेको छ । बुधबार राति भएको खेलमा लिभरपुलले नर्विच सिटीलाई २–१ गोलले हरायो । अर्को खेलमा चेल्सीले च्याम्पियनसिप क्लब लुटोन टाउनलाई ३–२ गोलले स्तब्ध बनायो ।

इन्द्र एसियन युथ बक्सिङको क्वार्टरफाइनलमा

जोर्डनको अम्मानमा जारी एएसबीसी एसियन युथ बक्सिङ च्याम्पियनशीप अन्तर्गत नेपालका इन्द्र बहादुर सुनारले पहिलो चरणमा बाई पाउनुभएको छ । ६० केजी तौल समूहको पहिलो चरणमा बाई पाएपछि इन्द्र क्वार्टरफाइनलमा प्रवेश गर्नुभएको छ ।

केभीएस सेमिफाइनलमा

केभीएस छैटौँ अर्किड कप सेभेन ए साइड अन्तरविद्यालय नकआउट छात्र फुटबल प्रतियोगितामा सेमिफाइनलमा प्रवेश गरेको छ । बुधबार भएको खेलमा केभीएसले कौस्तुभलाई २–० गोलले पराजित हरायो ।

सन्दीप एकदीवसीयमा पनि कप्तान

नेपाल क्रिकेट संघ (क्यान)ले सन्दीप लामिछानेलाई एकदीवसीय क्रिकेट टोलीको पनि कप्तान बनाउने भएको छ । यसअघि टी–२० राष्ट्रिय क्रिकेट टोलीमा कप्तानको जिम्मेवारी पाउनुभएको सन्दीपलाई एकदीवसीय टोलीको पनि कप्तानको जिम्मेवारी दिएको क्यानका कार्यवाहक सचिव प्रशन्त मल्लले जानकारी दिनुभयो ।

नेपाल–पाकिस्तान मैत्री क्रिकेट सुरु

सातौँ संस्करणको नेपाल–पाकिस्तान मैत्रीपूर्ण टी–२० क्रिकेट प्रतियोगिता सुरु भएको छ । नेपालस्थित पाकिस्तान दूतावासले आयोजना गरेको प्रतियोगिताको बुधबार काठमाडौँ महानगरपालिकाका मेयर विद्यासुन्दर शाक्यले उद्घाटन गर्नुभयो ।

टी–२० वरीयतामा सन्दीप र कुशलको फड्को

नेपाली राष्ट्रिय क्रिकेट टोलीका कप्तान सन्दीप लामिछाने र युवा ओपनर कुशल भुर्तेलले राम्रो फड्को मार्नुभएको छ । अन्तर्राष्ट्रिय क्रिकेट परिषद् (आईसीसी) ले बुधबार सार्वजनिक गरको वलिङको वरीयतामा सन्दीपले सात स्थान र कुशलले ब्याटिङमा आठ स्थान सुधार गर्नुभएको छ ।

सरस्वती र श्रीभगवतीको सुखद सुरुवात

सरस्वती क्लब र श्रीभगवती क्लबले शहिद स्मारक ‘बी’ डिभिजन लिगमा सुखद सुरुवात गरेका छन् । एन्फा कम्प्लेक्स मैदान सातदोवाटोमा बुधबारदेखि सुरु भएको लिगमा सरस्वतीले बाँसबारी क्लबलाई ३–१ गोलले हरायो । अर्को खेलमा श्रीभगवतीले झम्सिखेल युथ क्लबलाई ३–१ गोलले नै स्तब्ध बनायो ।

सिटी एफए कपको क्वार्टरफाइनलमा

म्यानचेस्टर सिटी एफए कप फुटबलको क्वार्टरफाइनलमा प्रवेश गरेको छ । मङ्गलबार राति भएको खेलमा सिटीले च्याम्पियनसिप टोली पिटरर्सब्रग युनाइटेडलाई २–० गोलले हरायो । दुवै गोल दोस्रो हाफमा सम्भव भएको खेलमा सिटीलाई जिताउन रियाद महारेज र ज्याक ग्रेलिसले गोल गर्नुभयो ।

बाँसबारी क्लबलाई अराउन्ड द हिमालयजको साथ

शहिद स्मारक ‘बी’ डिभिजन क्लब बाँसबारी क्लबलाई मुख्य प्रायोजकको रुपमा अराउन्ड द हिमालयजको साथ रहेको छ । बाँसबारीले हिमलयजसँग मंगलबार एक वर्षको लागि प्रायोजन सम्झौता गरेको हो ।

भलिबलकी अरुणा र फुटबलका विराज सर्वोत्कृष्ट खेलाडी

राष्ट्रिय महिला भलिबल टोलीकी कप्तान अरुणा शाही र राष्ट्रिय फुटबल टोलीका पूर्व कप्तान विराज महर्जनले एनएनआइपिए सर्वोत्कृष्ट खेलाडी अवार्ड पाउनुभएको छ ।

रुसमाथि फिफा र युईएफएको प्रतिबन्ध

विश्व फुटबल महासंघ (फिफा) र युरोपियन फुटबल महासंघ (युईएफए) ले रुसलाई फुटबल गतिविधिबाट प्रतिबन्ध लगाएको छ ।

फेन्सिङ, बक्सिङ र रोड रेस हुने

वीर गणेशमान सिंह स्पोर्टस् कमिटीले फेन्सिङ, बक्सिङ र रोड रेस प्रतियोगिता आयोजना गर्ने भएको छ । कमिटीले सोमबार पत्रकार सम्मेलनगरी ‘वीर गणेशमान सिंहको नाममा तीन खेलको राष्ट्रिय प्रतियोगिता आयोजना गर्ने जानकारी दिएको हो।

एपीएफलाई महिला क्रिकेट उपाधि

ललितपुर मेयर कप टी–२० महिला राष्ट्रिय क्रिकेट प्रतियोगिातको उपाधि सशस्त्र प्रहरी बलको (एपीएफ क्लब) ले जितेको छ । कीर्तिपुरस्थित त्रिवि क्रिकेट मैदानमा सोमबार भएको फाइनल खेलमा एपीएफले सुदूरपश्चिम प्रदेशलाई आठ विकेटले हरायो ।

क्लबको स्वीकृतिविना खेलाडीलाई अन्य प्रतियोगिता नखेल्न आग्रह

‘ए’ डिभिजन लिगका आठ क्लबहरुले क्लबको स्वीकृतिविना आफ्नो क्लबमा दर्ता भएका खेलाडीलाई अन्य क्लबमा अनुबन्ध नहुन र प्रतियोगिता नखेल्न आग्रह गरेको छ । क्लबहरुले आइतबार संयुक्त प्रेस विज्ञप्ति जारी गर्दै आफ्नो खेलाडीलाई क्लबको स्वीकृतिविना अन्य क्लबमा आवद्ध नहुन र खेलाडीलाई अनुबन्ध गर्दा क्लबको स्वीकृति लिन समेत आग्रह गरेको छ ।