बार्सिलोनाको सानदार जित

बार्सिलोनाले स्पेनिस ला लिगा फुटबलमा सानदार जित निकालेको छ । घरेलु मैदानमा आइतबार राति भएको खेलमा बार्सिलोनाले एथलेटिक बिल्बाओलाई ४–० गोलले हरायो ।

चेल्सीलाई सडनडेथमा हराउँदै लिभरपुल च्याम्पियन

काराबाओ कप फुटबलको उपाधि लिभरपुलले जितेको छ । आइतबार राति भएको खेलमा प्रिमियर लिग प्रतिद्वन्द्वी चेल्सीलाई सडनडेथमा ११–१० गोलले हराउँदै लिभरपुल च्याम्पियन बनेको हो ।

ब्याडमिन्टनमा दीपक र दिपेन पहिलो

ताप्लेजुङको मिक्वाखोला गाउँपालिकामा सम्पन्न जिल्लास्तरीय खुला ब्याडमिन्टन प्रतियोगितामा दीपक तिवारी र दिपेन गुरुङको जोडी पहिलो भएको छ । फाइनलमा बसन्त गुरुङ र सागर गुरुङको जोडीलाई पराजित गर्दै तिवारी र गुरुङको जोडी पहिलो भएको हो ।

एमएफ फुटबल क्लब सेमिफाइनलमा

भारत दार्जिलिङको एमएफ फुटबल क्लब मोरङको सुनबर्षी २ अमरदहमा जारी चौथो अन्तर्राष्ट्रिय आमन्त्रण अमरदह ढल्के जोबन गोल्डकप फुटबल प्रतियोगिताको सेमिफाइनल प्रवेश गरेको छ ।

राष्ट्रिय बिच भलिबलको तयारी

सञ्जय स्मृति प्रतिष्ठानको आयोजनामा सञ्जय स्मृति राष्ट्रिय महिला बिच भलिबल प्रतियोगिता चैत २४ गतेदेखि हुने भएको छ । तीनदिने प्रतियोगिता पाल्पाको तानसेनस्थित रानीमहलमा हुने आइतबार आयोजित पत्रकार सम्मेलनमा नेपाल भलिबल संघकी उपाध्यक्ष समेत रहेकी प्रतिष्ठानकी अध्यक्ष निरोज मास्केले जानकारी दिनुभयो ।

बक्सिङ टोली जोर्डनतर्फ

एएसबीसी युथ तथा जुनियर बक्सिङ प्रतियोगितामा सहभागी हुन तीन खेलाडीसहित चार सदस्यीय नेपाली टोली आइतबार जोर्डनको अम्मान प्रस्थान गरेको छ । फागुन १६ देखि चैत १ गतेसम्म हुने प्रतियोगिताको युथतर्फ पुरुष ५४ केजीमा छिरिङ वाङ्दी तथा ६० केजीमा इन्द्रबहादुर सुनारले नेपालको चुनौती प्रस्तुत गर्नुहुनेछ ।

एपीएफ अपराजित बन्दै फाइनलमा

नेपाल एपीएफ क्लब अपराजित रहदै ललितपुर मेयर महिला टी–२० क्रिकेट प्रतियोगिताको फाइनलमा प्रवेश गरेको छ । कीर्तिपुर स्थित टियु मैदानमा आइतबार भएको खेलमा एपीएफले लुम्बिनी प्रदेशलाई १० विकेटले हरायो ।

पल्सर स्पोर्ट्स अवार्ड चैतमा

८औँ संस्करणको एनएसजेएफ पल्सर स्पोर्ट्स अवार्ड चैत ८ गते हुने भएको छ । आयोजक नेपाल खेलकुद पत्रकार मञ्चले आइतबार अवार्डको मिति सार्वजनिक गरेको हो । एनएसजेएफले विगत वर्षहरुमा भन्दा यसपटक फरक ढंगले अवार्ड कार्यक्रम आयोजना गर्ने पनि जनाएको छ ।

अन्जन झापाको मार्की खेलाडी

नेपाली राष्ट्रिय टोलीका स्ट्राईकर एवं ‘ए’ डिभिजन लिग क्लब मनाङ मस्र्याङ्दीका कप्तान अन्जन विष्टलाई झापा फुटबल क्लबले नेपाल सुपर लिग (एनएसएल) फुटबलमा मार्की खेलाडीको रुपमा अनुबन्ध गरेको छ ।

एमबाप्पे चम्किएपछि पीएसजीको पूनरागमन जित

युवा स्टार केलियन एमबाप्पे चम्किएपछि पेरिस सेन्ट जर्मेन (पीएसजी) ले फ्रेन्च लिग वान फुटबलमा पूनरागमन जित निकालेको छ । घरेलु मैदानमा शनिबार राति भएको खेलमा पीएसजीले सेन्ट इटिनेलाई ३–१ गोलले हरायो ।

फोडेनको गोलमा सिटी विजयी

फिल फोडेनले खेलको अन्तिम समयतिर गोल गरेपछि शीर्षटोली म्यानचेस्टर सिटीले इङ्लिस प्रिमियर लिग फुटबलमा कठिन जित निकालेको छ । शनिबार राति भएको खेलमा सिटीले एभर्टनलाई उसैको मैदानमा १–० गोलले हरायो ।

स्पेनिस ला लिगा : रियलको कठिन जित

शीर्षटोली रियल म्याड्रिडले स्पेनिस ला लिगामा कठिन जित निकालेको छ । शनिबार राति भएको खेलमा रियलले मध्यम टोली रायो भालेकानोलाई उसैको मैदानमा १–० गोलले हरायो ।

मच्छिन्द्रलाई च्याम्पियन बनाउँदै लिगको मैजारो

मच्छिन्द्र क्लबलाई लगातार दोस्रो पटक च्याम्पियन बनाउँदै शहिद स्मारक ‘ए’ डिभिजन लिग २०७८ को मैजारो भएको छ । दशरथ रंगशालामा शनिबार भएको लिगको अन्तिम खेलमा मच्छिन्द्रले एपीएफ क्लबलाई २–१ गोलले हरायो ।

राष्ट्रिय खेल संघ व्यवस्थापन तथा निर्वाचन निर्देशिका हस्तान्तरण

राष्ट्रिय खेलकुद परिषद्बाट गठित ५ सदस्य राष्ट्रिय खेल संघ व्यवस्थापन तथा निर्वाचन निर्देशिका–२०७८ मस्यौदा उपसमितिका संयोजक सरोजकुमार पोखरेलले परिषद्का उपाध्यक्ष शिव कोईराला तथा निमित्त सदस्य सचिव कुलवहादुर थापालाई शुक्रवार संयुक्त रुपमा प्रारम्भिक मस्यौदा हस्तान्तरण गर्नुभएको छ ।

सुदूरपश्चिम फाइनलमा प्रवेश

सुदूरपश्चिम प्रदेश ललितपुर मेयर्स कप टी–२० महिला क्रिकेट प्रतियोगिताको फाइनलमा प्रवेश गरेको छ । कीर्तिपुरस्थित टियु मैदानमा शनिबार भएको खेलमा सुदूरपश्चिमले लुम्बिनी प्रदेशलाई ३८ रनले हरायो । सुदूरपश्चिमले दिएको एक सय २९ रनको विजय लक्ष्य पछ्याएको लुम्बिनीले २० ओभरमा पाँच विकेटको क्षतिमा ९० रनमा समेटिएको थियो ।