पिपल्स च्वाइस विधाको मनोनयन सार्वजनिक

एनएसजेएफ पल्सर स्पोर्ट्स अवार्ड–२०७७ अन्तर्गत ‘पिपल्स च्वाइस अवार्ड’का लागि पाँच खेलाडीको मनोनयन सार्वजनिक भएको छ । नेपाल खेलकुद पत्रकार मञ्च (एनएसजेएफ) ले आइतमार मनोनयनमा पर्ने पाँच खेलाडीको नाम सार्वजनिक गरेको हो ।

चर्च ब्वाइजको लगातार दोस्रो जित

चर्च ब्वाइज युनाइटेडले शहिद स्मारक ‘बी’ डिभिजन लिगमा लगातार दोस्रो जित निकालेको छ । ललितपुरको सातदोवाटो स्थित एन्फा कम्प्लेक्स मैदानमा आइतबार भएको खेलमा चर्च ब्वाइजले खुमलटार युथ क्लबलाई २–० गोलले हरायो ।

नेपाल खेलकुद महासङ्घ प्रदेश १ को अध्यक्षमा थापा

नेपाल खेलकुद महासङ्घ प्रदेश १ को अध्यक्षमा कराँतेका राजकुमार थापा निर्वाचित हुनुभएको छ । झापाको बिर्तामोडमा सम्पन्न प्रदेश–१ को प्रथम अधिवेशनले थापाको अध्यक्षतामा ६६ सदस्यीय प्रदेश कमिटी सर्वसम्मत निर्वाचित गरेको हो ।

मानेको गोलमा लिभरपुल विजयी

साडियो मानेको निर्णायक गोलले लिभरपुलले इङ्लिस प्रिमियर लिग फुटबलमा कठिन जित निकालेको छ । घरेलु मैदानमा शनिबार राति भएको खेलमा लिभरपुलले वेस्ट हाम युनाइटेडलाई १–० गोलले हरायो ।

पीएसजीलाई निसको धक्का

फ्रेन्च लिग वानको शीर्षस्थानमा रहेको पेरिस सेन्ट जर्मेन (पिएसजी)लाई निसको नमिठो धक्का लागेको छ । शनिबार राति भएको खेलमा पीएसजी निससँग १–० गोलले पराजित भयो ।

उपाधितर्फ लम्कँदै रियल म्याड्रिड

स्पेनिस ला लिगामा रियल म्याड्रिडले उपाधि दौड बलियो बनाउँदै लगेको छ । शीर्षस्थानमा रहेको रियलले घरेलु मैदानमा शनिबार राति भएको खेलमा रियल सोसिडाडलाई ४–१ गोलले हरायो ।

फेन्सिङमा बागमतीकी शिक्षा र सेनाकी सीतालाई स्वर्ण

बागमती प्रदेशकी शिक्षा नापितले प्रथम बीर गणेशमान सिंह राष्ट्रिय फेन्सिङ प्रतियोगितामा महिला ब्यक्तिगत सावरतर्फ स्वर्ण पदक जित्नुभएको छ । राखेप कभर्डहलमा शनिबारदेखि सुरु भएको प्रतियोगिताको फाइनलमा नापितले एपीएफकी उर्मिला लामालाई १५–९ अंकले पराजित गर्नुभयो ।

वीरगन्ज र नयाँबस्ती बराबरीमा रोकियो

वीरगन्ज युनाईटेड र नयाँबस्ती युथ क्लबले शहिद स्मारक ‘बी’ डिभिजन लिगमा बराबरी खेल्दै अंक बाडेका छन् । एन्फा कप्लेक्स सातदोबाटोमा शनिबार वीरगन्ज र नयाँबस्तीले २–२ गोलको बराबरी खेले ।

पदक विजेता खेलाडीलाई सम्मान

जैशीदेल युथ क्लबले शनिबार दोश्रो बागमतीस्तरीय जुनियर आमन्त्रण मेयर कप तेक्वान्दो प्रतियोगिताको प्रतियोगिता तथा एसियाली स्तरीय तेक्वान्दो प्रतियोगतामा स्वर्ण पदक जित्ने आफ्ना खेलाडीहरुलाई सम्मान गरेको छ ।

श्रीभगवतीको दोस्रो जित

श्रीभगवती क्लबले शहीद स्मारक ‘बी’ डिभिजन लिग फुटबल लगातार दोस्रो जित निकालेको छ । ललितपुरस्थित एन्फा कप्लेक्स सातदोबाटोमा शनिबार भएको खेलमा श्रीभगवतीले ब्वाइज युनियन क्लबलाई २–१ गोलले हरायो । लिगको पहिलो खेलमा श्रीभगवतीले झम्सिखेल युथ क्लबलाई ३–१ गोलले हराएको थियो ।

फराकिलो जितसँगै इन्टर शीर्षस्थानमा

रेलिगेसनको मारमा रहेको सालेरनिटानामाथि फराकिलो जित निकाल्दै इन्टर मिलान इटालियन सिरी ‘ए’ फुटबलको शीर्षस्थानमा उक्लिएको छ । घरेलु मैदानमा शुक्रबार राति भएको खेलमा इन्टरले सालेरनिटानालाई ५–० गोलले हरायो ।

क्रिकेट टोली श्रीलंका प्रस्थान

युनाईटेड अरब इमिरेट्स (यूएई) मा मार्च १६ देखि २२ सम्म आयोजना हुने आईसीसी विश्वकप लिग–२ मा सहभागिता जनाउन नेपाली नेपाली राष्ट्रिय क्रिकेट टोली शनिबार बिहान श्रीलंका प्रस्थान गरेको छ । लिग–२ अघि श्रीलंकामा अभ्यास खेल खेल्न नेपाली टोली शनिबार श्रीलंका प्रस्थान गरेको हो ।

अष्ट्रेलियन क्रिकेटर शेन र्वानको ५२ वर्षको उमेरमा निधन

अष्ट्रेलियन क्रिकेटर शेन र्वानको ५२ वर्षको उमेरमा निधन भएको छ । उहाँलाई इतिहासकै सर्वाधिक उत्कृष्ठ क्रिकेटरका रुपमा लिइन्छ । उहाँको थाइल्याण्ड निधन भएको र मृत्युको कारण हृदयाघात भएको हुन सक्ने बताइएको छ ।

सन्दीपको कप्तानीमा विश्वकप लिग–२ क्रिकेट टोलीको घोषणा

नेपाल क्रिकेट संघ (क्यान) ले लेगस्पिनर सन्दीप लामिछानेको कप्तानीमा आईसीसी विश्वकप लिग–२ अन्तर्गत यूएई र पपुवा न्युगिनी (पीएनजी) सँगको एकदिवसीय सिरिजको लागि खेलाडी टोलीको घोषणा गरेको छ । 

रैथाने क्लबका फिरन्ते खेलाडी

नेपाली फुटबल विकासको आधार मानिएको शहिद स्मारक ‘ए’ डिभिजन लिग भर्खर सकिएको छ। काठमाडौँको रैथाले क्लब मच्छिन्द्रलाई लगातार दोस्रो वर्ष च्याम्पियन बनाउँदै लिगले विश्राम पाएको थियो। लिग सकेर क्लबहरु आफ्ना खेलाडीको निखारता प्रदर्शन गर्न मोफसलमा आयोजना हुने गोल्डकपको तयारीमा थिए। अधिकांश क्लबले अनुबन्ध गरेका खेलाडीको साथमा मोफसलमा पनि उत्कृष्ट प्रदर्शन गर्ने सोच बनाएका थिए।