मनाङलाई बराबरीमा रोक्दै आर्मी दोस्रो

लिगको अन्तिम खेलमा मनाङ मस्र्याङ्दी क्लबलाई १–१ गोलको बराबरीमा रोक्दै विभागीय टोली सित्रभुवन आर्मी क्लब शहिद स्मारक ‘ए’ डिभिजन लिगमा दोस्रो भएको छ । दशरथ रंगशालामा शनिबार भएको प्रतिस्पर्धात्मक खेलमा सुरुवाती अग्रता जोगाउन नसक्दा मनाङले पाँचौँ स्थानमा चित्त बुझाएको छ ।

एलपीएलमा सत्यवती एकेडेमी च्याम्पियन

छैठौँ संस्करणको धनगढी मेयर लिटल फ्लावर प्रिमियर लिग (एलपीएल) यू–१९ विद्यालय स्तरीय टी–२० क्रिकेट प्रतियोगिताको उपाधि सत्यवती एकेडेमी अत्तरियाले जितेको छ ।

सिमोन र पुष्पालाई केटीएम रन उपाधि

१० किलोमिटर दुरीको केटीएम रनको उपाधि केन्याका धावक सिमोन किप्लागेट र शसस्त्र प्रहरी बल (एपीएफ) की खेलाडी पुष्पा भण्डारीले जित्नुभएको छ । काठमाडौँमा शनिबार भएको प्रतियोगिता पुरुषतर्फ केन्याली खेलाडी सिमोन र महिलातर्फ भण्डारी च्याम्पियन बन्नुभएको हो ।

बस्नेतलाई प्रधानसेनापति खुला म्याराथन उपाधि

प्रधानसेनापति खुला म्याराथनको उपाधि नेपाली सेनाका धावक कृष्णबहादुर बस्नेतले जित्नुभएको छ । काठमाडौँमा शनिबार बिहान भएको म्याराथनमा कृष्णले निर्धारित दुरी २ घन्टा १९ मिनेट ५७ सेकेन्डमा पूरा गर्नुभयो । सेनाकै खड्कबहादुर खड्का दोस्रो र शसस्त्र प्रहरी बलका किरण सिंह बोगटी तेस्रो हुनुभयो ।

खेलकुदलाई अतिरिक्त होइन, शिक्षाको मूल विषय बनाइन्छ : मन्त्रालय

खेलकुदलाई अतिरिक्त क्रियाकलाप मात्र भन्ने बुझाई, सोच र चिन्तनमा ठूलो परिवर्तनको खाँचो औँल्याइएको छ । खेलकुदलाई अब शिक्षाको मूल विषय बनाएर आयआर्जनसँग जोड्न र व्यावसायिकततातर्फ उन्मुख गराउन पर्ने टड्कारो आवश्यकता देखिएको हो । युवा तथा खेलकुद मन्त्रालयका सचिव डा दामोदर रेग्मीले सरकार, समाज, विद्यालय र घरपरिवारमै खेलकुदप्रतिको बुझाइ, सोच र व्यवहारमा परिवर्तनको खाँचो औँल्याउनुभयो । राष्ट्रको इज्जत, प्रतिष्ठा र...

बेइजिङ शीतकालीन ओलम्पिक

बेइजिङ शीतकालीन ओलम्पिकको सुखद समापन भइसकेको छ । हिउँमा खेलिने यो खेलमेला दुई हप्ताभन्दा बढी चल्यो । यसै हप्ता सम्पन्न यस खेलको सफलताबारे गरिएको अड्कल सकारात्मक थिएन । आयोजक चप्नले सबैको साथ नपाएको अवस्था थियो । खेल सुरु हुनुअघि नै यस मेलालाई राजनीतिक रङ दिइयो । अन्तर्राष्ट्रिय जगत्मा केही मुद्दामा चीनको आलोचना भइरहेको थियो । कोरोना महामारीको बेला हजारौँ खेलाडी र खेल पदाधिकारीलाई आफ्नो सहरमा बोलाएर यो ओलम्पिकलाई...

शनिबार जङ्गीअड्डामा म्याराथनसहित चार विधाका दौड हुने

‘प्रधानसेनापति खुला म्याराथन’ प्रतियोगितामा करिब एक हजार ५८० धावकको सहभागिता रहने भएको छ । सैनिक मुख्यालय जङ्गीअड्डा परिसरको खेलमैदानमा शनिबार बिहान ७ बजे म्याराथनसहित विभिन्न चार विधाका दौड प्रतियोगिता प्रारम्भ हुँदैछन् । सैनिक शारीरिक तालिम तथा खेलकुद केन्द्रका प्रमुख महासेनानी मुनाल बस्नेतका अनुसार बिहान ७ बजेदेखि पाँच मिनेट समय अन्तरालमा म्याराथन, हाफ म्याराथन, १० किमी दौड र पाँच किमी दूरीको वाकाथन प्रारम्भ...

टी–२० विश्वकप छनोटमा नेपाल तेस्रो

आईसीसी टी–२० ग्लोबल छनोट खेलमा नेपाल तेस्रो भएको छ । छनोट खेलमा समूह ‘ए’ बाट प्रतिस्पर्धा गरेको नेपाल सेमिफाइनलमा यूएईसँग पराजित भएपछि विश्वकप छनोटबाट बाहिरिएको थियो ।

आर्मी र प्रहरी च्याम्पियन

विभागीय टोली त्रिभुवन आर्मी र नेपाल प्रहरी लामा टेन्डी शेर्पा स्मृति खुला बास्केटबल प्रतियोगितामा च्याम्पियन बनेका छन् । आर्मीले पुरुष तथा प्रहरीले महिलाको उपाधि जितेको हो ।

ओलम्पियनलाई दुई दिने अभिमुखिकरण तालिम

नेपाल ओलम्यिन संघको आयोजनामा नेपालका ओलम्पियन खेलाडीहरुको क्षमता अभिवृद्धिका लागि दुई दिने अभिमुखिकरण (स्किल डेभलप्मेन्ट ट्रेनिङ) कार्यक्रम सुरु गरेको छ ।

एलपीएलको सेमिफाइनल समीकरण पूरा

धनगढी मेयर लिटल फ्लार प्रिमियर लिग (एलपीएल) विद्यालय स्तरीय यू–१९ टी–२० क्रिकेट प्रतियोगिताको सेमिफाइनल समिकरण पूरा भएको छ । बिहीबार भएको समूह चरणको अन्तिम खेलमा काठमाडौँको हिमालयन ह्वाइट हाउस स्कुलले होलिल्याण्ड स्कुल अत्तरियालाई ८० रनले हरायोे ।

भेट्रान्स फुटबलको तयारी पूरा

मोरङको सुनवर्सी–२ अमरदहमा शुक्रबारबाट आयोजना हुने चौथो अन्तर्राष्ट्रिय आमन्त्रण अमरदह ढल्के जोवन गोल्डकप (भेट्रान्स) फुटबल प्रतियोगिताको तयारी पूरा भएको छ । उद्घाटन खेल शसस्त्र प्रहरी बलको एपीएफ क्लब र भारतको एमएफसी दार्जलिङबीच प्रतिस्पर्धा हुनेछ ।

टस हारेर पहिले बलिङ गर्दै नेपाल

आईसीसी टी–२० विश्वकप छनोटबाट बाहिरिएको नेपालले तेस्रो स्थानमा लागि अहिले आयोजक ओमानसँग प्रतिस्पर्धा गर्दैछ । अल अमेरत क्रिकेट मैदानमा नेपालले पहिले बलिङ गरिरहेको छ ।

एसियन कप छनोट : नेपाल कठिन समूहमा

एएफसी एसियन कप छनोट अन्तर्गत तेस्रो चरणको खेलमा नेपाल कठिन समूहमा परेको छ । एसियाली फुटबल महासंघ (एएफसी) ले बिहीबार सार्वजनिक गरेको समूह विभाजनमा नेपाल समूह ‘ए’ मा परेको छ ।

नवप्रवेशी सातदोवाटोको सुखद अन्य

नवप्रवेशी सातदोवाटो युथ क्लबले शहिद स्मारक ‘ए’ डिभिजन लिगमा सुखद अन्त्य गरेको छ । एन्फा कम्प्लेक्स मैदान सातदोवाटोमा बिहीबार भएको खेलमा सातदोवाटोले च्यासल युथ क्लबलाई १–० गोलले हरायो । लिगको आफ्नो अन्तिम खेलमा सातदोवाटोलाई जिताउन अजयी मार्टिन्सले निर्णायक गोल गर्नुभयो ।