त्रिदेशीय टी–२० सिरिजमा नेपालको सुखद सुरुवात

त्रिदेशीय टी–२० अन्तर्राष्ट्रिय सिरजनमा नेपालले सुखद सुरुवात गरेको छ । कीर्तिपुरस्थित टियु क्रिकेट मैदानमा सोमबार भएको पहिलो खेलमा नेपालले पपुवा न्युगिनी (पीएनजी) लाई १५ रनले हरायो ।

साना दलका निर्वाचन चिन्ह मतपत्रमा समावेश गरिने

निर्वाचन आयोगले स्थानीय तह निर्वाचन २०७९ का लागि राष्ट्रिय मान्यता प्राप्त छ दलबाहेक अन्य साना दलको निर्वाचन चिन्ह पनि मतपत्रमा समावेश गर्ने निर्णय गरेको छ । आयोगको नियमित पत्रकार सम्मेलनमार्फत प्रवक्ता शालीग्राम शर्मा पौडेलले साना ७३ दलको जिल्ला कार्य समितिको संरचना पेश गर्न आयोगबाट भएको निर्देशन बमोजिम आयोगबाट प्रदान गरिसकिएको निर्वाचन चिन्ह, स्थानीय तह निर्वाचनको सदस्य सम्बन्धित जिल्लाको मतपत्रमा समावेश...

सांसद गुप्तासहित धेरै कार्यकर्ता एमालेमा प्रवेश

संघीय सांसद वृजेशकुमार गुप्ता नेकपा (एमाले) प्रवेश गर्नुभएको छ । स्वतन्त्र समूहबाट ‘सूर्य’ चिन्ह लिएर कपिलवस्तु क्षेत्र २ बाट निर्वाचित गुप्ता सोमवार एमाले प्रवेश गर्नुभएको हो । कपिलवस्तु नगरपालिका तौलिहवामा आयोजित वृहत् सभा तथा पार्टी प्रवेश कार्यक्रममा सांसद गुप्ताका धेरै समर्थक नेता कार्यकर्ता एमाले प्रवेश गर्नुभएको छ । उहाँलाई एमाले अध्यक्ष केपी शर्मा ओलीले प्रवेश गराउनुभयो ।

पछिल्लो २४ घण्टामा १५ जनामा सङ्क्रमण पुष्टि, ३१९ सङ्क्रमण मुक्त

पछिल्लो २४ घण्टामा १५ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले पाँच हजार १५२ जनाको पीसीआर परीक्षण गर्दा १५ जनामा सङ्क्रमण पुष्टि भएको हो ।

ज्येष्ठ नागरिकको भवनमा नगरपालिका कार्यालय सञ्चालन

सर्लाहीको लालबन्दी नगरपालिका –८, मा निर्माण गरिएको ज्येष्ठ नागरिक भवनमा नगरपालिका कार्यालय राखिएको छ । सहाराविहीन ज्येष्ठ नागरिकलाई संरक्षण दिएर राख्ने उद्देश्यले निर्माण गरिएको सो भवनमा नगरपालिकाको कार्यालय राखिएको हो ।

विद्यालयमा ‘एक विद्यालय एक नर्स’ कार्यक्रम

कपिलवस्तुको महाराजगन्ज नगरपालिका २ वगिहवास्थित दुर्गा भवानी कन्या माध्यमिक विद्यालयमा अध्ययनरत विद्यार्थी अघिल्लो वर्ष रजस्वला हुँदा पीडा भोगेको स्मरण गर्नुहुन्छ । रजस्वला हुँदा उहाँहरुलाई तल्लो पेट दुख्ने, टाउको दुख्ने थकान महसुस हुनेजस्ता समस्या हुनेगरेको थियो । छात्रा मात्र अध्ययन गर्ने विद्यालयमा लुम्बिनी प्रदेश सरकारले नर्सको व्यवस्था गरेपछि छात्राहरु लाभान्वित भएका हुन् ।

गठबन्धन निर्वाचनसम्म कायमै : अध्यक्ष प्रचण्ड

सत्ता साझेदार दल नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले आगामी निर्वाचनसम्मै गठबन्धन कायम राखिनुपर्ने बताउनुभएको छ । सोमबार रोल्पामा आयोजित जनयुद्ध स्मृति भ्यू टावर उद्घाटन कार्यक्रममा उहाँले भन्नुभयो, ‘गत साल झण्डै प्रतिगमन हुने हो कि भन्ने खतरा पैदा भएको थियो । यसका लागि नयाँ खालको आन्दोलन गर्‍यौं ।’

धादिङ उद्योग वाणिज्य संघमा थपलिया

धादिङ उद्योग वाणिज्य संघको १० औं अधिवेशनबाट अध्यक्षमा विष्णुप्रसाद थपलिया निर्विरोध चयन हुनुभएको छ । धादिङबेसीमा सम्पन्न अधिवेशनले थपलियाको अध्यक्षतामा २१ सदस्य समिति निर्विरोध चयन गरेको हो ।

दुई उपकेन्द्रसहित हुम्लामा ५४ वटा मतदान केन्द्र

आगामी बैशाख ३० गते हुने स्थानीय तहको निर्वाचनका लागि हुम्लाका लागि दुई वटा उपकेन्द्रसहित ५४ वटा मतदान केन्द्र आयोगले निर्धारण गरेको छ । एक हजारभन्दा बढी मतदाता संख्या रहेका दुई वटा मतदान केन्द्रलाई उपकेन्द्र थप गरेर अघिल्लो निर्वाचनभन्दा मतदान केन्द्रको संख्या बृद्धि गरिएको हो ।

राप्रपाको केन्द्रीय कार्य सम्पादन समिति गठन

राष्ट्रिय प्रजातन्त्र पार्टी (राप्रपा) को केन्द्रीय कार्य सम्पादन समिति गठन गरिएको छ । राप्रपा अध्यक्ष राजेन्द्र लिङ्देनले पार्टीको विधान बमोजिम सो समिति गठन गर्नुभएको पार्टी प्रवक्ता एवम् प्रचार विभाग प्रमुख मोहन श्रेष्ठले जानकारी दिनुभयो । अध्यक्ष लिङ्देनसहित उपाध्यक्षहरु बुद्धिमान तामाङ, विक्रम पाण्डे, ध्रुवबहादुर प्रधान, रोशन कार्की, हेमजङ्ग गुरुङ, मुकुन्द श्याम गिरी उक्त समितिमा हुनुहुन्छ ।