कोभिड–१९ बाट बच्न सावधानीबाहेक अरु विकल्प छैनः स्वास्थ्यमन्त्री ढकाल

स्वास्थ्य तथा जनसंख्या मन्त्री भानुभक्त ढकालले कोभिड–१९ विरूद्ध खोप तथा औषधिको विकास नभैसकेकाले यसबाट बच्न सावधानीबाहेक अरू विकल्प नभएको बताउनुभएको छ । मन्त्री ढकालले कोभिड–१९ सङ्क्रमण रोकथाम, नियन्त्रण तथा उपचारकाको काम थप प्रभावकारी बनाउन तीन तहका सरकारबीच प्रभावकारी समन्वय र सहकार्यको आवश्यकतामा जोड दिनुभयो ।

काठमाडाैँमा ६६ पिण्ट रगत सङ्कलन

देशभरि रगतको आपूर्तिमा कमी भइरहेका अवस्थामा आज ६६ व्यक्तिले रक्तदान गर्नुभएको छ । मानव अधिकार तथा शान्ति समाज, नयाँबस्ती युवा क्लब र गोकर्णेश्वर स्वयंसेवी परिचालन समितिले काठमाडौँमा आयोजना गरेको रक्तदान कार्यक्रम बिहान ८ बजेदेखि शुरु भएको थियो । कोभिड–१९ का कारण भौतिक दूरी कायम गरेर आवश्यक सजगताका साथ रक्तदानको व्यवस्था मिलाइएको थियो ।

मृत्यु हुने दर बढ्दाे, थप १२ सहित कुल मृतक सङ्ख्या २५१ पुग्याे

नेपालमा कोरोना भाइरसका कारणले मृत्यु हुने बढ्दाे दिशामा रहेकाे छ । पछिल्लो २४ घण्टामा १२ जनाको मृत्यु भएकाे छ । छजना महिलासहित १२ जनाकाे कोरोना सङ्क्रमणका कारणले मृत्यु भएको स्वास्थ्य तथा जनसङ्ख्या मन्त्रालयको नियमित प्रेस ब्रिफिङमा प्रवक्ता डा. जागेश्वर गौतमले बताउनुभएकाे हाे ।

थप एक हजार १२० सङ्क्रमितसहित ४१ हजार ६४९

नेपालमा एकहजार १२० जना कोरोना सङ्क्रमित थपिएका छन् । थप ३२० महिला सहित ११२०  जना कोरोना भाइरस पुष्टि भएको छ । स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा पछिल्लो २४ घण्टामा थपिएकासँगै सङ्क्रमित हुने कुल ४१ हजार ६४९ पुगेको जनाइएको छ ।

काठमाडौँ उपत्यकामा कोरोनाका ३८८ सङ्क्रमित थपिए

काठमाडौँ उपत्यकामा कोरोनाभाइरसका ३८८ सङ्क्रमित थपिएका छन् । पछिल्लो चौबीस घण्टामा आरटीपीसीआर परीक्षणबाट काठमाडौँ उपत्यकाको तीन जिल्लामा ३८८ सङ्क्रमित थपिएकाे पुष्टि भएकाे हाे । स्वास्थ्य तथा जनसङ्ख्या मन्त्रलायले दैनिक प्रेस ब्रिफिङको क्रममा काठमाडौँमा ३५०, ललितपुरमा २९ र भक्तपुरमा नौ जना सङ्क्रमित पुष्टि भएको जनाएको छ । नेपालमा कोरोनाका १८ हजार १०८ जनामा सङ्क्रमण सक्रिय रहेको छ । पछिल्लो चौबीस घण्टामा एक...