काठमाडौँ उपत्यकामा ६२ सङ्क्रमित थपिए

स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा काठमाडौंमा ५६, ललितपुर र भक्तपुरमा तीन तीन जना गरी ६२ जनामा सङ्क्रमणको पुष्टि भएको हो । काठमाडौं उपत्यकामा शुक्रबार अहिलेसम्मकै सबैभन्दा बढी १०६ जनामा कोरोना सङ्क्रमणको पुष्टि भएको थियो ।

थप ३७८ मा सङ्क्रमणको पुष्टि, कुल २२ हजार ५९२

कोरोनाभाइरसका ३७८ जना नयाँ सङ्क्रमित थपिएका छन् । यो सँगै नेपालमा कुल सङ्क्रमितको संख्या २२ हजार ५९२ पुगेको स्वास्थ्य तथा जनसंख्या मन्त्रालयले जनाएको छ ।

नगरपालिकाका मेयरसहित पर्सामा थप ५५ जनामा सङ्क्रमण

नारायणी अस्पतालको पिसिआर प्रयोगशालामा गरिएको परीक्षणको शुक्रबार राति अबेर आएको रिर्पोट अनुसार पर्सा जिल्लाको बहुदरमाई नगरपालिकाका मेयर सहित पर्सामा थप ५५ जनामा कोरोना पुष्टि भएको छ । नारायणी अस्पतालका मेडिकल सुपरिटेन्डेन्ट डा. मदन उपाध्यायका अनुसार साउन २१ गते नेपाल राष्ट्रिय माध्यमिक विद्यालय वैरियाविर्तामा परीक्षणका लागि स्वाब दिएका बहुदरमाई नगरपालिकाका मेयर नितेन्द्र साह सहित थप ५५ जनामा कोरोना सङ्क्रमण...

मध्यम अवस्थामा दश दिनमा सक्रिय सङ्क्रमित ३९ हजार पुग्ने

स्वास्थ्य तथा जनसंख्या मन्त्रालयले कोरोना सङ्क्रमणका बीच केही साता अघि अत्यन्तै खराब र मध्यम अवस्थामा सङ्क्रमितको संख्या पूर्बानुमान गरेको थियो । मन्त्रालयले ‘इपी मोडलिङ’(इपीडेमिक प्रेडिक्शन)बाट उक्त अनुमान गरेको हो । सङ्क्रमण युद्ध स्तरमा फैलिए साउन २५ सम्म नेपालमा सक्रिय सङ्क्रमित ९१ हजार पुग्ने अनुमान गरिएको थियो । तर हाल सक्रिय सङक्रमितको संख्या छ हजार ६३० दत्र्ता गरिएको छ ।

अस्पताल निर्माण गर्न आएका थप १३ जना मजदुरमा कोरोना सङ्क्रमण

अस्पताल भवन निर्माणको लागि बागलुङ आएका थप १३ जना मजदुरमा कोरोना सङ्क्रमण पुष्टि भएको छ । धौलागिरि अस्पताल बागलुङको ‘सि’ ब्लक भवन निर्माणको लागि मोहत्तरीदेखि आएका मजदुरमा कोरोना पुष्टि भएको हो । यस अघि २५ वर्षिय एक जना पुरुष मजदुरलाई कोरोना पुष्टि भएपछि धौलागिरि बहुमुखी क्याम्पसको प्रि–आईसोलेसन कक्षमा राखेर उपचार भैरहेको छ ।