प्रियान्शुको विजयी सुरुवात

प्रियान्शुसिंह क्षेत्रीले योनेक्स सनराइज प्रधानमन्त्री कप राष्ट्रिय खुला ¥याङकिङ ब्याडमिन्टन प्रतियोगिताको यू–१९ पुरुष सिंगल्समा सोमबार विजयी सुरुवात गर्नुभएको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा प्रियान्शुले अदिश कार्कीलाई २१–१२, २१–१६ को सोझो सेटमा हराउनुभयो ।

मधुपर्कका सम्पादक भट्टराई सम्मानित

ललितकला पत्रकार समाज (सोफाज) ले ललितकला पत्रकारिता क्षेत्रमा योगदान गरेकालाई सम्मानित एवं पुरस्कृत गरेको छ । समाजद्वारा सोमवार राजधानीमा आयोजित कार्यक्रममा मधुपर्कका सम्पादक जयदेव भट्टराईलाई सोफाज ललितकला पत्रकारिता सम्मान प्रदान गरिएको छ ।

एकसय ५० जना किसानलाई टिनको ड्रम वितरण

कृषि ज्ञान केन्द्र पर्साले गहुँ ब्लक क्षेत्रमा गहुँ खेती गरेका एक सय ५० जना कृषकलाई गहुँको बिऊँ जोगाएर राख्न एक एक थान ड्रम वितरण गरेको छ । पर्साको पर्सागढी नगरपालिका २ झब्राहामा आयोजित कार्यक्रममा गहुँ ब्लक क्षेत्रमा गहुँ खेती गरेका कृषकलाई गहुँको बिऊँ जोगाएर राख्न ड्रम वितरण गरेको हो ।

जग्गा अतिक्रमण गर्नेलाई सामाजिक बहिष्कार गर्नुपर्छ : मन्त्री झाक्री

शहरी विकासमन्त्री रामकुमारी झाँक्रीले सार्वजनिक जग्गा अतिक्रमण गर्नेलाई सामाजिक बहिष्कार गर्नुपर्ने बताउनुभएको छ । नदी किनारमा रहेका सार्वजनिक जग्गा नेता र सांसदको संरक्षणमा कब्जा भइरहेको बताउँदै उहाँले गलत काम गर्नेलाई सार्वजनिक बहिष्कार गर्नुपर्ने बताउनुभयो ।

स्थानीय तह निर्वाचन सफल बनाउनुपर्छ : अध्यक्ष ओली

पूर्व प्रधानमन्त्री तथा नेकपा (एमाले) का अध्यक्ष केपी शर्मा ओलीले आगामीे वैशाख ३० गते हुने स्थानीय तहको निर्वाचनलाई सफल बनाउन सबै लाग्नुपर्ने बताउनुभएको छ । सोमबार सदरमुकाम चैनपुरमा आयोजना भएको आमसभा तथा पार्टी प्रवेश कार्यक्रमलाई सम्बोधन गर्दै अध्यक्ष ओलीले सो कुरा बताउनुभयो ।

सरकारको इन्धन खर्च कटौती गर्ने प्रस्ताव मन्त्रिपरिषदमा

अर्थ मन्त्रालयले पेट्रोलियम पदार्थ व्यवस्थापनका लागि सरकारी सुविधाको इन्धन खर्च कटौती गर्ने भएको छ । सोमबार पत्रकार सम्मेलनमार्फत अर्थमन्त्री जनार्दन शर्माले सरकारी सुविधाको इन्धन खर्च २० प्रतिशत कटौती गर्ने प्रस्ताव मन्त्रिपरिषदमा पठाएको जानकारी दिनुभयो ।

नेपाल एसियन कप फुटसलबाट बाहिरियो

नेपाल एएफसी फुटसल एसियन कप छनोटबाट बाहिरिएकोृ छ । कीर्गिस्तानमा जारी छनोट खेलमा लगातार दोस्रो हार खेपेसँगै नेपाल प्रतियोगिताबाट बाहिरिएको हो । एसियाली छनोटको सेन्ट्रल र साउथ जोन अन्तर्गत समूह ‘बी’ मा रहेको नेपाल सोमबार ताजिकिस्तानसँग ११–१ गोलले पराजित भयो ।

राष्ट्रपतिसमक्ष पाँच देशका राजदूतबाट ओहोदाको प्रमाणपत्र प्रस्तुत

राष्ट्रपति विद्यादेवी भण्डारीसमक्ष नेपालका लागि पाँच मुलुकका गैरआवासीय राजदूतले आ–आफ्नो ओहोदाको प्रमाणपत्र प्रस्तुत गर्नुभएको छ ।

आयोगले ७५३ जना निर्वाचन अधिकृतलाई अभिमुखीकरण तालिम दिँदै

निर्वाचन आयोगले चैत २९ गतेदेखि वैशाख ३ गतेसम्म सात वटै प्रदेशको ८ स्थानमा स्थानीय तह निर्वाचनमा खटिने ७५३ जना निर्वाचन अधिकृत र ७७ जिल्ला निर्वाचन कार्यालयका प्रमुखका लागि अभिमुखीकरण तालिम प्रशिक्षण सञ्चालन गर्दैछ । निर्वाचन आयोगमा सोमबार भएको नियमित पत्रकार सम्मेलनमा आयोगका प्रवक्ता तथा सहसचिव शालिग्राम शर्मा पौडेलले सो कुराको जानकारी गराउनुभयो ।

सर्लाहीमा तिर्थयात्री चढेको बस दुर्घटना, २५ घाइते

पूर्व–पश्चिम राजमार्गअन्तर्गत सर्लाहीको फूलजोर चोकमा सोमबार तिर्थयात्रु चढेको बस दुर्घटना हुँदा चालकसहित २५ जना घाइते भएका छन् ।