पाल्पाको रामपुरमा जीप दुर्घटना हुँदा चार जना घाइते

पाल्पाको रामपुरमा जीप दुर्घटना हुँदा चार जना घाइते भएका छन् । रामपुर नगरपालिका–२ बटरामा आइतबार साँझ ६ बजेतिर जीप दुर्घटना चार जना घाइते भएका हुन् । घाइतेमध्ये तीन जनाको अवस्था गम्भीर रहेको प्रहरीले जनाएको छ ।

सिमकोट बजारमा कालोपत्र गर्न सुरु

सदरमुकाम सिमकोट क्षेत्रको तल्लो बजारमा कालोपत्र कार्य सुरु भएको छ । सङ्घीय सरकारको शहरी विकास कार्यालय जुम्लाको चालु वर्षको वार्षिक कार्यक्रम अनुसार सो कालोपत्र कार्य सुरु भएको हो ।

सत्ता गठबन्धनद्वारा संयुक्त वक्तव्य जारी

सत्ता गठबन्धनको सोमबार बिहान बसेको शीर्षस्थ नेताहरुबीचको बैठक सम्पन्न भएको छ । प्रधानमन्त्री एवम् काँग्रेस सभापति शेरबहादुर देउवाको सभापतित्वमा बसेको बैठकमा वैशाख ३० गते हुने स्थानीय निर्वाचनलाई कसरी सफलतापूर्वक सफल गर्ने भन्ने विषयमा बृहत् छलफल भएको सरकारका प्रवक्ता एवम् सञ्चार तथा सूचना प्रविधि मन्त्री ज्ञानेन्द्रबहादुर कार्कीले बताउनुभयो ।

ढल्केबरमा तरबुजाको व्यापार फस्टाउँदो

पूर्वपश्चिम लोकमार्गअन्तर्गत धनुषाको ढल्केबरमा तरबुजाको व्यापार फस्टाएको छ । गर्मी महिना सुरु भएसँगै तरबुजाको व्यापार जिल्लामा निकै फस्टाएको हो । व्यापार बढेसँगै ढल्केबरमा तरबुजा पसलको सङ्ख्या पनि बढेको छ । यहाँका स्थानीय व्यापारीहरुले दुई दर्जनभन्दा बढी स्थानमा अस्थायी टहरा निर्माण गरी तरबुजाको पसल सञ्चालन गरेका छन् ।

आफ्नै कीर्तिमान तोड्न लाक्पा १० औँ पटक सगरमाथा आरोहण गर्दै

धेरै पटक सगरमाथाको आरोहण गरेर विश्वकीर्तिमान बनाउनुभएका आरोही लाक्पा शेर्पाले आफ्नै कीर्तिमान तोड्न फेरी सगरमाथाको आरोहण गर्नुहुने भएको छ । नौ पटक सफल आरोहण गरी सक्नु भएकी लाक्पा १० औँ पटक सगरमाथा आरोहणका लागि आधारशिविर तर्फ जान लाग्नु भएको आरोहण आयोजक कम्पनी सेभेन समिट क्लवका प्रमुख मिङमा शेर्पाले जानकारी दिनुभयो ।

सत्तारुढ गठबन्धनका शीर्षनेताको बैठक बालुवाटारमा जारी

सत्तारुढ गठबन्धनका शीर्ष नेताको बैठक बालुवाटारमा जारी छ । बैठकमा आगामी वैशाख ३० मा हुने स्थानीय तह चुनावमा दलबीचको तालमेल कसरी र कुन आधारमा गर्ने भन्नेबारे छलफल केन्द्रित रहेको बताइएको छ । 

पाँच लाख रुपियाँ घुससहित मालपोत हाकिम झा पक्राउ

भूमिसुधार तथा मालपोत कार्यालय धनुषाका निमित्त प्रमुख सुनिलकुमार झा पाँच लाख रुपैयाँ घुससहित जनकपुरधामको भानुचोकमा पक्राउ परेका छन् । अख्तियार दुरुपयोग अनुसन्धान आयोग बर्दिबासको टोलीले निमित्त प्रमुख झालाई पक्राउ गरेको आयोगको बर्दिबास कार्यालयका प्रमुख लेखनाथ दाहालले बताउनुभयो ।

जङ्गली च्याउ खाँदा बिरामी महिलाको मृत्यु

तनहुँमा जङ्गली च्याउ खाँदा बिरामी पर्नुभएकी एक महिलाको उपचारको क्रममा मृत्यु भएको छ । म्याग्देगाउँपालिका– ३ धँयेरेकी ४७ वर्षीया सुनीमाया थापाको मृत्यु भएको हो । गत चैत्र १८ गते जङगलबाट ल्याइएको च्याउ साँझ खानासँग तरकारीको रुपमा खाँदा उक्त च्याउले असर गरी थापा विरामी हुुनुभएको थियो ।

वैशाख १ देखि स्वघोषणा अनिवार्य

सरकारले व्यक्तिगत श्रम स्वीकृति लिएर वैदेशिक रोजगारीमा जाने व्यक्तिले अबदेखि स्वघोषणापत्र अनिवार्य रूपमा भर्नुुपर्ने व्यवस्थाको तयारी गरेको छ । व्यक्तिगत श्रम स्वीकृति लिएर वैदेशिक रोजगारीमा गएका अधिकांश नेपाली विदेशमा अलपत्र पर्न थालेपछि वैदेशिक रोजगार विभागले सो व्यवस्था वैशाख १ गतेदेखि लागू गर्न लागेको हो ।

कारको ठक्करबाट दुई नाबालकसहित तीन जनाको मृत्यु

नेपालञ्जको धम्बोझी र बीपीचोकको बीचमा आइतबार राती बाटो हिँडिरहेका पैदलयात्रीलाई धम्बोझीतर्फबाट तीव्र गतिमा आइरहेको कारले ठक्कर दिँदा दुई नाबालकसहित तीन जनाको मृत्यु भएको छ । आइतबार राती ११ः४५ बजे प्रदेश ३–०१–२३ च ८४८१ नम्बरको कारको ठक्करबाट पैदलयात्री ६५ वर्षीया समिमा इद्रिसी, पाँच वर्षका कसिम इद्रिसी र छ वर्षका अलि अन्सारीको मृत्यु भएको बाँके प्रहरीले जानकारी दिएको छ । सडकको छेउमा हिडिरहेका छ जना मध्ये तीन...