सबैभन्दा ठूलो हवाईजहाज रुसी आक्रमणमा ध्वस्त

संसारको सबैभन्दा ठूलो हवाईजहाज रुसी आक्रमणमा परेर ध्वस्त भएको छ । एन्टोनोभ एन–२२५ नाम गरिएको उक्त जहाज युक्रेनमा रुसी आक्रमणमा ध्वस्त भएको युक्रेन सरकारले जनाएको सीएनएनले उल्लेख गरेको हो ।

पर्यटक तान्न कर्णालीमा -याफ्टिङ

पलाँता र पचालझरना गाउँपालिकामा ¥याफ्टिङ सञ्चालन गरिने भएको छ । पर्यटन प्रवद्र्धनका लागि दुई गाउँपालिकाले कर्णाली नदीमा -याफ्टिङ सञ्चालनका लागि सम्भाव्यता अध्ययन सुरु गरेका छन् ।

बार्सिलोनाको सानदार जित

बार्सिलोनाले स्पेनिस ला लिगा फुटबलमा सानदार जित निकालेको छ । घरेलु मैदानमा आइतबार राति भएको खेलमा बार्सिलोनाले एथलेटिक बिल्बाओलाई ४–० गोलले हरायो ।

चेल्सीलाई सडनडेथमा हराउँदै लिभरपुल च्याम्पियन

काराबाओ कप फुटबलको उपाधि लिभरपुलले जितेको छ । आइतबार राति भएको खेलमा प्रिमियर लिग प्रतिद्वन्द्वी चेल्सीलाई सडनडेथमा ११–१० गोलले हराउँदै लिभरपुल च्याम्पियन बनेको हो ।

विद्युत् प्राधिकरणले पायो ‘डबल ए प्लस’

सरकारको पूर्ण स्वामित्वको नेपाल विद्युत् प्राधिकरणले ‘डबल ए प्लस’ क्रेडिट रेटिङ पाएको छ । इक्रा नेपाल लि. ले प्राधिकरणको क्रेडिट रेटिङ गरी ‘इक्रा एनपी डबल ए प्लस’स्तरको रेटिङ प्रदान गरेको हो ।

कोभिड नियन्त्रण गर्न स्वास्थ्यकर्मीको भूमिका उल्लेखनीय

स्वास्थ्य तथा जनसङ्ख्यामन्त्री विरोध खतिवडाले कोभिड–१९ नियन्त्रण गर्न स्वास्थ्यकर्मीहरूले उल्लेख्य भूमिका निर्वाह गरेको बताउनुभएको छ । २४औँ राष्ट्रिय स्वास्थ्य सेवा दिवसका अवसरमा स्वास्थ्य मन्त्रालयमा आयोजित कार्यक्रममा उहाँले स्वास्थ्यकर्मीहरूले आफ्नो ज्यानको परवाह नगरी कोरोना नियन्त्रणमा खटेकोमा प्रशंसा गर्नुभयो ।

चौँतीस किलोमिटर सडक कालोपत्रे

काभ्रेको धुलिखेल नगरपालिकाले चार वर्ष पाँच महिनाको अवधिमा ३४ किलोमिटर सडक कालोपत्रे गरेको छ । स्थानीय तहको निर्वाचन अगाडि १२.५ किलोमिटर मात्र कालोपत्रे रहेको धुलिखेलमा अहिले ४६.५ किलोमिटरमा कालोपत्रे सडक पुगेको नगरपालिकाले जनाएको छ ।

चैतमै मेलम्चीको पानी वितरण हुने

खानेपानीमन्त्री उमाकान्त चौधरीले निर्धारित समयमा नै काठमाडौँ उपत्यकामा मेलम्चीको पानी वितरण हुने बताउनुभएको छ । उहाँले मेलम्ची खानेपानी आयोजनाको पुनर्निर्माण कार्य तीव्र गतिमा भइरहेको जानकारी दिनुभयो ।

आविष्कार केन्द्रको प्रयास (सम्पादकीय)

नवीन अन्वेषणबिना कुनै पनि समाजको आर्थिक तथा सामाजिक विकास सम्भव छैन । आधुनिक विज्ञान प्रविधि तथा नवीन प्रयोगसँग कुनै पनि देशको आर्थिक विकास गाँसिएको हुन्छ । विज्ञान प्रविधिको वर्तमान युगमा मानव जीवनका दैनिक जीवनयापनलगायतका वस्तुको वैज्ञानिक आविष्कार एवं नवीन प्रयोगले हरेक क्षेत्रमा सहजता तथा सरलतापूर्ण बनाइदिएको यथार्थ हामीसामु छ । विकसित देशले विज्ञान र प्रविधिको बढी प्रयोगसँगै अगाडि बढेको पाइन्छ ।

एमसीसीमा जुटेको सहमति

नेपालको राजनीतिमा संसदीय संस्कृतिको अपचलन चरम अवस्थामा पुगेको छ । संसदीय अपसंस्कृतिको पछिल्लो अभ्यास यसअघिका प्रधानमन्त्री केपी शर्मा ओलीले त्यतिबेला सुरु गर्नुभयो, जतिबेला झन्डै दुईतिहाइ बहुमतसहित उहाँ प्रधानमन्त्री हुनुहुन्थ्यो । २०५१ सालमा नेपाली काँग्रेसको बहुमतको सरकार विघटन गर्ने प्रधानमन्त्री गिरिजाप्रसाद