राष्ट्रिय बिच भलिबलको तयारी

सञ्जय स्मृति प्रतिष्ठानको आयोजनामा सञ्जय स्मृति राष्ट्रिय महिला बिच भलिबल प्रतियोगिता चैत २४ गतेदेखि हुने भएको छ । तीनदिने प्रतियोगिता पाल्पाको तानसेनस्थित रानीमहलमा हुने आइतबार आयोजित पत्रकार सम्मेलनमा नेपाल भलिबल संघकी उपाध्यक्ष समेत रहेकी प्रतिष्ठानकी अध्यक्ष निरोज मास्केले जानकारी दिनुभयो ।

एमसीसी विकास परियोजना हो : त्रिपाठी

सांसद हृदयस त्रिपाठीले अमेरिकी विकास सहायता मिलेनियम च्यालेन्ज कर्पोरेशन (एमसीसी) एउटा विकास परियोजना भएको बताउनुभएको छ। आइतबार प्रतिनिधिसभा बैठकमा एमसीसीको सैद्धान्तिक छलफलमा सहभागी हुँदै उहाँले यस्तो बताउनुभएको हो। एमसीसीको विषयमा सत्तारुढ गठबन्धनमा समस्या देखिएको भन्दै उहाँले स्वेतपत्र जारी गर्नसमेत उहाँले माग गर्नुभएको छ।

बक्सिङ टोली जोर्डनतर्फ

एएसबीसी युथ तथा जुनियर बक्सिङ प्रतियोगितामा सहभागी हुन तीन खेलाडीसहित चार सदस्यीय नेपाली टोली आइतबार जोर्डनको अम्मान प्रस्थान गरेको छ । फागुन १६ देखि चैत १ गतेसम्म हुने प्रतियोगिताको युथतर्फ पुरुष ५४ केजीमा छिरिङ वाङ्दी तथा ६० केजीमा इन्द्रबहादुर सुनारले नेपालको चुनौती प्रस्तुत गर्नुहुनेछ ।

एपीएफ अपराजित बन्दै फाइनलमा

नेपाल एपीएफ क्लब अपराजित रहदै ललितपुर मेयर महिला टी–२० क्रिकेट प्रतियोगिताको फाइनलमा प्रवेश गरेको छ । कीर्तिपुर स्थित टियु मैदानमा आइतबार भएको खेलमा एपीएफले लुम्बिनी प्रदेशलाई १० विकेटले हरायो ।

किर्तेगरेको आरोपमा वडाअध्यक्षसहित कार्यालयका अधिकृत पक्राउ

झापाको गौरादह नगरपालिका ७ का वडाअध्यक्ष बलराम खरेल संगठित अपराध, सरकारी छाप किर्ते तथा ठगी मुद्दामा पक्राउ पर्नुभएको छ । पक्राउ परेका खरेललाई थप अनुसन्धानका लागि ५ दिनको म्याद थप गरिएको जिल्ला प्रहरी कार्यालय झापाले जनाएको छ ।

पल्सर स्पोर्ट्स अवार्ड चैतमा

८औँ संस्करणको एनएसजेएफ पल्सर स्पोर्ट्स अवार्ड चैत ८ गते हुने भएको छ । आयोजक नेपाल खेलकुद पत्रकार मञ्चले आइतबार अवार्डको मिति सार्वजनिक गरेको हो । एनएसजेएफले विगत वर्षहरुमा भन्दा यसपटक फरक ढंगले अवार्ड कार्यक्रम आयोजना गर्ने पनि जनाएको छ ।

प्राध्यापक खत्री अमेरिकाका लागि राजदूत नियुक्त

राष्ट्रपति विद्यादेवी भण्डारीले प्राध्यापक श्रीधर खत्रीलाई संयुक्त राज्य अमेरिकाका लागि नेपालको आवासीय राजदूतमा नियुक्त गर्नुभएको छ। नेपालको संविधानको धारा २८२ अनुसार मन्त्रिपरिषद्को सिफारिसमा उहाँले प्राध्यापक खत्रीलाई राजदूत पदमा आज नियुक्त गर्नुभएको हो।

धौलागिरि अस्पताललाई शववाहन हस्तान्तरण

बागलुङ नगरपालिका बागलुङले धौलागिरि अस्पताललाई शववाहन हस्तान्तरण गरेको छ । बागलुङ नगरपालिकाको १२ लाख २० हजार र धौलागिरि अस्पतालको दुई लाख रुपियाँ गरी कुल १४ लाख २० हजार रुपियाँमा कर छुटसहित शववाहन खरिद गरी हस्तान्तरण गरेको हो । अस्पतालमा शव बाहन नहुँदा एम्वुलेन्सले शव बोक्दै आएको थियो ।

जनताप्रति जिम्मेवार भएर सत्य बोल्ने आँट गर्नुपर्छ : बाबुराम भट्टराई

पूर्वप्रधानमन्त्री डा. बाबुराम भट्टराईले देश र जनताप्रति जिम्मेवार भएर सत्य बोल्ने आँट गर्नुपर्ने बताउनुभएको छ। आइतबार प्रतिनिधिसभा बैठकमा अमेरिकी विकास सहायता मिलेनियम च्यालेन्ज कर्पोरेशन (एमसीसी) सम्झौतामाथिको छलफलमा सहभागी हुँदै उहाँले यस्तो बताउनुभएको हो।

अन्जन झापाको मार्की खेलाडी

नेपाली राष्ट्रिय टोलीका स्ट्राईकर एवं ‘ए’ डिभिजन लिग क्लब मनाङ मस्र्याङ्दीका कप्तान अन्जन विष्टलाई झापा फुटबल क्लबले नेपाल सुपर लिग (एनएसएल) फुटबलमा मार्की खेलाडीको रुपमा अनुबन्ध गरेको छ ।