२४ घण्टामा तीन हजार ४९ जनामा कोरोना पुष्टि

पछिल्लो २४ घण्टामा तीन हजार ४९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार नौ हजार ९१० जनाको पीसीआर परीक्षण गर्दा ३ हजार ४९ जनामा संक्रमण पुष्टि भएको हो। सोही अवधिमा ३२ सय ३५ जनाको एन्टीजेन परीक्षण गर्दा ४९१ जनामा संक्रमण पुष्टि भएको छ।

हुम्लामा बन्द गरिएका अस्पतालका सेवा सुचारु

स्वास्थ्य सेवा कार्यालय अन्तर्गतको जिल्ला अस्पतालले बन्द गरिएका आफ्ना सबै सेवा आइतबारवाट सुचारु गरेको छ । स्वास्थ्यकर्मीलाई कोरोना सङ्क्रमण देखिएपछि बन्द गरिएका सेवा संङ्क्रमित स्वास्थ्यकर्मी आइशोलेसनबाट मुक्त भएपछि अस्पतालले सेवा सुचारु गरेको हो ।

गर्भवतीमा कोरोना सङ्क्रमण बढ्दो अवस्थामा

हिमाली जिल्ला दोलखामा पछिल्लो समय कोभिड सङ्क्रमण दर बढ्दो छ । कोभिडबाट गर्भवती र बालबालिका पनि सुरक्षित रहन सकेका छैनन् । दोलखामा पछिल्लो दुई हप्तामा १० जना सङ्क्रमित महिलाले बच्चा जन्माएका छन् ।

सेती अस्पतालमा उपचाररत दुई सङ्क्रमितको मृत्यु

सेती प्रादेशिक अस्पतालमा उपचाररत दुई सङ्क्रमितको आज मृत्यु भएको छ । कैलालीको गौरीगङ्गा नगरपालिकाका ६५ वर्षीय वृद्धा र कञ्चनपुरको कृष्णपुर नगरपालिकाका ३१ वर्षीय एक पुरुषको उपचारको क्रममा ज्यान गएको जिल्ला प्रशासन कार्यालयले जानकारी दिएको छ । दुवै जनालाई शनिबार अस्पतालको आइसीयुमा भर्ना गरिएको थियो ।

११ वर्षमा ३५ हजार कुष्‍ठरोगी थपिए

नेपालमा हरेक वर्ष कुष्‍ठरोगका बिरामी बढ्दै गएका छन् । सन् २०१० मा नेपाललाई कुष्‍ठरोग निवारण मुलुकको रुपमा घोषणा गरेयता ३५ हजार बिरामी थपिएका हुन् । कुष्ठरोग निवारण घोषणा भएपछि बिरामीको संख्या घटेर शून्यमा झर्नुको सट्ट ११ वर्षमा ३५ हजार भन्दा बढी बिरामी थपिएका हुन् । यसरी बिरामी बढ्नु नेपालको लागि आर्थिक, सामाजिक हिसाबले निकै दुःखद भएको स्वास्थ्य सेवा विभाग अन्तर्गत अपाङ्ग तथा कुष्ठरोग नियन्त्रण केन्द्रका प्रमुख...