बालुवाटारमा प्रधानमन्त्री देउवा र प्रचण्डबीच भेटवार्ता

प्रधानमन्त्रील शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच बालुवाटारमा छलफल सुरु भएको छ । अध्यक्ष प्रचण्डको सचिवालय अनुसार बुधबार संसदीय दलको बैठक सके लगत्तै बालुवाटार पुग्नुभएको प्रचण्ड र प्रधानमन्त्रीबीच छलफल जारी रहेको छ ।

नेकपा (माओवादी केन्द्र)को संसदीय दलको बैठक सुरु

सत्ता साझेदार दल नेकपा (माओेवादी केन्द्र) को संसदीय दलको बैठक सुरु भएको छ । सिंहदरबारस्थित माओवादीको संदीय दलको कार्यालयमा बैठक भर्खर सुरु भएको पार्टी अध्यक्ष पुष्पकमल दाहाल 'प्रचण्ड'को प्रेस संयोजक सूर्य किरणले जानकारी दिनुभयो ।

कार्यव्यवस्था समितिको बैठक बस्दै

सभामुख अग्निप्रसाद सापकोटाले आज कार्यव्यवस्था परामर्श समितिको बैठक बोलाउनुभएको छ ।

नेपाली काँग्रेसको निर्णय : एमसीसी अनुमोदन गरिने

नेपाली काँग्रेसले दुई संस्थागत निर्णय गरी अमेरिकी सहायता परियोजना मिलेनियम च्यालेन्ज कर्पोरेसन (एमसीसी) संसदबाट पारित गर्ने निर्णय गरेको छ । मङ्गलबार बसेको नेका संसदीय दलको बैठक र माघ २७ गते सुरु भएर मङ्गलबार सम्पन्न कार्यसम्पादन समितिको बैठकले सरकारको निर्णयअनुसार एमसीसी संसद्मा प्रस्तुत गरी अनुमोदन गर्ने निर्णय गरिएको हो ।

छपन्न हजार मात्रा खोप खेर : प्रतिवेदन

स्वास्थ्य तथा जनसङ्ख्या मन्त्रालयले कोरोनाविरुद्धको खोपको विषयमा छानबिन गर्न बनेको समितिले ५६ हजार ९०८ मात्रा खोप खेर गएको जनाएको छ । चौबीस लाख मात्रा खोप हराएको भन्ने समाचार प्रकाशनमा आएपछि स्वास्थ्य तथा जनसङ्ख्या मन्त्रालयले यही माघ १६ गते मन्त्रालयका प्रमुख विशेषज्ञ डा. गुणराज लोहनीको संयोजकत्वमा पाँच सदस्यीय खोप छानबिन समिति गठन गरेको थियो । उक्त समितिको प्रतिवेदनमा केही जिल्ला तथा स्थानीय तहमा हस्तान्तरण...