सोलुखुम्बुको फेरामा सकेट बम फेला, स्थानीय त्रसित

सोलुखुम्बुको सोलुदूधकुण्ड नगरपालिका–२ बेनीस्थित फेरामा सकेट बम फेला परेको छ । स्थानीयले बारीमा काम गर्ने क्रममा बम फेला पारेपछि स्थानीय प्रशासनलाई खबर गरेका हुन् । बम फेला पारिएको क्षेत्रका स्थानीयलाई सुरक्षित स्थानमा सारिएको प्रशासनले जनाएको छ ।

५५ लाख बराबरको सामग्री बरामद

जिल्ला प्रहरी कार्यालय दैलेखले ५५ लाख ४० हजार १३९ मूल्य बराबरको चाँदी जस्तो देखिने गरगहना बरामद गरेको छ । सोमबार सुर्खेतबाट दैलेखतर्फ आउँदै गरेको भे१च ३२१३ नम्बरको डबल क्याप बोलेरोमा अवैध सामानहरू बोकी ल्याउँदै गरेको गोप्य सूचनाका आधारमा गाडी नियन्त्रणमा लिइ खोजतलास गर्दा उक्त गरगहना बरामद गरेको प्रहरीले जनाएको छ ।

जबरजस्ती करणी मुद्दाका फरार प्रतिवादी २४ वर्षपछि पक्राउ

जबरजस्ती करणी मुद्दाका फरार प्रतिवादी २४ वर्षपछि पक्राउ परेका छन् । प्रहरी प्रधान कार्यालयका प्रहरी उपरीक्षक एवं प्रवक्ता श्यामकुमार महतोले जबरजस्ती करणी मुद्दाका फरार प्रतिवादी संखुवासभास्थित मकालु गाउँपालिका–१ बस्ने ४० वर्षीय मिङ्तेम्बा शेर्पालाई पक्राउ गरेको जानकारी दिनुभयो ।

करिब ६९ केजी गाँजासहित तीन जना पक्राउ

सिन्धुली जिल्लामा प्रहरीले करिब ६९ केजी गाँजासहित तीन जनालाई पक्राउ गरेको छ । गोप्य सूचनाको आधारमा ती व्यक्तिलाई ६८ दशमलब ८४२ केजी गाँजासहित पक्राउ गरिएको जिल्ला प्रहरी कार्यालयले जनाएको छ । पक्राउ परेका तीनै जनाविरुद्ध लागूऔषध ऐन अनुसार कारबाही प्रक्रिया अघि बढाइएको प्रहरी नायब उपरिक्षक मनोजकुमार लामाले जानकारी दिनुभयो ।

सम्झौताको पन्ध्र महिनापछि खार्पुदेखि ताखुलेक सडकमा विष्फोटन सुरु

पर्यटकीय क्षेत्र खार्पुदेखि ताखुलेक सडकको भित्तर गौडा खण्डमा सडक निर्माणका लागि सम्झौता भएको पन्ध्र महिनापछि चट्टान विष्फोटन कार्य सुरु भएको छ । नेपाली सेनाबाट विष्फोटक पदार्थ खरिद प्रकृयामा जाँदा समय लागेको कारण निर्माण कार्य ढिलाई भएको हो ।