मन्त्रिपरिषद् बिस्तारको विषयमा फेरि अर्को रिट दर्ता

कर्णाली प्रदेशको मन्त्रिपरिषद्को विस्तारको विषयलाई लिएर फेरि अदालतमा अर्को रिट परेको छ । वीरेन्द्रनगर २ की विनिता बोगटीले मन्त्रिपरिषद् विस्तार गर्दा समावेशी नगराइएको, मूर्तिचोरको अभियोगमा सजाय भुक्तान गरिसकेका व्यक्तिलाई मन्त्री बनाएकाले मन्त्रिपरिषद् गठन बदरको माग गर्दै सोमबार उच्च अदालत सुर्खेतमा रिट दर्ता गर्नुभएको हो ।

सर्लाहीमा ई–पासपोर्ट वितरण कार्य सुरु

जिल्ला प्रशासन कार्यालय सर्लाहीले सोमबारदेखि सेवाग्राहीलाई ई–पासपोर्ट (विद्युतीय राहदानी) वितरण गर्न सुरु गरेको छ । एक महिनाभन्दा अघिदेखि ई–पासपोर्टका लागि सेवाग्राहीको फर्म भर्ने र अन्य आवश्यक कागजात सङ्कलनको काम गरिरहेको थियो ।

घर–घरमा खानेपानी धारा पुगेपछि स्थानीय हर्षित्

बाजुराको बडिमालिका नगरपालिका –८ का झण्डै चार सय घरपरिवारको घर–घरमा खानेपानीको धारा निर्माण भएपछि स्थानीयहरु हर्षित् हुनुभएको छ । बडिमालिका नगरपालिकाले आर्थिक बर्ष २०७६–७७ सालमा झण्डै चार करोड रुपियाँको लागतमा सो वडामा ‘एक घर एक धारा’ निर्माण कार्य सुरु गरेको थियो । घण्टौंको बाटो हिँडेर पानी ल्याउन बाध्य हुँदैआएका स्थानीय अहिले घरमै शुद्ध खानेपानी पाएपछि दंग पर्नुभएको छ ।

पुरातात्विक महत्वका मूर्ति संरक्षण अधिकृतलाई

महानगरीय प्रहरी परिसर भक्तपुरले पुरातात्विक महत्वका मूर्ति तथा सामानहरु संरक्षण अधिकृत सविता न्यौपानेलाई जिम्मा लगाएको छ ।

मोबाइल विगारेको भन्दै श्रीमतीको हत्या

झापाको भद्रपुरमा मोबाइल बिगोरेको भन्दै श्रीमान्ले श्रीमतिको हत्या गरेको प्रहरीले जनाएको छ । सोमबार विहान साढे ५ बजे वडा १ लाहुरेचोक बस्ने ३४ बर्षिय अमरबहादुर तामाङले ३४ वर्षिया श्रीमति अनिता लिम्बूको धारिलो हतियार प्रहार गरी हत्या गरेको प्रहरीले जनाएको छ ।