हुम्ला समाचारदाता
सिमकोट असोज १ गते । खोलामा नुहाउने क्रममा एकजना युवकको चिप्लिएर मृत्यु भएको छ ।
ताँजाकोट गाउँपालिका वडा नम्बर १ को काँडा गाउँका २४ वर्षीय टेक बहादुर खड्का नुहाएर फर्कने क्रममा ढुङ्गाबाट चिप्लिएर खोलामा खस्दा डुबेर मृत्यु भएको हो ।
घट्ट पिस्न गएको बेला दिउँसो सियाली खोलामा नुहाएर खोलाबाट फर्कने क्रममा खड्काको मृत्यु भएको आफन्त धमैराज जैशीले बताउनुभयो ।
मंगलबार १२ बजे खोला डुबेर बेपत्ता भएका मृतक खड्काको लाश खोलामा डुबेको अवस्थामा विहान ११ बजे भेटिएको हो ।
मृतक खड्काको खोजीमा आफन्त, प्रहरी, गाउँपालिका र स्थानीय परिचालित भएको थियो ।
