सिराज खान
बाँके, जेठ १९ गते । गए राती १२ बजे भारतबाट नेपाल प्रवेश गरेकालाई लिएर नेपालगञ्जबाट सल्यान जाँदै गरेको ना ५ छ ५९९५ को फोर्स गाडी दुर्घटना हुँदा ११ जनाको मृत्यु र २२ जना घाइते भएका छ्न् ।
भारतबाट फर्केका यात्रुलाई लिएर नेपालगन्जबाट दाङतर्फ गइरहेको गाडी बाँकेको अगैयामा दुर्घटना भएको हो । बसमा रहेका सवारी चालकसमेत गरी कुल ३३ यात्रुमध्ये ११ को मृत्यु भएकाे र मृतक १० पुरुष एक महिला रहनुभएको तथा घाइते २१ पुरुष र एक महिला गरी २२ जनाको भेरी अस्पतालमा उपचार भइरहेकाे बाँकेका प्रमुख जिल्ला अघिकारी रामबहादुर कुरूम्ह्वाडले बताउनुभयो । घाइतेमध्ये चार जना गम्भीर रहनुभएको छ । बस बिग्रिएर सडकमा राेकी राखेकाे ट्रकमा ठाेकिदा दुर्घटना भएकाे थियाे ।
