गोरखापत्र अनलाइन
काठमाडौँ, असार २६ गते । बाग्मती प्रदेश सरकारले सिन्धुपाल्चोक बाढी पहिरोमा परी मृत्यु भएकाको परिवारलाई एक लाख रुपियाँ राहत दिने भएको छ । प्रदेशको उद्योग, पर्यटन, वन तथा वातावरण मन्त्रालयले तत्काल प्रतिमृतक एक लाख रुपियाँका दरले राहत रकम घोषणा गरेको हो ।
त्यस्तै, पहिरो तथा बाढीले थप क्षति हुन नदिनका लागि भूसंरक्षणका कामहरु यथाशीघ्र थालिने, क्षतिग्रस्त अरनिको राजमार्ग सुचारु गर्न मर्मतसम्भारको काम अघि बढाइने पनि उद्योग, पर्यटन, वन तथा वातावरण मन्त्री अरुणप्रसाद नेपालले जारी गर्नुभएको विज्ञप्तिमा उल्लेख छ ।
२०८१ फाल्गुन २२ बिहीवार
