अफगानिस्तानबाट उद्धार भएका नौ जना काठमाडौँमा

अफगानिस्तानबाट नेपालीलाई यथाशक्य चाँडो उद्धार गरी स्वदेश फर्काउन क्रम जारी रहेको जनाउँदै सरकारले त्यहाँबाट उद्धार गरिएका नौ जना आज यहाँ आइपुगेका बताएको छ ।     काबुलमा उद्धार उडानको प्रतीक्षामा रहेकाहरूलाई स्वदेश फर्काउन सम्बन्धित निकायसँग समन्वय भइरहेको परराष्ट्र मन्त्रालयले जनाएको छ । काबुलमा रहेका सबैसँग सरकार नियमित सम्पर्कमा रहेको पनि उक्त मन्त्रालयले बताएको छ । अफगानिस्तानबाट हालसम्म ८४७ जनाको उद्धार...

गैँडाको आक्रमणबाट मृत्यु 

पश्चिम चितवनको जगतपुरमा गैँडाको आक्रमणबाट एक जना महिलाको मृत्यु भएको छ । मृत्यु हुनेमा भरतपुर महानगरपालिका–२३ की ३८ वर्षीया सम्झना दराई रहेको इलाका प्रहरी कार्यालय गीतानगरले जनाएको छ । कार्यालयका अनुसार स्थानीय हरियाली सामुदायिक वनमा घाँस काट्न गएकी दराईलाई आज दिउँसो २ः३० बजे गैँडाले आक्रमण गरेको थियो ।           गैँडाको आक्रमणबाट गम्भीर घाइते दराईको उपचारका क्रममा चितवन मेडिकल कलेजमा मृत्यु भएको हो । उनको दिउँसो...

काठमाडौँका आठ स्थानीय तहमा स्थानीय पाठ्यक्रम, तीनमा बाँकी

काठमाडौँ जिल्लाका ११ स्थानीय तहमध्ये तीनले अझैसम्म स्थानीय पाठ्क्रम लागू गरेका छैनन् ।  संविधानले नै आधारभूत तहमा एक विषयको पाठ्यक्रम लागू गर्ने जिम्मा स्थानीय तहलाई दिएको छ । त्यसमा कुन भाषा छनोट गर्ने, कुन विषयवस्तुलाई समावेश गर्ने, कहिलेबाट पठनपाठन सुरु गर्ने भन्ने सम्पूर्ण अधिकार स्थानीय तहलाई रहे पनि काठमाडौँ जिल्लाका नागार्जुन, टोखा र कीर्तिपुर नगरपालिकाले अझैसम्म लागू गर्न सकेका छैनन् ।    

बाग्मती प्रदेशका सामाजिक विकास मन्त्री खनालको राजीनामा स्वीकृत

बाग्मती प्रदेशका सामाजिक विकास मन्त्री कृष्णप्रसाद शर्मा खनालले राजीनामा दिनुभएको र सो राजीनामा मुख्यमन्त्री शाक्यले स्वीकृत गर्नुभएको मुख्यमन्त्रीको सचिवालयले जनाएको छ । मन्त्री खनालले बुधबार बिहान मुख्यमन्त्री अष्टलक्ष्मी शाक्यलाई राजीनामा दिनुभएको हो । मन्त्रालयको वेभसाइटबाट समेत मन्त्री खनालको नाम हटाइएको छ ।

पहिराेले रसुवाका अधिकांश ग्रामीण सडक अवरुद्ध

निरन्तरको वर्षाका कारण पहिरो जाँदा जिल्लाका अधिकांश ग्रामीण सडक अवरूद्व भएका छन् । सवारी साधनको आवतजावत बन्द भएपछि उत्तरी क्षेत्रका वृद्विम, खाम्जिङ, थुमन र ठूलोस्याफ्रुका बासिन्दा पैदल हिँड्न बाध्य भएका छन् । यसरी नै दक्षिणी क्षेत्रका डाडागाउँ, ठूलोगाउँ, ठूलोभोर्ले–पारच्याङ, लाङ्वु, सरमथली पाटीखर्कलगायतका स्थानमा जाने ग्रामीण सडकसमेत अवरूद्व भएको जिल्ला प्रहरी कार्यालयले जनाएको छ । दैनिक उपभोग्य वस्तु तथा...

घट्दै कोरोना , थपिँदै निषेधाज्ञा

जिल्लामा पछिल्लो हप्ता दैनिक कोरोना सङ्क्रमणदर घटिरहेको तथ्याङ्कले देखाएको छ । यससँगै सङ्क्रमणमुक्त हुनेको सङ्ख्या बढिरहेको देखिएको छ ।पछिल्लो २४ घण्टामा भने ३२ सङ्क्रमित देखिएको जिल्लास्थित कोभिड–१९ सङ्क्रमण नियन्त्रण, रोकथाम र उपचारसम्बन्धी केन्द्र (डिसीसिएमसी)ले जनाएको छ । सोमबार २३ सङ्क्रमित हुँदा ४२ निको भएका छन् भने आइतबार ३५ मा सङ्क्रमण देखियो भने ३९ सङ्क्रमणमुक्त भएको केन्द्रले जनाएको छ । यस्तै जिल्लामा...

तीस लाख रुपियाँसहित हुण्डी कारोबारमा संलग्न दुई जना पक्राउ

अवैध हुण्डी कारोबारमा संलग्न रहेको अभियोगमा दुई जनालाई प्रहरीले पक्राउ गरेको छ । काठमाडौं महानगरपालिका–१४ कुलेश्वरस्थित फलफूल बजारबाट नगद ३० लाख सात हजार रुपियाँसहित आज दिउँसो प्रहरीले पक्राउ गरेको हो । पक्राउ पर्नेहरूमा काभ्रे चौरी देउराली गाउँपालिका–३ घर भई सोही बजारको स्टल नम्बर १८ मा फलफूल व्यवसाय गर्ने ३४ वर्षीय मिनप्रसाद गौतम र उक्त पसलमा काम गर्ने रमेश तिमिल्सेना रहनुभएको छ ।

पहिरोले रामेछाप सामुदायिक आँखा केन्द्र पुरियो

अविरल वर्षापछि खसेको पहिरोले जिल्ला सामुदायिक आँखा केन्द्र रामेछापको भवन पुरिएको छ । जिल्ला सदरमुकाम मन्थलीमा तिलगंगा आँखा केन्द्रको सहयोगमा सञ्चालित जिल्ला सामुदायिक आँखा केन्द्रको भवन पुरिएको हो । आइतबार दिउँसो आँखा केन्द्र माथिको पाखोबाट खसेको पहिरोले भवनको दुईवटा कोठ र शौचालय पुरेको रामेछाप सामुदायिक आँखा केन्द्रका आँखा स्वास्थ्य कार्यकर्ता पुस्कल घिमिरेले बताउनुभयो ।

देवघाट क्षेत्रमा नारायणीको बाढीले खतराको सतह नाघ्यो

लगातार परेको पानीका कारण नारायणी नदीको देवघाट क्षेत्रमा बाढीले खतराको सतह पार गरेको छ । देशैभर परेको पानीकाकारण बहाव बढ्दा चितवनलगायत देवघाट क्षेत्रको नारायणी नदीमा पानीको सतह नौ मिटर भन्दा बढी भएको बाढी पूर्वानुमान महाशाखाले जनाएको छ । महाशाखाले उक्त क्षेत्रमा ७.३ मिटरको पानीको सतहलाई सतर्कताको तह मानेर सतर्कता अपनाउन भन्दै यसअघि नै सूचना जारी गरिसकेको जल तथा मौसम विज्ञान विभागका प्रवक्ता विक्रम श्रेष्ठले जानकारी...

माहुरेभञ्ज्याङमा पिन्दोङडाँडा स्वास्थ्य एकाइ भवन

विदेशी दाताको सहयोग र तेमाल गाउँपालिकाको पहलमा वडा नं ४ माहुरेभञ्ज्याङमा पिन्दोङडाँडा सामुदायिक स्वास्थ्य एकाइ भवन निर्माण गरिएको छ । तीनकोठे सो भवन बनाउन इटलीका अम्बु गेब्रियले रु १५ लाख ६६ हजार, फ्रान्सका मौरिस डुचेनले रु चार लाख ५३ हजार, फ्रान्समा रहेका जनक लामाका पहलमा क्लेमेन्स लाभरग्ने जामजाम नमस्ते संस्थाले रु नौ लाख २० हजार तथा अमेरिकामा रहेका शङ्कर लामाबाट रु एक लाख प्राप्त भएको थियो ।