सत्र जना स्वास्थ्यकर्मी संक्रमित भएपछि स्वास्थ्य केन्द्र बन्द

तनहुँको भिमाद नगरपालिकाको भिमादस्थित प्राथमिक स्वास्थ्य केन्द्र भिमादमा कार्यरत स्वास्थ्यकर्मी तथा कर्मचारी गरी १९ जनामध्ये १७ लाई कोरोना सङ्क्रमण भएको छ । कोरोना संक्रमणले केन्द्र बन्द गरिएको छ ।

स्वास्थ्यकर्मी नै संक्रमित भएपछि अस्पतालको ओपिडी सेवा बन्द

म्याग्दी सदरमुकाम बेनीमा रहेको बेनी अस्पतालमा कार्यरत स्वास्थ्यकर्मीमा कोरोना भाइरसको संक्रमण भएपछि आइतबारदेखि ओपिडी सेवा बन्द हुनेभएको छ । हिमाली जिल्ला म्याग्दीको एक मात्र सरकारी अस्पताल बेनी अस्पतालका १७ जना स्वास्थ्यकर्मी तथा कर्मचारीमा कोरोना भाइरसको संक्रमण पुष्टि भएको बेनी अस्पतालले जनाएको छ ।

बागलुङमा नौ दिनमा पन्ध्र गुणा बढी कोरोनाका बिरामी

बागलुङमा कोरोनाको तेस्रो लहर व्यापक रुपमा फैलिएको छ । गत नौ दिन यताको तथ्याङक हेर्ने हो भने यहाँ पन्ध्र गुणा बढी कोरोनाका बिरामी थपिएका छन् । पुस २७ गतेसम्म १६ जनामा सीमित कोरोनाका बिरामी माघ पहिलो हप्ता विहिबारसम्म कोरोनाका सक्रिय बिरामीको संख्या २५० पुगेको छ ।

मध्यनेपाल नगरपालिकाको कार्यालय बन्द

कोरोना भाइरस (कोभिड १९) संक्रमण बढ्दै गएपछि लमजुङको मध्यनेपाल नगरपालिकाको कार्यालय एक साताका लागि बन्द गरिएको छ । नगरपालिकामा कार्यरत कर्मचारीमा कोरोना संक्रमण देखिएपछि कार्यालय बन्द गरिएको सो कार्यालयले जनाएको छ । नगरपालिकाका विभिन्न स्थानका नागरिकमा संक्रमण बढ्दै गएको र नगरपालिकामा कार्यरत कर्मचारीमै संक्रमण देखिएपछि अत्यावश्यक सेवा बाहेकको सबै सेवा बन्द गरिएको नगरपालिकाले जनाएको छ ।

रघुगंगामा अत्यावश्यक बाहेक सबै कामकाज बन्द

उत्तरी म्याग्दीको रघुगंगा गाउँपालिकाका कर्मचारीमा संक्रमण पुष्टि भएपछि आगामी माघ १२ गते सम्मका लागि गाउँपालिकाबाट हुने अत्यावश्यक बाहेकका सबै कामकाज बन्द गरिएको छ । गाउँपालिकाका कर्मचारीमा कोरोना देखिएपछि अत्यावश्यक बाहेक सबै सेवा बन्द गरिएको प्रमुख प्रशासकीय अधिकृत अमृत सुबेदीले जानकारी दिनुभयो । ‘कोरोनासँग सम्बन्धित बाहेकका सबै सेवा बन्द गरिएको छ, अब थप परीक्षणपछि मात्रै नियमित सेवा सञ्चालन हुन्छ’ सुबेदीले...

गैँडाकोटमा मौलाकाली केबुलकार निर्माण सुरु

नवलपरासी (बर्दघाट–सुस्तापूर्व)को गैँडाकोटमा रहेको प्रसिद्ध धार्मिक तीर्थस्थल मौलाकालिका मन्दिर जानका लागि केबुलकार निर्माण सुरु गरिएको छ । सम्पूर्ण प्रक्रिया सकेर केबुलकार निर्माणका लागि कन्स्ट्रक्सनको काम सुरु भएको हो । नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालको मौलाकाली केबुलकार कम्पनीले आगामी एक वर्षभित्र मौलाकालिका मन्दिरमा केबुलकार सञ्चालनमा ल्याउने गरी निर्माणको काम सुरु...

सङ्क्रामक अस्पताललाई स्वास्थ्यकर्मी सहयोग

स्वास्थ्यका क्षेत्रमा काम गर्दै आएको नेलम्बो नेपाल पोखराले कोरोना भाइरसको नयाँ भेरियन्ट ओमिक्रोनको जोखिम बढ्दै जाँदा बिरामीको उपचारमा सहयोगका लागि अस्पताललाई जनशक्ति उपलब्ध गराएको छ । गण्डकी प्रदेश सरकारले पोखरामा स्थापना गरेको सङ्क्रामक तथा सरुवा रोग अस्पताललाई नेलम्बोले चार जना स्वास्थ्यकर्मी उपलब्ध गराएको हो । सो अस्पतालमा हाल कोरोनाका बिरामीको उपचार हुँदै आएको छ ।

बेनी नगरपालिका भित्रका विद्यालय पनि माघ १५ सम्म बन्द

हिमाली जिल्ला म्याग्दीको बेनी नगरपालिका क्षेत्रका सबै शैक्षिक संस्थाहरु माघ १५ गते सम्मका लागि बन्द हुनेभएको छ । बेनी नगरपालिकाका प्रमुख प्रशासकीय अधिकृत धोलकराज ढकालकाअनुसार कोरोना भाइरसको ओमिक्रोन भेरियन्टको फैलावट बढ्न सक्ने जोखिमलाई मध्यनजर गर्दै शैक्षिक संस्थहरु बन्द गर्ने निर्णय भएको हो ।

अपाङ्गता भएका गर्बुजालाई घरमै नागरिकता प्रमाणपत्र

उत्तरी म्याग्दीको अन्नपूर्ण गाउँपालिका– ७, हिस्तान औलका सुकलाल गर्बुजा पछिल्लो ४९ वर्षदेखि विस्ताराबाट उठ्नुभएको छैन । जन्मजात रुपमा अपाङ्गता भएका गर्बुजा २०२९ सालमा जन्मिनुभएको हो । शारीरिक रुपमा असक्त भएकै कारण उहाँले विस्तारा समेत छाड्नुभएको थिएन ।

बेनी अस्पतालमा आइसीयूसहितको बालबालिका उपचार कक्ष

म्याग्दी सदरमुकामस्थित बेनी अस्पतालमा आइसीयू (सघन उपचारकक्ष)सहितको बालबालिका उपचार कक्ष स्थापना गरिएको छ । गण्डकी प्रदेश सरकारको सहयोगमा पूर्वाधार र उपकरण जुटाएर मङ्गलबारदेखि उक्त कक्ष सञ्चालनमा ल्याइएको हो । अस्पताल व्यवस्थापन समितिका अध्यक्ष बेलबहादुर कटुवालले आइसीयूसहित आठ शय्या क्षमताको उक्त उपचार कक्षमा सेवा सुरु भएको जानकारी दिनुभयो । “यसअघि अन्य उमेर समूहकै बिरामीसँगै राखेर बालबालिकाको उपचार हँुदै...