बस र विङ्गर ठोकिँदा नौ जना घाइते, चारको अबस्था गम्भीर

कपिलवस्तुको बाणगङ्गा नगरपालिका ४ जितपुरमा यात्रुबाहक बस र विङ्गर ठोकिँदा नौ जना यात्रु घाइते भएका छन् । रुकुमबाट काठमाण्डौंतर्फ जाँदै गरेको बा. ४ ख २४४८ नम्बरको बस र लु( १ ज ३००६ नम्बरको विङ्गर मङ्गलवार बिहान ५ः३० बजे ठोकिएका थिए । दुर्घटनामा परी नौ जना घाइते भएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक दिलीप कार्कीले बताउनु भयो ।

विदेशमा सिकेको सीपले गाउँमै रोजगारी

परिवारका सदस्यहरुसँग घरमा बसेर आर्थिक उपार्जन हुन थालेपछि बाँकेको खजुरा गाउँपालिका ४ एफ गाउँका किसान तिलवहादुर श्रीष मगरले फेरि वैदेशिक रोजगारीमा जाने सोच नै बनाउनु भएन ।

लुम्बिनीको प्रवेशद्वारमै फोहाेरको थुप्रो

आज मुलुकभर विश्व पर्यटन दिवस मनाइँदै छ । पर्यटन दिवसका अवसरमा लुम्बिनी, भैरहवालगायत यस क्षेत्रका विभिन्न ठाउँमा कार्यक्रम भएका छन् । तर पर्यटन दिवस मनाइरहँदा गौतमबुद्धको जन्मस्थल लुम्बिनीको प्रवेशद्वार सिद्धार्थनगरमा भने पर्यटकलाई फोहाेरले गिज्याइरहेको छ ।

कालीगण्डकी वडा कार्यालयमा तोडफोड

कालीगण्डकी गाउँपालिका वडा नम्वर १ हर्मिचौरको वडा कार्यालय तोडफोड भएको छ । गएराती अज्ञात समुहले कार्यालय तोडफोड गरेको वडा अध्यक्ष ठानीस्वर पाण्डेले जानकारी दिनुभयो । वडा कार्यालयका कम्प्युटर र ल्यापटप सुरक्षित रहेको पाण्डेले बताउनुभयो ।

गौतमबुद्ध अन्तर्राष्ट्रिय विमानस्थल, सातौँ पटक म्याद थप्ने तयारी

महामानव गौतमबुद्धको जन्मस्थल लुम्बिनीलाई संसारमाझ जोड्ने उद्देश्यका साथ निर्माण सुरु गरिएको गौतमबुद्ध अन्तर्राष्ट्रिय विमानस्थलको निर्माण कार्य अझै सकिएको छैन । तत्कालीन प्रधानमन्त्री सुशील कोइरालाले विसं २०७१ माघ १ गते शिलान्यास गर्नुभएको राष्ट्रिय गौरवको यो आयोजना निर्माण सुरु भएको तीन वर्षमा सक्ने लक्ष्य राखिएको भए पनि हालसम्म पूरा हुनसकेको छैन ।

तिलौराकोटको माटो सिक्किमका मुख्यमन्त्री तामाङलाई उपहार

गौतमबुद्धका पिता राजा शुद्धोधनको प्रशासनिक राजदरबार क्षेत्र प्राचीन तिलौराकोटको माटो भारतको सिक्किमका मुख्यमन्त्री प्रेमसिंह तामाङलाई पठाइएको छ ।

नेपाल–भारत नाकालाई सुचारु गर्न दुबै देशका नागरिकको माग

कोरोना भाइरस महामारीका कारण बन्द गरिएको नेपाल–भारत सीमा नाकालाई दुई वर्षभन्दा पहिलेकैजस्तै सहज रुपमा सुचारु गर्न दुबै देशका नागरिकले माग गरेका छन् ।

भेरी अस्पतालमा बाँकेका २२ वर्षीय युवकसहित दुई सङ्क्रमितको मृत्यु

भेरी अस्पतालमा बाँकेका एक २२ वर्षीय युवकसहित थप दुईजना सङ्क्रमितको उपचारका क्रममा मृत्यु भएको छ । मृत्यु हुनेमा एकजना बाँके कोहलपुरका हुन् भने अर्का बर्दियाका बृद्ध भएको जिल्ला कोभिड व्यवस्थापन केन्द्र बाँकेले जनाएको छ । जिल्ला कोभिड व्यवस्थापन केन्द्र बाँकेका कोराना फोकल पर्सन तेज ओलीका अनुसार कोहलपुर नगरपालिका–५ का २२ वर्षीय पुरुषको आइतवार विहान मृत्यु भएको हो । उहाँलाई असोज ४ गते कोभिड पुष्टि भएको थियो ।

कपिलवस्तु अस्पतालमा पहिलो पटक पित्तथैलीको शल्यक्रिया

कपिलवस्तु अस्पताल तौलिहवामा पहिलो पटक पित्तथैलीको शल्यक्रिया सम्पन्न भएको छ । शनिवार दिउसो २ घण्टा ३० मिनेट लामो शल्यक्रिया गरी वर्ष २६ को प्रमीला केवटको पित्तथैली निकालिएको अस्पतालका मेडिकल अधिकृत डा. गणेश क्षेत्रीले बताउनुभयो ।

भारतीय गोलभेडाले बजार लिएपछि प्युठानका किसान मर्कामा

प्युठानमा गोलभेंडाको उत्पादन बढेपनि बजार नपाउँदा किसान मर्कामा परेका छन् । भारतीय गोलभेंडाले नेपाली बजार ओगटेपछि स्थानीय किसानले बजार नपाएका हुन् । माण्डबी गाउँपालिका २ मर्काबाङका किसान कोमनाथ योगीले आफूले उत्पादन गरेको गोलभेडा दश रुपियाँ किलोमा समेत बिक्री हुन नसकेको बताउनुभयो ।