कपिलवस्तुमा झाडापखालाकाे प्रकाेप , दुईजनाको मृत्यु

कपिलवस्तुको कृष्णनगर नगरपालिकामा झाडापखालाको प्रकोप फैलिएको छ । नगरपालिकाको वडा नं. ५, ७, ८ र ९ वडामा सोमबार रातिदेखि प्रकोप फैलिएको जिल्ला स्वास्थ्य कार्यालय कपिलवस्तुका प्रमुख हेमराज पाण्डेले बताउनुभयो । झाडा पखालाको कारणले वडा नं. ९ वहादुरगन्जमा दुई जनाको मृत्यु भएको छ । मृत्यु हुनेमा ५ वर्षीय को राज कश्यप र ४० वर्षीय रामप्रसाद केवट रहेको स्थानीय मनिष गुप्ताले बताउनुभयो ।

छोटा खर्कमा आगलागीमा २५ भेडासहित लत्ताकपडा, रासन र भाँडाकुँडा नष्ट

हिमा गाउँपालिकाको भेडागोठालाको खर्कमा आगलागी हुँदा दुई दर्जनभन्दा बढी भेडाका पाठासहित सामग्री सबै जलेर नष्ट भएका छन् । हिमा गाउँपालिका वडा नम्बर २ को लेकमा रहेको खर्कमा दिउँसो आगलागी हुँदा खर्कमा राखिएका २५ पाठा मरेका किसान वीरबहादुर शाहीले जानकारी दिनुभयो ।

बबईमा डुबेर एकको मृत्यु, एक बेपत्ता

बर्दियाको बबई नदीमा डुबेर सोमबार एक जनाको मृत्यु भएको छ । अर्का एक व्यक्ति बेपत्ता भएका छन् । बाग्लुङ घर भएका हुकुम विकको डुबेर मृत्यु भएको हो । बारबर्दियाका लेखनाथ पौडेल नदीमा डुबेर बेपत्ता भएको जिल्ला प्रहरी कार्यालयका प्रहरी उपरीक्षक ईश्वर कार्कीले जानकारी दिनुभयो ।

बाँकेको पर्यटन सूचना केन्द्र सञ्चालनमा आएन

भारतलगायत तेस्रो देशबाट आउने पर्यटकलाई सूचना दिने उद्देश्यले यहाँस्थित नेपाल–भारत नाकाको जमुनाहामा पर्यटन सूचना केन्द्र स्थापना गरिएको एक वर्ष बिते पनि सञ्चालनमा आएको छैन ।

यात्रुवाहक सवारी साधनलाई भारत प्रवेशमा अनुमति

नेपालगञ्जको जमूनाह नाका भएर यात्रुबाहक सवारी साधनहरुको आवागमन खुला भएको छ । त्यसैगरी नेपाली यात्रुबाहक सवारी साधन पनि भारत प्रवेशमा अनुमति पाएका छन् । कोभिड–१९ सङक्रमण रोकथाम र नियन्त्रणका लागि बन्द गरिएको नेपालगञ्जको जमूनाह नाका डेढ वर्षपछि आइतबार खुला भएको छ ।

बेलहिया नाका खुल्यो, सीमामा स्वास्थ्य जाँच गरेर प्रवेश गराइँदै

नेपाल–भारत सीमानाका बेलहिया नाका आइतबारबाट खल्ला भएको छ । कोरोना महामारीका कारण १८ महिनादेखि बन्द रहेको बेलहिया नाका आजदेखि खुलेको हो । २०७६ चैत १० गतेदेखि बन्द रहेको नाका खुलेपछि नाकामा गाडी आवतजावत गर्न पाएका छन् ।

रुखमा चढेर चिच्याउन थाल्यौं, बाघले घेरा हालेर तल उभिरहे

‘चारवटा पाटे बाघले घेरेपछि ज्यान जोगाउन हतरपतर गरेर रुखमा चढ्यौं, डेढ घण्टासम्म रुखबाटै हारगुहार गरेपछि बल्ल निकुञ्जका हात्तीले आएर उद्धार गर्दा बाँचेर फर्किएका छौं, बाँच्ने आशा मारिसकेका थियौं’– यो भनाइ हो बाँकेको गाभरमा बाघको घेराबाट उद्धारपछि फर्किनु भएका सेतु ओलीको ।

तीनवटा बाघले घेरेका गोठालाको हात्तीको सहयोगमा उद्दार

बाँकेको राप्ती सोनारी गाउँपालिका वडा नम्बर–१ गाभरमा बाघले घेरिएका तीन जना गोठालाको सकुशल उद्धार गरिएको छ । गाभर निवासी ५६ वर्षका सेतु ओली, २५ बर्षिया हीरा खड्का र २४ बर्षिया अर्कि युवतीलाई निकुञ्जका हात्ती प्रयोग गरि सकुशल उद्धार गरिएको हो ।

बाघले गोठालालाई घेरेपछि ज्यान जोगाउन रुखमा, उद्धारका लागि सेनासहितको टोली पठाइयो

बाँकेको राप्ती सोनारी गाउँपालिका वडा नम्बर– १ गाभरमा पाटे बाघले केही मान्छेलाई घेरेको छ । जंगलमा पशु चौपाया चराउन गएका ती स्थानीयलाई बाघले घेरेको हो । बाघबाट घेरिएका ब्यक्तिहरु आफ्नो ज्यान जोगाउनरुखमा चढिरहेको स्थानीय वासिन्दा चन्दा लामाले जानकारी दिनुभयो । ‘बाघले मान्छेलाई घेरेर राखेका छन्, रुखमा चढेका उनिहरुको उद्धार गरिदिनु पर्यो ।’– लामाले भन्नुभयो ।

सभामुख घर्तीलाई उत्सर्ग जनसंगीत राष्ट्रिय पुरस्कार

लुम्बिनी प्रदेशसभाका सभामुख एवम् जनवादी संगीतकार पूर्णबहादुर घर्तीमगरलाई उत्सर्ग जनसंगीत राष्ट्रिय पुरस्कार प्रदान गरिनेभएको छ । जनवादी गीतसंगीतको माध्यमबाट साँस्कृतिक एवं राजनीतिक रुपान्तरणमा पु¥याउनुभएको योगदानको कदर गर्दै सभामुख घर्तीलाई सो पुरस्कार प्रदान गर्न लागिएको उत्सर्ग फिल्मस् नेपालका अध्यक्ष केएल पीडितले जानकारी दिनु भयो ।