भक्तपुर नगरपालिकाद्वारा एक अर्ब ८२ करोड रुपियाँकाे बजेट प्रस्तुत

भक्तपुर नगरपालिकाकाे सातौँ नगरसभा बैठकमा आगामी आर्थिक वर्ष २०७७/७८ का लागि एक अर्ब ८२ करोड ४० लाख रुपियाँको बजेट प्रस्तुत गरिएको छ । नगरपालिकाका उपप्रमुख रजनी जोशीले बुधबार नगरपालिकाको आ.व. २०७७/७८ को अनुमानित आयव्यय बजेट प्रस्तुत गर्नुभएको हो । प्रस्तुत बजेटको चालु खर्चतर्फ ३९ करोड ८९ लाख ७६ हजार रुपियाँ र पुँजीगततर्फ ७९ करोड ७३ लाख ११ हजार रुपियाँ खर्चको अनुमान गरिएको छ ।

दुई दिनमा एक हजार १४४ भित्रिए, २५४ भारतीय बाहिरिए

सुदूरपश्चिमका विभिन्न नाकाबाट मङ्गलबार र बुधबार एक हजार १४४ नेपाली नागरिक भित्रिएका छन् भने ९४ भारतीय बाहिरिएका छन् । रोजगारीका लागि भारत र नेपालका विभिन्न शहर रहेका नेपाली र भारतीय नागरिक कैलालीको गौरीफन्टा, कञ्चनपुरको गड्डाचौकी, बैतडीको झुलाघाट र दार्चुलाको धार्चुला नाकाबाट भित्रिएका हुन् ।

पोखरा महानगरको नगरसभामा छ अर्ब १९ करोडको बजेट पेश

पोखरा महानगरपालिकाले आर्थिक वर्ष २०७७/७८ का बजेट सार्वजनिक गरेको छ । पोखरा सभागृहमा आयोजित साताैँ नगर सभामा महानगरका उपप्रमुख मञ्जुदेवी गुरुङले छ अर्ब १९ करोड ७१ लाख ७८ हजार रुपियाँ अनुमानित बजेट प्रस्ताव गर्नुभएको हो । जसमध्ये सङ्घीय सरकारबाट दुई अर्ब ५२ करोड ६० लाख रुपियाँ र गण्डकी प्रदेश सरकारबाट १० करोड ५९ लाख ६६ हजार रुपियाँ गरी जम्मा अन्तरसरकारी वित्तीय हस्तान्तरणबापत दुई अर्ब ६३ करोड १९ लाख ६६ हजार रुपियाँ...

ललितपुर महानगरले ल्यायो कर छुटसहितको नीति तथा कार्यक्रम

ललितपुर महानगरपालिकाले महानगरबासीले आर्थिक वर्ष २०७७/७८ मा बुझाउनुपर्ने विभिन्न करमा छुट दिने भएको छ । महानगपालिकाले बुधबार सार्वजनिक गरेको आगामी आवको नीति तथा कार्यक्रममा महानगरपालिकाले मालपोत, सम्पत्ति कर, बहाल कर, व्यवसाय कर र विज्ञापन करमा १० प्रतिशत छुट र बाँकी बक्यौतामा जरिवाना मिनाह गर्ने नीति लिएको छ ।

वीरगञ्ज महानगरकाे तीन अर्ब साढे ८६ करोड बजेट

प्रदेश २ को एक मात्र महानगरपालिका वीरगञ्ज महानगरपालिकाले आर्थिक वर्ष २०७७/७८ को लागि तीन अर्ब ८६ करोड ५१ लाख ९० हजार तीन सय ३५ रुपियाँको अनुमानित आयव्यय बुधबार आयोजित सातौँ नगरसभामा प्रस्तुत गरिएको छ । वीरगञ्ज महानगरपालिकाको उपप्रमुख शान्ति कार्कीले बुधबार आयोजित सातौँ नगरसभामा तीन अर्ब ८६ करोड ५१ लाख ९० हजार तीन सय ३५ रुपियाँको अनुमानित आयव्यय बजेट प्रस्तुत गर्नुभएको हो ।