आइसोलेसनमा बसेका सबैको पीसीआर परीक्षण रिपाेर्ट नेगेटिभ

जिल्ला अस्पताल स्याङ्जाको आइसाेलेसन कक्षमा रहेका पुतलीबजार ४ का ६ जनासहित सातै जनाको कोरोनाको पिसिआर परीक्षणको नतिजा नेगेटिभ आएको छ । काठमाडौँको त्रिवि शिक्षण अस्पतालमा कोरोना सङ्क्रमितसँग सम्पर्कमा रहेको भन्दै २ वर्षीय बालिकासहित बुवाआमा गरी ३ जना, एम्बुलेन्स चालक र अन्य २ गरी ६ जनालाई आइसोलेसन राखिएको थियो ।

गुल्मीका एक जनामा कोरोना सङ्क्रमण भएसँगै गाउँपालिका सिल

गुल्मीका एक जनामा कोरोना सङ्क्रमण भएको पुष्टि भएसँगै मदाने गाउँपालिकालाई सिल गर्ने निर्णय गरिएको जिल्ला प्रशासन कार्यलय, गुल्मीले जनाएको छ । जिल्लाको मदाने गाउँपालिका वडा नं ६ पुर्कोटदहका ४१ बर्षिय पुरुषमा भैरहवा प्रयोगशालामा गरिएको परीक्षणमा कोरोना संक्रमण पाइएकाले गाउँमा उहाँको प्रथामिक उपचारमा संलग्न स्वास्थ्य कर्मी , उहाँको परिवार र सम्पर्कमा आएका सबै ब्याक्तिहरुको आरडिटी र पिसीआर परीक्षण गर्ने निर्णय...

गुल्मीका सङ्क्रमितको स्वास्थ्य स्थिर, भेन्टिलेटरमा उपचार जारी

रुपन्देहीको क्रिमसन अस्पतालमा उपचाररत गुल्मीका कारोना सङ्क्रमितको स्वास्थ्यावस्था स्थिर छ । अस्पताल प्रशासनले आज विज्ञप्ति निकालेर उपचाररत मदाने गाउँपालिकाका ४१ वर्षीय पुरुषको भेन्टिलेटरको सहायतामा आइसियू कक्षमा उपचार भइरहेको जनाएको छ ।

दश स्वास्थ्यकर्मीको स्वाब परीक्षण, कोरोना सङ्क्रमितको गाउँपालिका बन्द

अर्घाखाँचीको छाया पोलिक्लिनिकका १० स्वास्थ्यकर्मीको स्वाब परीक्षणका लागि पठाइएको छ । कोरोना सङ्क्रमण पुष्टि भएका गुल्मीका व्यक्तिले सन्धिखर्क १ मा रहेको छाया पोलिक्लिनिकमा केही दिनअघि उपचार गराएको भन्ने खुलेपछि पोलिक्लिनिक बन्द गरी उपचार, प्रयोगशाला र औषधालयमा संलग्न स्वास्थ्यकर्मीको स्वाब परीक्षणका लागि प्रादेशिक प्रयोगशाला भैरहवा पठाइएको प्रमुख जिल्ला अधिकारी विजयराज पौडेलले बताउनुभयो ।

सीमामा सशस्त्र प्रहरी र जनता सँगसँगै

विश्वभर महामारीका रूपमा देखिएको कोरोनाको सङक्रमणलाई थप फैलिन नदिन यसका सङ्क्रमित बढिरहेको भारतबाट आवतजावत रोक्न सीमामा सशस्त्र प्रहरी र जनतासँगसँगै खटिएका छन् । सङक्रमण फैलिन नदिन सशस्त्र प्रहरी र जनता सँगसँगै खटिएका कारण सीमानाकाबाट लुकेर आउने तथा चोरी तस्करी नियन्त्रण भएको भजनी नगरपालिका–५ का वडाध्यक्ष केशव बुढाले बताउनुभयो । उहाँले विश्वभर महामारीका रूपमा फैलिएको कोरोना सङक्रमण थप फैलिन नदिन सीमा सिल गर्ने...