काठमाडौँ उपत्यकामा चौबीस घण्टामा ६२ सङ्क्रमित

मन्त्रालयका प्रवक्ता डा.जागेश्वर गौतमले काठमाडौंमा ४८, भक्तपुरमा १३ र ललितपुरमा एक जना गरी उपत्यकामा ६२ जना सङ्क्रमितको पुष्टि भएको नियमित पत्रकार सम्मेलनमा जानकारी दिनुभएको छ । काठमाडौंमा पछिल्लो समयमा सङ्क्रमितको संख्या बढ्दै गएको छ । उपत्यकाको करिब १४ वटा अस्पताल तथा प्रयोगशालामा कोरोना सङ्क्रमणको परीक्षण हुँदै आएको छ ।

थप २५९ जना सङ्क्रमित, कुल २१ हजार नाै पुग्याे

कोरोना भाइरसका २५९ जना नयाँ सङ्क्रमित थपिएका छन् । यससँगै नेपालमा कुल सङ्क्रमितको संख्या २१ हजार नाै  पुगेको स्वास्थ्य तथा जनसंख्या मन्त्रालयले जनाएको छ ।

झापामा दुईवटा पीसीआर ल्याब सञ्चालनमा ल्याइँदै

झापामा कोरोना संक्रमण समुदायसम्म देखिन थालेपछि एक साथ दुईवटा पिसिआर ल्याव संचालनमा आउने भएको छ । मेची प्रादेशिक अस्पताल भद्रपुरको स्वामित्वमा रहने गरि मेची प्रादेशिक अस्पताल र झापाको कनकाई नगरपालिका कोटीहोममा रहेको एकका लागि एक अभियानद्वारा संचालनमा ल्याउन लागेको अर्को पिसिआर मेशिन समेत संचालनमा आउन लागेको हो ।

शङ्कास्पद बिरामीको सम्पर्कमा आएकालाई स्वाब परीक्षण गराउन मन्त्रालयको अपिल

स्वास्थ्य तथा जनसंख्या मन्त्रालयले कोरोना सङ्क्रमितको शंकास्पद बिरामीको सम्पर्कमा आएका व्यक्तिहरुलाई नजिकको स्वाब परीक्षण केन्द्रमा परीक्षण गराउन अपील गरेको छ । काठमाडौं उपत्यकामा दैनिक सङ्क्रमित हुनेको संख्या निरन्तर वृद्धि भएपछि मन्त्रालयले तोकिएको स्वाब सङ्कलन केन्द्रमा पुगेर परीक्षण गराउन आग्रह गरेको हो । मन्त्रालयले स्वाब परीक्षण गराउन सूचना जारी गरेर अपील गरेको हो।

अख्तियारका दुई सय कर्मचारीमा गरिएको परीक्षणमा १५ जना सङ्क्रमित पुष्टि

अख्तियार दुरुपयोग अनुसन्धान आयोगका १५ जना कर्मचारी कोरोनाभाइरसबाट सङ्क्रमित भएका छन् । इपिडिमियोलोजी तथा रोग नियन्त्रण महाशाखाले गत् आइतबार करिब दुई सय कर्मचारीको स्वाब सङ्कलन गरेको थियो ।महाशाखाका प्रमुख डा. वासुदेव पाण्डेले जोखिममा पर्ने र स्टिङका लागि घुमिरहने प्रहरी लगायतका कर्मचारीको आइतबार स्वाब सङ्कलन गरिएकोमा आज परीक्षणको नतिजा आएको जानकारी दिनुभयो । उहाँले केही सङ्क्रमित भएको पुष्टि गर्नुभएपनि यथार्थ...