जटिल रोगका बिरामीलाई मासिक पाँच हजार

स्वास्थ्य तथा जनसङ्ख्या मन्त्रालयले जटिल रोगका बिरामीलाई उपचार खर्चबापत दिइने मासिक भत्ताको कार्यविधि तयार गरेको छ । मिर्गौला प्रत्यारोपण गरिरहेका व्यक्ति, मिर्गौला फेल भई डायलासिस गराइरहेका व्यक्ति, क्यान्सर रोगी र मेरुदण्ड पक्षाघातका बिरामीलाई औषधि उपचारबापत सरकारले मासिक पाँच हजार भत्ता दिने निर्णय गरेको थियो ।

खुम्बुबाट गर्भवति महिलाको उद्धार

सोलुखुम्बुको खुम्बु पासाङल्हामु गाउँपालिका ३ बाट एक गर्भवति महिलाको उद्धार गरिएको छ । प्रसव व्यथाका कारण अवस्था जटिल बन्दैगएपछि स्थानिय मिङ्माफुटी शेर्पालाई राष्ट्रपति महिला उत्थान कार्यक्रम अन्तर्गतको हेलिकप्टरमार्फत उद्धार गरी काठमाडौँ लगिएको गाउँपालिकाले जनाएको छ ।

थप ३२ जना सङ्क्रमित, ८९ सङ्क्रमण मुक्त

पछिल्लो २४ घण्टामा थप ३२ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार २९ सय ४२ जनाको पीसीआर परीक्षण गर्दा ३२ जनामा संक्रमण पुष्टि भएको हो ।

एकलाख बालबालिकालाई टाइफाइडविरुद्धको खोप

स्वास्थ्य कार्यालय बर्दियाले जिल्लाका एक लाख बालबालिकालाई टाइफाइड रोगविरुद्धको खोप लगाउने भएको छ । चैत २३ गतेदेखि जिल्लाका आठवटै पालिकाका करिब एक लाख २८ हजार बालबालिकालाई खोप लगाउन लागिएको हो ।

नगरपालिकाद्वारा अस्पताललाई एम्बुलेन्स हस्तान्तरण

कपिलवस्तु नगरपालिकाले कपिलवस्तु अस्पताललाई भेन्टिलेटरसहितको एम्बुलेन्स हस्तान्तरण गरेको छ । सो एम्बुलेन्स गत माघ १८ गते नगरपालिकाले ७२ लाख २१ हजार १ सय ९३ मुल्यमा खरिद गरेको थियो । एम्बुलेन्स नगर प्रमुख किरण सिंह र प्रमुख प्रशासकीय अधिकृत शेषकान्त पौडेलले अस्पताल विकास समितिका अध्यक्ष शिवलाल यादव र मेडिकल सुपरिटेण्ड डा.किशोर बन्जाडेलाई एम्बसलेन्सको साँचो हस्तान्तरण गर्नुभयो ।