अज्ञात रोगले सिदिङ्वामा भेडा मर्न थाले

ताप्लेजुङको सिदिङ्वा गाउँपालिकामा अज्ञात रोगले भेडा मर्न थालेका छन् । सिदिङ्वा गाउँपालिका–३ आँखोप र वडा नं. २ सादेवाका किसानले पालेका भेडा अज्ञात रोगका कारण धमाधम मर्न थालेका हुन् ।

उदयपुर दुर्घटनामा २ जनाको मृत्यु

उदयपुरमा बिहीबार छुट्टाछुट्टै दुई स्थानमा मोटरसाइकल दुर्घट्ना हुँदा दुई जनाको मृत्यु भएको छ । बेलटारबाट गाईघाटतर्फ आउँदैगरेको स १० प ३१३३ नम्बरको मोटरसाईकल चौदण्डीगढी नगरपालिका –६, सातधारेमा अनियन्त्रित भई दुर्घटना हुँदा चालक सोही ठाउँका ३० वर्षीय उमेश राईको निधन भएको हो ।

सोलुखुम्बुमा ५१ हजार बढीले लगाए खोपको पूर्ण मात्रा

पछिल्लो चरणको खोप लगाइसक्दा सोलुखुम्बुमा कोरोनाविरुद्धको खोपको पूर्ण मात्रा लगाउनेको संख्या ५१ हजार नाघेको छ । जिल्लामा विभिन्न चरणमा सञ्चालन भएको खोप अभियानमा १८ वर्ष माथिका ५१ हजार १८७ जनालाई कोरोनाविरुद्धको खोपको पूर्ण मात्रा लगाइएको स्वास्थ्य कार्यालयले जनाएको छ ।

श्रीमान कतारी जेलमा, परिवारको नेपालमा विचल्ली

आफ्नै कोठाका साथीको हत्या आरोपमा कतारको जेलमा एक वर्षदेखि श्रीमान् जेलमा रहँदा यहाँ नेपालमा परिवारका सदस्यहरुको विचल्ली भएको छ । झापा कनकाई नगरपालिका ४ त्रिवेणी टोलका ३० बर्षिय सुुबास राउत कतारको जेलमा सजाय भोगिरहनुभएको छ ।

झापामा बोरो धान खेतीको आकर्षण बढ्दै

झापामा बोरो धानखेती शुरु भएको छ । किसानहरुले मंसिरमा पाकेको धान थन्क्याई नसक्दै नयाँ खेती शुरु भएको हो । जिल्लामा बर्षमा तीन पटकसम्म धान रोप्न सकिने यसभन्दा अघि पनि बोरो खेतीबाट पुष्टि भएको थियो ।

आधुनिक शैलीमा स्थानीय तहका भवन निर्माण

स्थानीय तहमा जनप्रतिनिधि चुनिएको पाँच वर्ष बित्न लाग्दै गर्दा सिन्धुपाल्चोकमा १२ वटा स्थानीय तहका आफ्नै आधुनिक शैलीमा भवन निर्माण भएका छन् । तीन नगरपालिका र नौ गाउँपालिका रहेको सिन्धुपाल्चोकमा अधिकांश पालिकाले प्रशासनिक भवन निर्माण गरेका छन् ।

उत्कृष्ट कृषि पुरस्कार पाएपछि दङ्ग लोपोन्मुख समुदायका प्रधान

मेचीनगर नगरपालिका–३ बाहुनडाँगीका लोपोन्मुख समुदायका ५६ वर्षीय प्रधान किसान सोमबार ‘उत्कृष्ट कृषि पुरस्कार’ पाएपछि दङ्ग पर्नुभयो । उहाँलाई लाल भागिरथा बानियाँ प्रतिष्ठानले नगद रु ३१ हजारसहित सम्मान गरेको थियो । दुई वर्षअघि स्थापना भएको प्रतिष्ठानले प्रत्येक वर्ष उत्कृष्ट किसानसहित सामाजिक क्षेत्रमा रचनात्मक कार्य गर्ने व्यक्तिहरूलाई पुरस्कृत गर्दै आएको छ ।

अलैचीको विश्वबजारीकरणका लागि उद्योग सञ्चालन

नेपालको पहाडी क्षेत्रमा उत्पादन हुँदैआएको अलैंचीको गुणस्तर कायम गरी उत्पादनलाई विश्वबजारमा पुर्याउन झापामा ठूलो लगानीमा एभरेष्ट लार्ज कार्डमम इन्डस्ट्रिज प्रालि स्थापना भएको छ ।

किसानलाई गहुँको उन्नत विउँ वितरण

सुनसरीको भोक्राहा नरसिंह गाउँपालिकाको ८ वटै वडाका किसानलाई गहुँको बिउँ वितरण गरिने भएको छ । कृषकलाई ५० प्रतिशत अनुदानमा विउँ वितरण गरिएको हो ।

अनलाइन प्रणालीले राजस्व बढायो

पाँचथरको मालपोत कार्यालयमा अनलाइन श्रेस्ताको व्यवस्था भएसँगै यसले राजस्व बढाएको छ । २०७४ असार १५ देखि अनलाइन लागु भएयता राजस्व चुहावट रोकिएसँगै राजस्व बृद्धि हुने क्रम बढेको हो ।