सम्मानजनक ढङ्गले सिट बाँडफाँड हुनुपर्छ : नेता भट्टराई

जनता समाजवादी पार्टीका संघीय परिषद अध्यक्ष डा. बाबुराम भट्टराईले सत्ता गठबन्धनमा आवद्ध दलहरुबीच सम्मानजनक ढंगले सिट बाँडफाँड हुनुपर्ने बताउनुभएको छ । सिट बाँडफाँडमा भेदभाव गरिए आफ्नो दललाई स्वीकार्य नहुने उहाँले चेतावनी दिनुभयो ।

एकलाख बालबालिकालाई टाइफाइडविरुद्धको खोप

स्वास्थ्य कार्यालय बर्दियाले जिल्लाका एक लाख बालबालिकालाई टाइफाइड रोगविरुद्धको खोप लगाउने भएको छ । चैत २३ गतेदेखि जिल्लाका आठवटै पालिकाका करिब एक लाख २८ हजार बालबालिकालाई खोप लगाउन लागिएको हो ।

गुल्मी अस्पतालका कर्मचारी सम्मानित

कर्मचारीलाई कामप्रति थप उत्साहित र लगनशील बनाउन गुल्मी अस्पतालले कार्यालय सहयोगीदेखि फाँटका प्रमुखसम्मलाई सम्मानित गरेको छ । कर्मचारीको आन्तरिक मूल्याङ्कनका आधारमा सम्मान गरिएको गुल्मी अस्पातालले जनाएको छ ।

नगरपालिकाद्वारा अस्पताललाई एम्बुलेन्स हस्तान्तरण

कपिलवस्तु नगरपालिकाले कपिलवस्तु अस्पताललाई भेन्टिलेटरसहितको एम्बुलेन्स हस्तान्तरण गरेको छ । सो एम्बुलेन्स गत माघ १८ गते नगरपालिकाले ७२ लाख २१ हजार १ सय ९३ मुल्यमा खरिद गरेको थियो । एम्बुलेन्स नगर प्रमुख किरण सिंह र प्रमुख प्रशासकीय अधिकृत शेषकान्त पौडेलले अस्पताल विकास समितिका अध्यक्ष शिवलाल यादव र मेडिकल सुपरिटेण्ड डा.किशोर बन्जाडेलाई एम्बसलेन्सको साँचो हस्तान्तरण गर्नुभयो ।

नेपाली सुरक्षा टिमद्वारा नेपाल–भारत सीमा स्तम्भको निरीक्षण

पश्चिम नवलपरासीका प्रमुख जिल्ला अधिकारीसहितको जिल्लास्थित तीनवटै सुरक्षा निकायका टोलीले नेपाल–भारत सीमाका सीमा स्तम्भको संयुक्त रुपमा निरीक्षण गरेको छ । नवलपरासीसँग जोडिएको नेपाल–भारत अन्तर्राष्ट्रिय सिमानामा रहेका सीमा स्तम्भ, सीमाको अवस्था लागायतका विषयमा नवलपरासीका जिल्ला प्रहरी प्रमुख प्रहरी उपरीक्षक ऋषिराम कंडेल, शसस्त्र प्रहरी वल २६ नम्बर वाहिनीका प्रमुख शसस्त्र प्रहरी उपरीक्षक रुपकुमार क्षेत्री,...

बाँकेका उत्कृष्ट निर्यातकर्ता उद्योगी व्यवसायी सम्मानित

नेपालगञ्ज उद्योग वाणिज्य सङ्घले भारत र तेस्रो देशमा जडिबुटी लगायतका सामग्री निर्यात गर्ने उद्योगी व्यवसायीलाई उत्कृष्ट निर्यातकर्ता घोषित गरेर सम्मानित गरिएको छ । आयात अत्यधिक बढेको अवस्थामा निर्यातलाई प्रमुख प्राथमिकता दिएर व्यापार घाटा कम गर्न सहयोग गरेको भन्दै सबैभन्दा बढी निर्यात गर्ने उद्योगी व्यवसायीलाई सम्मान गरिएको संघले जनाएको छ । नेपालगञ्ज उद्योग वाणिज्य संघको २९ र ३० औं वार्षिक साधारणसभाको उदघाटन...

घोराहीमा जैविक फोहोरबाट ग्याँस उत्पादन सुरु

घोराही उपमहानगरपालिका १७ करौतिडाँडामा जैविक (गल्ने) फोहोरबाट ग्याँस उत्पादन कार्यक्रमको शनिबार औपचारिक रुपमा उदघाटन गरिएको छ । दुई बिघा १२ कठ्ठा जग्गामा निर्माण गरिएको संरचनाबाट ग्याँस उत्पादन कार्यको नगरप्रमुख नरुलाल चौधरीले उदघाटन गर्नुभयो ।

भेरी अस्पतालमा न्यूरोसेवा पुनः सञ्चालनमा

लुम्बिनी, कर्णाली र सुदूरपश्चिम प्रदेशको रेफरल अस्पतालको रुपमा रहेको नेपालगञ्जस्थित भेरी अस्पतालमा न्यूरोसेवा पुनः सुरु गरिएको छ । न्यूरोसेवा सुरु भएसँगै यस क्षेत्रका खासगरी विपन्न र गरिब विरामीले सस्तो, सुलभ र गुणस्तरीय सेवा पाउन थालेको बताएका छन् ।

मकैमा फौजी कीराको आतङ्क

बाँके, बर्दिया, कैलालीलगायत तराईका जिल्लामा लगाइएको बसन्ते मकै बालीमा यतिबेला अमेरिकन फौजी किराले किसानलाई चिन्तित बनाएको छ । हुर्कदैगरेको मकै बालीमा कीरा देखिएपछि किसान चिन्तित बनेका हुन । अमेरिकन फौजी किराले छोटो समयमा नै बाली सखाप पार्ने भएपछि किसानले विषादि छर्कन सुरु गरेका छन् । बाँकेको राप्तीसोनारी गाउँपालिका ७ सर्रीका किसान चक्रबहादुर थापाले १५ कठ्ठामा लगाएको मकैमा फौजी किराले आक्रमण गरेर हैरान गरेको...

सुझाव पेटिकाले बालबालिकालाई दुर्व्यबहारबाट जोगाउँदै

दोस्रो पिरियड छोडेर सरला (नाम परिवर्तन गराएकी एक १५ वर्षीय बालिका) विद्यालयबाट बाहिरिनुभयो । विद्यालयबाट एक किलोमिटर टाढा परालको टौवामा उहाँ पुग्नुभयो । बालिकालाई एकान्तमा बोलाउँदै एक भारतीय नागरिक कुरेर बसेका रहेछन् । मामाघर आएका ती भारतीय युवाले बालिकालाई दुई सातादेखि प्रेमजालमा पार्ने प्रयासमा रहेछन् । सरलाको एक साथीले सरलामाथि भएको घटनाको सबै सूचना विद्यालयमा रहेको सुझाव पेटिकामार्फत विद्यालयलाई दिंदा...