घोडाघोडीलाई ‘बर्ड सेन्चुरी’ घोषणा गरिदैं

विश्व रामसार क्षेत्रमा सूचीकृत कैलालीको घोडाघोडी सिमसारलाई चरा अभय आरण्य क्षेत्र (बर्ड सेन्चुरी) घोषणा गरिदैंछ । चरा तथा प्राकृतिक बासस्थानको संरक्षण गर्ने र पर्यटन विकासमा टेवा पु¥याउने उद्देश्यसाथ आउने शुक्रबार घोडाघोडी सिमसारलाई बर्ड सेन्चुरी घोषणा गर्न लागिएको हो ।

सुदूरपश्चिमका पाँच जिल्ला सक्रिय सङ्क्रमितमुक्त नजिक

सुदूरपश्चिम प्रदेशका पाँच जिल्ला सक्रिय कोरोना सङ्क्रमित मुक्तको नजिक पुगेको छ । अछाम, बझाङ, डडेल्धुरा, दार्चुला र डोटी सक्रिय सङ्क्रमितबाट मुक्त नजिक पुगेको हो । प्रादेशिक स्वास्थ्य निर्देशनालयको पछिल्लो तथ्याङ्कअनुसार यी जिल्लामा अब क्रमशः ३, ३, ८, ४ र ७ जना मात्रै सक्रिय सङ्क्रमित बाँकी छन् । त्यसो त प्रदेशभरि नै सक्रिय सङ्क्रमित सङ्ख्यामा कमी आएको छ । कोरोना सङ्क्रमण दर न्यून भएसँगै प्रदेशमा सक्रिय सङ्क्रमित...

काँग्रेस अछामको सभापतिमा शाह विजयी

नेपाली काँग्रेस अछामको सभापतिमा पुष्पबहादुर शाह विजयी हुनुभएको छ । दोस्रो चरणको मतदानबाट शाहले निवर्तमान सभापति भरतकुमार स्वारलाई ६८ मतले पछि पार्दै विजयी हुनुभएको हो ।

बस चढ्ने सुविधा नभएपछि विद्यार्थीलाई समस्या

बैतडीको नमुना ज्ञानेश्वर माध्यमिक विद्यालयको आफ्नै बस नहुँदा टाढाबाट पठनपाठनका लागि आउने विद्यार्थीलाई समस्या भएको छ । सुदूरपश्चिम प्रदेश सरकारका मुख्यमन्त्री त्रिलोचन भट्टले बस किनेर दिने वाचा गर्नु भएपनि तीन वर्षसम्म पनि सो वाचा पूरा नभएको विद्यालयका शिक्षकहरुको भनाइ छ ।

निर्वाचित भएमा धनगढीलाई विकास मोडलमा रुपान्तरण गर्छु : हमाल

सफल उद्योगी तथा समाजसेवी गोपाल हमालले सुदूरपश्चिमको एकमात्र उपमहानगरपालिका धनगढी उपमहानगरपालिकाको प्रमुख (मेयर) पदमा आफ्नो स्वतन्त्र उम्मेदवारी घोषणा गर्नुभएको छ । आफू निर्वाचित भएमा विनापारिश्रमिक उपमहानगरबासी जनताको सेवामा तल्लिन रहने प्रतिवद्धता व्यक्त गर्नुभयो ।

स्वास्थ्य शिविरमा साढे चार हजार विद्यार्थीको उपचार

स्वास्थ्य कार्यालय बैतडीले विद्यालयमा आयोजना गरेको स्वास्थ्य शिविरमा बैतडीका साढे चार हजारभन्दा बढी विद्यार्थीले उपचार पाएका छन् । जिल्लाका १० वटा स्थानीय तहका १० वटा विद्यालयमा सञ्चालन गरेको आँखा, कान र दाँत चेकजाँच तथा उपचार शिविरबाट चार हजार ७०३ जना विद्यार्थीले उपचार पाएको स्वास्थ्य कार्यालय बैतडीका जनस्वास्थ्य निरीक्षक भुवनप्रसाद जोशीले बताउनुभयो ।

कैलाली काँग्रेस सभापति : दोस्रो चरणको निर्वाचन फागुन १९ गते

नेपाली काङ्ग्रेस कैलालीको सभापति चयनका लागि दोस्रो चरणको निर्वाचन फागुन १९ गते हुने भएको छ। पहिलो चरणको निर्वाचनबाट सभापतिका उम्मेदवारले ५० प्रतिशतभन्दा बढी मत ल्याउन नसकेपछि काँग्रेसको विधान अनुसार दोस्रो चरणको निर्वाचन हुन लागेको हो। सभापतिका उम्मेदवार प्रकाश बमले एक हजार १६९ मत र निकटतम् प्रतिद्वन्द्वी नारायणदत्त भट्टले एक हजार ७२ मत प्राप्त गर्नुभयो।

माओवादी केन्द्र सुदूरपश्चिम प्रदेश समितिको अध्यक्षमा चौधरी

नेकपा (माओवादी केन्द्र) सुदूरपश्चिम प्रदेश समितिको अध्यक्षमा हरिराम चौधरी (उत्सव) निर्वाचित हुनुभएको छ । प्रदेश निर्वाचन समितिका अनुसार खसेका २१० मतमध्ये चौधरी ११४ मत पाउँदै विजयी हुनुभयो भने उहाँका प्रतिद्वन्दी मानबहादुर धामी (सन्तोष)ले ९३ मत पाउनुभएको छ ।

काँग्रेस कैलालीमा सभापति चयनका लागि पुनः चुनाव हुने

नेपाली काँग्रेस कैलालीको सभापति चयनका लागि पुनः निर्वाचन हुनेभएको छ । १४ औं अधिवेशन अन्तर्गत भएको निर्वाचनमा सभापतिका उम्मेदवार कसैले पनि ५० प्रतिशतभन्दा बढी मत ल्याउन नसकेपछि दोस्रो चरणमा चुनाव हुनेभएको हो ।

सोह्र बर्षपछि फरार अभियुक्त पक्राउ

आफ्नै गाउँलेको हत्यामा संलग्न २ जना फरार अभियुक्तलाई प्रहरीले १६ बर्षपछि पक्राउ गरेको छ । जिल्लाको जयपृथ्वी नगरपालिका ७ ज्याडाका मीनबहादुर भण्डारीको हत्या गरी फरार भएका ४० वर्षीय वीरेन्द्र राना र ३३ वर्षीया रामदेवी रानालाई प्रहरीले कञ्चनपुरबाट पक्राउ गरेको हो ।