नाकामा रोकिएका १३० जना नेपाली स्वदेश फर्किए

तीन दिनदेखि बन्द रहेको पश्चिमी सीमा झुलाघाट नाका खुलेपछि नाका रोकिएका १३० जना नेपाली स्वदेश भित्रिएका छन् । भारतको उत्तराखण्ड राज्यमा भएको विधानसभा निर्वाचनका लागि नेपाल–भारत जोड्ने झुलाघाट नाका माघ २८ गते बेलुकी ५ः०० बजेदेखि फागुन ३ गते बिहान ७ः०० बजेसम्म बन्द गरिएको थियो ।

बैतडीमा चितुवा मृत फेला

चितुवा प्रभावित क्षेत्र बैतडीको पञ्चेश्वर गाउँपालिकामा पाँच फिट एक इन्च लामो चितुवा मृत अवस्थामा फेला परेको छ । पञ्चेश्वर गाउँपालिका –५, गिरेगाडामा मृत अवस्थामा चितुवा फेला परेको हो । चितुवालाई मङ्गलबार बैतडी सदरमुकाम ल्याएर खाल्डोमा गाडिएको छ ।

घर–घरमा खानेपानी धारा पुगेपछि स्थानीय हर्षित्

बाजुराको बडिमालिका नगरपालिका –८ का झण्डै चार सय घरपरिवारको घर–घरमा खानेपानीको धारा निर्माण भएपछि स्थानीयहरु हर्षित् हुनुभएको छ । बडिमालिका नगरपालिकाले आर्थिक बर्ष २०७६–७७ सालमा झण्डै चार करोड रुपियाँको लागतमा सो वडामा ‘एक घर एक धारा’ निर्माण कार्य सुरु गरेको थियो । घण्टौंको बाटो हिँडेर पानी ल्याउन बाध्य हुँदैआएका स्थानीय अहिले घरमै शुद्ध खानेपानी पाएपछि दंग पर्नुभएको छ ।

बेसहारा आमाबुवालाई निःशुल्क राशन कार्ड वितरण

दार्चुलाको महाकाली नगरपालिकाले छोराछोरी गुमाएका वा नभएका ६० वर्षमाथिका आमाबुवालाई निःशुल्क खाद्यान्न तथा राशन कार्ड वितरण गरेको छ । बेसहारा आमाबुवाको सहारा नगर प्रमुख कार्यक्रमअन्तर्गत निःशुल्क राशन कार्ड वितरण गरिएको हो ।

साईपाल गाउँपालिकामा हेलिकप्टरमार्फत खाद्यान्न ढुवानी

साईपाल गाउँपालिकामा आईतबार नेपाली सेनाको हेलिकप्टरमार्फत खाद्यान्न ढुवानी भएको छ । गएको साता भएको हिमपातका कारण बाटो अबरुद्ध भएपछि चीनको स्वशासित क्षेत्र तिब्बतसँग सीमा जोडिएको साईपाल गाउँपालिकामा खाद्यान्न अभाब भएपछि आईतबार गृह मन्त्रालयले नेपाली सेनाको हेलिकप्टरमार्फत खाद्यान्न ढुवानी गरेको हो ।

भारतले पठाएको बेलुन दार्चुलामा खस्यो, स्थानीय त्रसित

दार्चुलाको नौगाड गाउँपालिका –३ ढामडेरामा भारतीय नम्बर लेखिएको बेलुन भेटिएपछि स्थानीय त्रसित बनेका छन् । नेपाली आकाशमा भारतीय हेलिकोप्टर उड्ने गरेको जानकारी पाएका स्थानीयहरु भारतीय मौसम विभागको नाम र नम्बर लेखिएको बेलुन भेटेपछि त्रसित बनेका हुन् ।

भारतीय निर्वाचनका लागि नेपाल–भारत सीमानाका बन्द

भारतको उत्तराखण्डमा हुन गइरहेको विधानसभा निर्वाचनका लागि नेपाल–भारत सीमा बन्द गरिएको छ । १४ फेब्रुअरी २०२२ मा हुने चुनावलाई लक्षित गरी माघ २८ गते बेलुकी ५ बजेदेखि फागुन ३ गते बिहान ७ बजेसम्मका लागि नेपाल–भारत सीमानाका बन्द गरिएको प्रमुख जिल्ला अधिकारी दीर्घराज उपाध्यायले जानकारी दिनुभयो ।

साईपालमा भोकमरी : खाद्यान्न ढुवानीको माग

गत साता भएको हिमपातका कारण चिनको स्वशासित क्षेत्र तिब्बतसँग सीमा जोडिएको साईपाल गाउँपालिका जाने बाटो अबरुद्ध भएपछि खाद्यान्न ढुवानी हुन नसक्दा भोकमरी हुने स्थानीयमा चिन्ता बढेको छ ।

चमेलिया लिफ्टीङ बृहत खानेपानीको काम सुस्त

खानेपानीको चरम अभाव भोगिरहेका लेकम गाउँपालिका–२ कुणी, कुसकाडालगायत दर्जनौँ बस्तीमा खानेपानी पुर्याउन चमेलिया लिफ्टीङ बृहत खानेपानी आयोजनाको काम सुरु भएपनि काम सुस्त गतिले चलिरहेको स्थानीयले बताउनुभएको छ । निर्माणको जिम्मा पाएको भिमेश्वर एलबी एण्ड एबी जेभि कैलालीले निर्माणको काम अघि बढाएको निर्माण व्यवसायी केशबबहादुर पालले जानकारी दिनुभयो ।

गौमुलवासीलाई स्याउको बिरुवा वितरण

बाजुराको गौमुल गाउँपालिकाका किसानलाई स्याउको बिरुवा वितरण गरिएको छ ।गौमुलको अधिकांश जमिनमा स्याउ राम्रो फल्न थालेपछि त्यहाँका किसानलाई स्याउ खेतीमा उत्पे्ररित गर्ने गरी कृषि विकास शाखाले नयाँ जातको स्याउको बिरुवा वितरण गरेको हो ।