डोटीका २७ हजार विद्यार्थीले पाए मोडर्ना खोप

जिल्लामा रहेका २७ हजार ३०० विद्यार्थीलाई कोरोनाविरुद्धको मोडर्ना खोपको दोस्रो मात्रा लगाइएको छ । यसभन्दा पहिले पहिलो मात्राको खोप लगाइसकेका १२ देखि १७ वर्ष उमेर समूहका विद्यार्थीलाई उक्त दोस्रो मात्रा दिइएको जिल्ला स्वास्थ्य कार्यालयले जनाएको छ । जिल्लामा गत पुस ८ देखि १३ गतेसम्म मोडर्ना खोपको पहिलो मात्रा दिइएको थियो । यहाँका नौवटै स्थानीय तहले विद्यालयमै खोप अभियान सञ्चालन गरी दोस्रो चरणको मोडर्ना खोप लगाइएको...

सुदूरपश्चिम प्रदेश लोकसेवा आयोगले विज्ञापन खोल्ने

सुदूरपश्चिम प्रदेश सरकारले प्रदेश लोक सेवा आयोगले कर्मचारी भर्नाको विज्ञापन खोल्ने निर्णय गरेको छ । बिहीबार बसेको मन्त्रिपरिषद् बैठकले कर्मचारी भर्नाका लागि विज्ञापन खोल्ने निर्णय गरेको हो । आयोगले निर्वाचन अगावै विज्ञापन प्रकाशित गर्ने जनाएको छ ।

कैलारी गाउँपालिकाद्वारा भलमन्सा प्रथालाई कानूनी मान्यता प्रदान

थारु समुदायमा सदियोदेखि प्रचलित भलमन्सा (बड्घर) प्रथालाई कैलालीको एक स्थानीय तहले कानूनी मान्यता दिएको छ । थारु समुदायको बाहुल्यता रहेको कैलारी गाउँपालिकाले भलमन्सा प्रथालाई कानूनी मान्यता दिएको हो ।

दार्चुलाको लेकाली भेगमा हिमपात

बुधबार विहानैदेखि मौसम बदली भएपछि दार्चुलाका अधिकांश ठाउँमा हिमपात भएको छ  । ब्यास र अपि हिमाल गाउँपालिकाका लेकाली भेगमा तथा उच्च भूभागमा बाक्लो हिमपात भएको स्थानीय सुशिल रोकायले जानकारी दिनुभयो ।

सबै वडामा आधारभूत स्वास्थ्य सेवाको पहुँच बन्दै

दार्चुलाका सबै वडामा करिब आधारभूत स्वास्थ्य सेवाको पहुँच पुगेको छ । स्वास्थ्य चौकीबाट टाढा रहेका बस्तीमा स्थानीय तहहरुको अगुवाइमा सामुदायिक स्वास्थ्य एकाइ र गाउँघर क्लिनिक स्थापना भएपछि सबै वडामा स्वास्थ्य सेवाको पहुँच पुगेको हो ।

अझै खुलेन विश्वविद्यालय केन्द्रीय कार्यालयमा लगाइएको ताला

झण्डै दुई महिनादेखि कञ्चनपुरको महेन्द्रनगरस्थित सुदूरपश्चिमाञ्चल विश्वविद्यालय केन्द्रीय कार्यालयको कामकाज ठप्प छ । विश्वविद्यालयमा रिक्त डिन, सहायक डिन, निर्देशक, सहायक परीक्षा नियन्त्रकलगायतका पदको नियुक्तीप्रति असन्तुष्ट भएका विद्यार्थी सङ्गठनले गत पुसमा विश्वविद्यालयको केन्द्रीय कार्यालयमा तालाबन्दी गरेका थिए ।

धुलीधारमा स्वच्छ पानीकाे आश, एक सय वर्षपछि मेटियाे प्यास

सुर्नया गाउँपालिका–६, धुलीधारमा वस्ती बसेको करिब एकसय वर्षपछि गाउँमा खानेपानीको धारा निर्माण सुरु भएको छ । दैनिक एक घण्टा ओरालो झरेर खानेपानी बोक्नुपर्ने बाध्यता एक सयवर्षपछि अन्त्य हुन लागेकाले वस्तीमा खुशियाली छाएको छ ।

हिउँले बाटो अबरुद्ध भएपछि साईपाल गाउँपालिकामा खाद्यान्न अभाब

बिहिबार र सुक्रबार भएको हिमपातका कारण चिनको स्वशासित क्षेत्र तिब्बतसँग सीमा जोडिएको साईपाल गाउँपालिका जाने बाटो अबरुद्ध भएपछि गाउँपालिकामा खाद्यान्न अभाब भएको छ । सडक सञ्जाल समेत नजोडिएको गाउँपालिका जाने एक मात्र घोरेटो साइपाल गाउँपालिकाको नाग्नाको लेक (रस्या) लगायत बिभिन्न ठाउँमा बाटो अबरुद्ध भएपछि खाद्यान्न लगायत अन्य दैनिक उपभोग्य बस्तुहरु अभाव भएको हो ।

कोल्टी क्षेत्रमा टेलिफोन सेवा अवरुद्ध

कालाजग्रास्थित टेलिफोन टावरमा विद्युत् आपूर्ति नहुँदा जिल्लाको पूर्वी उत्तरी भेगको चार स्थानीय तहमा तीन दिनदेखि टेलिफोन सेवा अवरुद्ध भएको छ । हिमपातका कारण सोलारले काम गर्न छाडेपछि कोल्टी क्षेत्रमा टेलिफोन सेवा अवरुद्ध भएको नेपाल टेलिकम बाजुराका सूचना अधिकारी मानबहादुर रोकायाले जानकारी दिनुभयो ।

अपाङ्गता भएका ब्यक्तिलाई कम्बल बितरण

अपाङ्गता भएका ब्यक्तिहरुलाई चिसोमा न्यानो बनाउन कम्बल बितरण गरिएको छ । जिल्लाको जयपृथ्बी नगरपालिकाको आर्थिक सहयोगमा अपाङ्गता भएका, सुरक्षा संजालले जयपृथ्बी नगरपालिका भित्रका ११ वटै वडाका अपाङ्ता भएका ब्यक्तिलाई कम्बल बितरण गरिएको हो ।