आर्थिक वृद्धिदर ४.०१ प्रतिशत पुग्ने

। चालू आर्थिक वर्षमा नेपालले ४.०१ प्रतिशतको आर्थिक वृद्धिदर हासिल गर्ने केन्द्रीय तथ्याङ्क विभागले प्रक्षेपण गरेको छ । चालू आवको नौ महिनासम्मका आर्थिक क्षेत्रसँग सम्बन्धित तथ्याङ्कअनुसार उपभोक्ताको मूल्यमा सो बराबरको वृद्धिदर रहने अनुमान विभागले गरेको हो । चालू आवको अन्तिमसम्म कोरोना सङ्क्रमणको नकारात्मक असर सामान्य रहने र आर्थिक क्रियाकलापसमेत सामान्य तरिकाले सञ्चालन हुने विश्वासका आधारमा वृद्धिदर प्रक्षेपण...

सिलिन्डरको अधिक माग

कोरोना सङ्क्रमणको दोस्रो लहर तीव्र गतिमा फैलिरहँदा यतिबेला सङ्क्रमितका लागि अक्सिजनको प्रयोग भने असामान्य रूपमा बढेको छ । सामान्य दिनमा एउटा अस्पतालबाट दैनिक औसत डेढ दर्जन अक्सिजन सिलिन्डरको माग हुने गरेकोमा अहिले दुई सयवटासम्म सिलिन्डरको माग आउन थालेको अक्सिजन उत्पादकहरू बताउँछन् ।

सगरमाथा आरोहणलाई अहिलेसम्मकै धेरै अनुमति

कोरोना सङ्क्रमणको दोस्रो लहरको सन्त्रास फैलिरहँदा नेपालको पर्वतारोहणले भने नयाँ इतिहास रचेको छ । सङ्क्रमणकै अवस्थाबीच वसन्तयाममा विश्वकै सर्वोच्च शिखर सगरमाथा आरोहणका लागि अनुमति लिनेको सङ्ख्या अहिलेसम्मकै सबैभन्दा बढी हुन पुगेको छ ।

सुधारको लयमा पर्वतारोहण

कोरोना सङ्क्रमणले थला परेको पर्यटन क्षेत्र यतिबेला आन्तरिक पर्यटकीय गतिविधिले भए पनि बिस्तारै जुर्मराउँदैछ तर कोरोनाकै दोस्रो लहरको चर्चाबीच आन्तरिक पर्यटन विस्तार हुने नहुने चिन्तामा व्यवसायी छन् । विदेशी पर्यटकको दरिलो आश भने उनीहरूलाई तत्काल छैन । यस्तो परिस्थितिबीच पनि विदेशी पर्यटकले नै आशा जगाइदिएको क्षेत्र बनेको छ, पर्वतारोहण । कोरोना सङ्क्रमणकै त्रासबीच पनि विदेशी पर्यटक स्वागत गरिरहेको नेपालको पर्वतारोहण...

करयोग्य नयाँ क्षेत्र खोजिँदै

सरकारी राजस्व बढाउने उद्देश्यसहित नेपाल राजस्व परामर्श बोर्डले करयोग्य नयाँ क्षेत्रको पहिचान गर्न अध्ययन सुरु गरेको छ । करयोग्य त्यस्ता क्षेत्रको पहिचान गर्दै सरकारलाई आगामी राजस्व नीतिका लागि सुझाव पेस गर्न अध्ययन अगाडि बढाइएको बोर्डका अध्यक्ष महेश दाहालले जानकारी दिनुभयो । “राजस्वको दायराभित्र नआइसकेका करयोग्य केही क्षेत्रको पहिचानका लागि विभिन्न समितिमार्फत अध्ययन भइरहेको छ”, उहाँले भन्नुभयो ।

लगानी कम्पनी सञ्चालन गर्दै एनआरएन

गैरआवासीय नेपालीको पहलमा छुट्टै लगानी कम्पनी सञ्चालनमा आउने भएको छ । नेपालमा मात्रै लगानी गर्ने उद्देश्यसहित गैरआवासीय नेपाली सङ्घ (एनआरएन)का अगुवाहरूको नेतृत्वमा कम्पनी गठन हुन लागेको हो । सुरुमा करिब ५० करोड रुपियाँ पुँजीसहित उक्त कम्पनी सञ्चालनमा ल्याउने तयारी भइरहेको उक्त कम्पनीका लगानीकर्तासमेत रहनुभएका सङ्घका अध्यक्ष कुमार पन्तले जानकारी दिनुभयो । उहाँका अनुसार अहिले कम्पनी सञ्चालनका लागि आधारभूत कानुनी...

नेपाली आकाशमै इन्टरनेटको सुविधा

विदेशी एयरलाइन्सहरूले नेपाली आकाशमा उडान गर्दा अबदेखि इन्टरनेट सुविधा प्रयोग गर्न पाउने भएका छन् । नेपाल दूरसञ्चार प्राधिकरणले १० हजार फिटमाथिको नेपाली आकाशमा विदेशी जहाजहरूले इन्टरनेट प्रयोग गर्न पाउने गरी खुला गर्ने तयारी गरेकोे हो । प्राधिकरणका अध्यक्ष पुरुषोत्तम खनालका अनुसार नेपाल नागरिक उड्डयन प्राधिकरणको सहमति प्राप्त विदेशी एयरलाइन्सले आफ्ना यात्रुलाई यस्तो सुविधा उपलब्ध गराउन सक्नेछन् । “उड्ययन...

‘क्यासलेस’ अर्थतन्त्र

पेशाले शिक्षक गोविन्द पन्तसँग विगत तीन वर्षयता रिचार्ज कार्ड खरिद गरेको अनुभव छैन । बैतडीका स्थायी बासिन्दा पन्त काठमाडौँबाट घर जानु परे धनगढीसम्मको जहाजको टिकट अनलाइनमै लिनुहुन्छ । इन्टरनेटको बिल विगत केही वर्षयता अनलाइनबाटै तिर्दै आउनुभएको छ । सकेसम्म किनमेलमा पनि उहाँ अनलाइनबाटै कारोबार गर्नुहुन्छ । अनलाइनको विकल्प नभएको ठाउँमा मात्रै उहाँ अन्तिममा नगद प्रयोग गर्नुहुन्छ । अनलाइन कारोबार बढ्न थालेपछि नगद...

फाइभजीको सम्भाव्यता अध्ययन गर्दै सरकार

सरकारले देशका चार सहरमा फाइभजी सञ्चालनको व्यावसायिक सम्भाव्यताको अध्ययन गर्ने भएको छ । सञ्चार तथा सूचना प्रविधि मन्त्रालयका सहसचिव अनिलकुमार दत्तका अनुसार अति उच्च गतिको फाइभजीको व्यावहारिक प्रयोगका सम्भावनालाई समेत समेटेर अध्ययन गरिनेछ । अध्ययनको काम भने नेपाल टेलिकमले गर्नेछ । उहाँले काठमाडौँ, पोखरा, विराटनगर र वीरगञ्जमा यस्तो अध्ययन गर्ने सरकारको तयारी रहेको दिनुभयो । डिजिटल नेपाल कार्यक्रमले समेटेका कतिपय...

पुरानै लयमा अन्तर्राष्ट्रिय व्यापार

कोरोना सङ्क्रमणका कारण खुम्चिएको अन्तर्राष्ट्रिय व्यापार आकार त्यसअघिकै अवस्थामा पुगेको छ । भन्सार विभागका अनुसार चालू आर्थिक वर्ष २०७७÷७८ को माघसम्म कुल अन्तर्राष्ट्रिय व्यापार आठ खर्ब ७३ अर्ब ५६ करोड रुपियाँ पुगेको छ । गत माघमा यस्तो व्यापारको आकार आठ खर्ब ६८ अर्ब ५७ करोड रुपियाँ थियो । तुलनात्मक रूपमा चालू आवमा व्यापार अझ ०.५७ प्रतिशतले बढेको देखिन्छ ।