भारतमा एकै दिन झण्डै १६ हजार कोरोना सङ्क्रमित भेटिए

भारतमा कोरोनाभाइरसबाट सङ्क्रमितको दैनिक सङ्ख्या अहिलेसम्मकै सबैभन्दा धेरै देखिएको छ । सरकारी अधिकारीहरूले बुधबार दिएको जानकारी अनुसार भारतमा एकै दिन झण्डै १६ हजार जना सङ्क्रमित भेटिएका छन् ।

दक्षिण कोरिया र उत्तर कोरियाबीच तनाव बढ्दो

उत्तर कोरियाले सीमा क्षेत्रमा माइकिङ् गर्दै सन् २०१८ को शिखर सम्मेलनमार्फत् दक्षिण कोरियासँग सहमति गरिएका सहमतिलाई रद्द गरिएको जनाएको दक्षिण कोरियाली सैन्य अधिकारीले बताएका छन् ।

भारतका रक्षामन्त्री राजनाथ सिंह रुस प्रस्थान

भारतीय सञ्चारका अनुसार रुससँग प्रतिरक्षाका विषयमा आवश्यक छलफल गर्नका लागि उहाँ त्यसतर्फ प्रस्थान गर्नुभएको बताइएको छ ।

दुबईले जुलाई ७ देखि विदेशीलाई आगमन खुला गर्ने

दुबइले जुलाई ७ देखि विदेशी पर्यटकहरुका लागि आगमन खुला गर्ने जनाएको छ । दुबइको पत्रिका खालिज टाइम्सले सोमबार जनाएको हो । तर यसरी दुबई जाने हरेक विदेशी पर्यटकले हालैमात्र परीक्षण गरेको कोरोना भाइरसको नेगेटिभ रिपोर्ट देखाउनुपर्ने छ ।

बेलायतमा चारमध्ये एक जना खाद्य सङ्कटको जोखिममा - अध्ययन

महामारीका बेलामा २५ प्रतिशत वयस्कहरूले खानाका लागि सङ्घर्ष गर्नुपरेको पनि अध्ययन प्रतिवेदनमा उल्लेख गरिएको छ । त्यही कारणले खाद्य असुरक्षा महसुस गरिएको र पौष्टिक आहारको अभाव भएको बताइएको छ ।

पाकिस्तानमा लगातार तीन वटा बम विस्फोट, दुई सेनासहित चार जनाको मृत्यु

एउटा विस्फोटन सिन्ध प्रान्तका राजधानी कराँचीमा भएको थियो । उक्त आक्रमणमा एक सर्वसाधारण र अधैसैनिक बलका सदस्यसहित आठ जना अरु घाइते भएका थिए ।

भारतमा एकै दिन १४ हजार ५१६ सङ्क्रमित

निको भएर घर फर्किनेको संख्या दुई लाख १४ हजार २०९ रहेको छ । उपचाररत एक लाख ६८ हजार २६९ रहेको बताइएको छ ।

सुरक्षा परिषदको अस्थायी सदस्यमा भारत, आयरल्यान्ड, मेक्सिको र नर्वे विजयी

एक सय ९३ सदस्यीय महासभामा १८४ राष्ट्रले मतदान गरेका थिए । राष्ट्रसङ्घ सुरक्षा परिषदमा स्थायी र अस्थायी गरी कुल १५ राष्ट्र सदस्य हुन्छन् । राष्ट्रसङ्घमा पाँच मुलुकहरू संयुक्तराज्य अमेरिका, बेलायत, फ्रान्स, चीन र रुस सुरक्षा परिषदका स्थायी सदस्य राष्ट्र रहेका छन् भने बाँकी १० अस्थायी सदस्यहरू निर्वाचनबाट छनौट हुने व्यवस्था छ ।

पाकिस्तानमा एकै दिन ६ हजार कोरोना संक्रमित

पछिल्लो चौबिस घण्टामा पाकिस्तानमा ५ हजार ८३९ जना नयाँ संक्रमित भेटिएका छन् । योसहित पाकिस्तानमा कोरोनाभाइरसबाट संक्रमितको कूल संख्या १ लाख ५४ हजार ७६० पुगेको छ ।

भारत र चीनबीचको सीमामा भएको हिंसाप्रति राष्ट्रसङ्घको चासो

संयुक्त राष्ट्रसङ्घका महासचिव गुटर्रेसकोतर्फबाट सहायक प्रवक्ताद्वारा जारी विज्ञप्तिमा भनिएको छ– भारत र चीनबीचको सो विवादमा केही सैनिक हताहत भएको समाचार पनि हामीले सुनेका छौँ, हामीले परिस्थितिलाई थप उत्तेजक नबनाई वार्ताको माध्यमबाट समाधान खोज्न दुवै पक्षलाई आग्रह गर्दछौँ ।