चैते धानको रोपाइँ शुरू

पश्चिम नवलपरासीको सदरमुकामस्थित रामग्राम नगरपालिकाको आयोजनामा पालिका भित्र चैते धानको रोपाइँ गरिएको छ । सङ्घीय सरकारको घान उत्पादन प्रवद्र्वन कार्यक्रम अन्तर्गत जिल्लाको रामग्राम धान उत्पादन बढाउने योजनानुसार यस वर्षदेखि चैते धान रोपाइँ शुरु गरिएको रामग्राम नगरपालिकाका कृषि शाखा प्रमुख आदेश मिश्रले बताउनुभयो ।

स्थानीय निर्वाचनबारे छलफल गर्न लोसपा बैठक बस्दै

लोकतान्त्रिक समाजवादी पार्टी (लोसपा)को केन्द्रीय कार्यकारिणी समितिको बैठक आज बस्दैछ । बबरमहलस्थित पार्टी कार्यालयमा बुधबार दिउँसो १ बजे समितिको बैठक बस्न लागेको कार्यकारिणी सदस्य केशव झाले जानकारी दिनुभयो । बैठकमा स्थानीय तह निर्वाचनको रणनीतिबारे छलफल हुने उहाँले बताउनुभयो । साथै, उहाँले पार्टीको आन्तरिक संगठनका विषयमा पनि बैठकमा छलफल हुने जानकारी दिनुभयो ।

नेपाली काँग्रेसको पदाधिकारी बैठक बस्दै

सत्तारुढ दल नेपाली काँग्रेसको पदाधिकारी बैठक केही बेरमा दिउँसो १ बजेदेखि बस्ने जनाइएको छ । वैशाख ३० गतेको स्थानीय तहको निर्वाचन सम्बन्धनमा छलफल गर्न पदाधिकारी बैठक बस्न लागेको काँग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिनुभयो ।

छ सय घर खरको छानामुक्त हुँदै

नारायण नगरपालिकाका छ सय घरधुरी खरको छानामुक्त भएका छन् । आर्थिक अवस्था कमजोर भएका कारण घरमा खरको छाना र माटो हालेर निर्माण गरेका मुन्ना घरका कारण नागरिकहरू समस्यामा भोग्नु परेको समस्यालाई मध्यनजर गर्दै नारायण नगरपालिकाले आर्थिक वर्ष २०७६/०७७ मा खरको छानामुक्त र मुन्ना घर विस्थापित गर्ने नीति नगर सभाबाट पारित कार्यविधि निर्माण गरी अभियान सुरु गरेको थियो।  सोही अभियान अन्तरगत हालसम्म ४५९ घरको छानामुक्त गर्न जस्तापाता...

गाउँको विकासमा जुट्न थाले युवा

कोरोना महामारीका कारण रोजगारी गुमाएर गाउँ फर्किएका युवा विकास निर्माणमा जुट्न थालेका छन् । संघ, प्रदेश र गाउँपालिकाबाट स्थानीयस्तरमा विनियोजन भएका विभिन्न विकास योजनाहरुको कार्यान्वयन गर्न युवा अघि सरेका छन् ।

त्रिदेशीय टी–२० अन्तर्राष्ट्रिय सिरिजमा मलेसियासँग टस हारेर बलिङ गर्दै नेपाल

त्रिदेशीय टी–२० अन्तर्राष्ट्रिय सिरिजको दोस्रो खेलमा नेपालले आज (बुधबार) मलेसियासँग प्रतिस्पर्धा गर्दैछ । कीर्तिपुरस्थित टियु क्रिकेट मैदानमा नेपालले अहिले टस हारेर बलिङ गर्ने भएको छ । टस जितेको मलेसियाले पहिले ब्याटिङ गर्ने निर्णय गरेको छ ।

डोनेत्स्क रुसमा विलय हुनसक्ने विद्राेही नेताकाे भनाइ

पूर्वी युक्रेनको डोनेत्स्क जनगणतन्त्रले रुसमा विलय गर्ने विषयमा तयारी गरेको बताइएको छ । सन् २०१४ देखि रुसी भाषी युक्रेनी विद्रोहीको नियन्त्रणमा रहेको त्यस क्षेत्रसहित लुहान्स्कलाई पनि रुसले हालै स्वतन्त्र राष्ट्रको मान्यता दिएको हो । डोनबास क्षेत्रमा रहेको डोनेत्स्क र लुहान्स्क क्षेत्रलाई युक्रेनको नियन्त्रणमा लिनको लागि युक्रेनी सेना र विद्रोही सेनाबीच निरन्तर रुपमा हिंसात्मक लडार्ईं भैरहेको छ ।

इजिप्टलाई हराउँदै सेनेगल विश्वकपमा

कतार विश्वकप छनोट अन्तर्गत अफ्रिकी महादेशको प्लेअफमा इजिप्टलाई हराउँदै सेनेगलले विश्वकपमा स्थान बनाएको छ । मंगलबार राति भएको प्लेअफको दोस्रो लेगमा सेनेगलले इजिप्टलाई टाइ्रब्रेकरमा ३-१ गोलले हरायो ।

पोर्चुगल र पोल्यान्ड विश्वकपमा छनोट

पोर्चुगल र पोल्यान्ड कतार फिफा विश्वकप २०२२ मा छनोट भएका छन् । युरोपेली छनोट अन्तर्गत मंगलबार राति भएको प्लेअफ फाइनलमा पोर्चुगलले नर्थ म्यासेडोनियालाई २–० गोलले हरायो । अर्को प्लेअफ फाइनलमा पोल्यान्डले स्वीडेनलाई २–० गोलले स्तब्ध बनाउँदै विश्वकप यात्रा तय गरेको हो ।

दिगो विकास लक्ष्यलाई पूरा गर्नुपर्छ: प्रधानमन्त्री देउवा

प्रधानमन्त्री शेरबहादुर देउवाले नेपालमा कोरोना भाइरसलाई नियन्त्रण गर्न सफल भएको बताउनुभएको छ । श्रीलङ्कामा जारी बहुपक्षीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक)काे पाँचाैं सम्मेलनमा भर्चुअल माध्यमबाट सम्बोधन गर्नुहुँदै उहाँले सो धारणा राख्नुभएको हो ।