क्षितिजलाई रेपिड चेस उपाधि

हेटौँडा मेयर कप रेपिड चेस प्रतियोगिताको उपाधि फिडेमास्टर क्षितिज भण्डारीले जित्नुभएको छ । नेपाल खेलकुद महासंघ (नेकोस) र बागमती प्रदेश बुद्धिचाल संघको संयुक्त आयोजनामा शनिबार हेटौँडामा सम्पन्न प्रतियोगिताको भण्डारीले सात खेलमा पाँचमा जीत तथा दुईमा बराबरी गर्दै ६ अंक बनाउनुभयो ।

सप्तरीमा ९ हजार ४२४ जनाको म्यादी प्रहरीमा आवेदन

स्थानीय तह निर्वाचन प्रयोजनका लागि मागिएको म्यादी प्रहरीमा सप्तरीमा तेब्बर संख्यामा आवेदन परेको छ । शुक्रबार अन्तिम दिनसम्म नौ हजार ४ सय २४ जनाले आवेदन दिएको जिल्ला प्रहरी कार्यालय सप्तरीले जनाएको छ ।

आर्मीलाई मुख्यमन्त्री कप भलिबल उपाधि

त्रिभुवन आर्मी क्लबले ‘मुख्यमन्त्री कप राष्ट्रिय पुरुष भलिबल प्रतियोगिता’को उपाधि जितेको छ । कैलालीको धनगढीमा शनिबार भएको फाइनलमा आर्मीले नेपाल पुलिस क्लबलाई ३–१ को सेटमा हरायो । आर्मीले २५–२३, २५–२०, १८–२५, २५–२२ ले हरायो ।

डढेलो नियन्त्रण गर्न पूर्व तयारी कार्यक्रम

कपिलबस्तुको तिलौराकोट साझेदारी वन व्यवस्थापन समितिमा वन डढेलो नियन्त्रण दलदस्ताद्वारा अग्निरेखामा डढेलो नियन्त्रण गर्न पूर्व तयारी गरिएको छ । वनमा डढेलोबाट हुने क्षती रोक्न पूर्व अभ्यास थालिएको हो । गर्मीयाम सुरु भएसँगै वनमा हुने आगलागी नियन्त्रण गर्न सो साझेदारी क्षेत्रमा पूर्व तयारी गरिएको हो ।

चर्चामा ‘चिसो एष्ट्रे’

चैत ४ गतेदेखि प्रदर्शमा आएको नेपाली चलचित्र हो ‘चिसो एष्ट्रे’ । विश्वव्यापी महामारीको रुपमा फैलिएको कोरोना महामारीका कारण थलिएको नेपाली चलचित्र उद्योगमा ‘चिसो एष्ट्रे’ले एउटा आशा देखाएको छ । रंगमञ्चदेखि चलचित्र क्षेत्रमा प्रवेश गर्नुभएका ‘चिसो एष्ट्रे’का नायक दिव्य देव चलचित्रले खुशी दिएको बताउनुहुन्छ । चलचित्र हेर्नेमध्ये ९० प्रतिशत बढीले राम्रो प्रतिक्रिया दिएको उहाँको भनाइ छ । ‘चलचित्र ‘चिसो एष्ट्रे’...

५९ दरबन्दीको अस्पतालमा १७ जना कार्यरत

हिमाली जिल्ला म्याग्दीको बेनीमा रहेको सरकारी अस्पतालमा ५९ जना स्वीकृत दरवन्दीमा अहिले १७ जना मात्र कार्यरत रहनुभएको छ । ५० शैया क्षमता भएको बेनी अस्पतालमा ११ औं तहका प्रमुख मेडिकल सुपरिटेण्डेन्टसहित ५९ जनाको दरवन्दी रहेको छ ।

२४ घण्टामा आठ जनामा सङ्क्रमण, मृत्यु शून्य

पछिल्लो २४ घण्टामा आठ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले १६ सय ९६ जनाको पीसीआर परीक्षण गर्दा आठ जनामा सङ्क्रमण पुष्टि भएको हो ।

नगरपालिकाको सहयोगमा छोरीको नाममा बैंक खाता सञ्चालन

खोटाङको हलेसी तुवाचुङ नगरपालिकाका छोरीहरुको नाममा बैंक खाता सञ्चालन गरिएको छ । नगरपालिकाको ‘बालिका बचत’ कार्यक्रम अन्तर्गत छोरी जन्मिनसाथ बैंक खाता खोल्ने र छोरीको भविष्यका लागि नगरपालिकाले रकम जम्मा गरिदिने गरेको छ ।

सांसद साहलाई थप उपचारका लागि काठमाडौंं लगियो

सर्लाहीको ईश्वरपुर नगरपालिका –६, बयलवासमा शनिबार बिहान भएको झडपमा सांसद प्रमोद साह घाइते हुनु भएपछि उहाँलाई थप उपचारका लागि काठमाडांै लगिएको छ । बयलवास बजारस्थित सडक छेउमा रहेको फूलजोरबाबा युवा क्लबको भवन निर्माण र सडकमा नाला बनाउने विषयमा दुई पक्षबीच भएको झडपमा जनता समाजवादी पार्टी (जसपा) को प्रमुख सचेतक समेत रहनुभएका सर्लाही क्षेत्र १ का सङ्घीय सांसद साह घाइते हुनुभएको छ ।

साताका सात तस्बिर

फ्लोरिकल्चर एसोसिएसन नेपालले ललितपुरको जावलाखेलमा आयोजना गरेको २३ औं फ्लोरा एक्स्पोमा सजाएर राखिएको फूल । बिहीबारबाट सुरु भएको एक्स्पो आइतबारसम्म चल्नेछ । सुजन गुरुङ पश्चिम नेपालको पहाडी जिल्ला बझाङ, बाजुरा डोटी र अछामको संगमस्थल खप्तड राष्ट्रिय निकुञ्ज क्षेत्रको दृश्य ।