सल्यानको कालिमाटी गाउँपालिकामा तोडफोड

कालिमाटी गाउँपालीका कार्यालयमा तोडफोड भएको छ । अज्ञात समूहद्वारा गाउँपालिका कार्यालय, वडा ३ कार्यालय, पुतली बजारका केही पसल लघुबित्तिय संस्था र मन्दिरमा तोडफोड गरेका छन् ।

जिल्ला अस्पतालमा रोकिएको बिशेषज्ञ सेवा सुचारु

स्वास्थ्य सेवा कार्यालय अन्तर्गतको जिल्ला अस्पतालमा बिशेषज्ञ सेवा पूनः सुचारु भएको छ । गत साउनबाट बिशेषज्ञ चिकित्सकले जिल्ला छाडेपछि अबरुद्ध रहँदैआएको सो सेवा नयाँ चिकित्सक जिल्लामा आउनु भएपछि सेवा सुचारु भएको हो ।

कोरोना संक्रमित एक जना महिलाको मृत्यू

जुम्लामा कोरोना संक्रमणले एक जना महिलाको मृत्यू भएको छ । चन्दननाथ नगरपालिका ८ निवासी ३३ बर्षिय बाटु सुनारको मृत्यू भएको प्रहरीले जनाएको छ । जिल्ला प्रहरी कार्यालयका प्रहरी नायव उपरीक्षक नरेन्द्र चन्दकाअनुसार सुनारको आज विहान साढे १ बजे निधन भएको हो । यता कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचारका क्रममा उहाँको निधन भएको जानकारी गराएको छ ।

अस्पताललाई सहयोग गर्ने सम्झौता

बिगत तीन वर्षदेखि जिल्लाको स्वास्थ्य क्षेत्रमा काम गर्दैआएको निक साईमनले जिल्ला अस्पताललाई स्वास्थ्य क्षेत्रमा सहयोग गर्ने सम्झौतामा हस्ताक्षर गरेको छ । यसअघि तीन वर्षदेखि अस्पताललाई सो सहयोग गर्दैआएको भएपनि अबधि सकिएका कारण नयाँ सम्झौता गरेर सहयोगलाई निरन्तरता दिएको हो ।

दैलेखमा ९२ सिँचाई आयोजना बन्दै

सिँचाइको अभावमा दैलेखमा अधिकांश खेतीयोग्य जमिन बाँझो रहेको छ । आकाशे पानीको भरमा खेती गर्दा उत्पादन कम हुने र जसका कारण खाद्यान्न अपुग हुने गरेको छ । आकाशे पानीको भरमा खेती गर्ने किसानका लागि कृषि बिकास कार्यालय दैलेखमार्फत् जिल्लाका ११ स्थानीय तहमा ९२ वटा सिँचाई आयोजना तथा सिँचाई पोखरी निर्माणको चरणमा रहेको जनाएको छ ।

आन्तरिक सडक निर्माण धमाधम

जिल्लामा आन्तरिक सडक निर्माणको काम धमाधम भइरहेको छ । गाउँ–गाउँमा सडक पहुँच विस्तार गर्न आर्थिक वर्ष २०७८/७९ मा भौतिक पूर्वाधार कार्यालयले २९ आन्तरिक सडक निर्माण थालेको छ । कार्यालयले आव २०७७/७८ मा १६५ किलोमिटर सडक निर्माण गरेको थियो । सो आवमा ३९ वटा सडक निर्माण अघि बढाएको थियो । सो क्रममा तीन भोलुङ्गे पुल निर्माण गरिएका छन् । जनता आवास कार्यक्रमअन्तर्गत १७३ विपन्न परिवारका लागि घरसमेत निर्माण गरिएको पूर्वाधार विकास...

प्रजिअ परियारद्वारा कर्मचारीलाई निर्देशन

जिल्लास्थित सरकारी कार्यालयका प्रमुख कर्मचारीहरुलाई भर्खर सरुवा भएर आउनुभएका प्रमुख जिल्ला अधिकारी सीता परियारले कार्यालयको कामबारेमा लिखित निर्देशन दिनुभएको छ । कार्यालयमा हाजीर भएको पहिलो दिन कार्यालय प्रमुखसँगको छलफलमा सो निर्देशन दिनुभएको हो ।

मासपुरवासीको मतदान केन्द्र स्थापनाको माग

दुरदराजको बस्ती मासपुर गाउँका स्थानीयले आगामी बैशाख ३० गते सम्पन्न हुने स्थानीय तहको निर्वाचनका लागि गाउँमै मतदान केन्द्रको माग गरेका छन् । गाउँबाट मतदान केन्द्र गएर भोट खसाल्न दश घण्टा पैदल हिडेर जानुपर्ने बाध्यताबाट छुटकारा पाउन गाउँबासीले सो माग गरेका हुन् ।

सडक र पुलको काममा तीव्रता दिन आग्रह

कर्णाली प्रदेश सरकारका भौतिक पूर्वाधार तथा सहरी विकासमन्त्री पदमबहादुर रोकायाले प्रदेशमा निर्माणाधीन सडक र पुलको काममा तीव्रता दिन निर्देशन दिनुभएको छ । वीरेन्द्रनगर नगरपालिका १२ र १३ जोड्ने निर्माणाधीन नेवारेखोला पुल तथा ४ स्थित निर्माणाधीन सडकको अनुगमनको क्रममा उहाँले आइतबार निर्माण व्यवसायीलाई जतिसक्दो चाँडो सम्पन्न गर्न निर्देशन दिनुभएको हो । विसं २०७६ असार ३१ मा सम्झौता भई रु दुई करोड ३७ लाख बजेटमा निर्माण...

‘मानवअधिकार उल्लङ्घनका घटनामा सुधार हुन सकेन’

कर्णालीमा मानवअधिकार उल्लङ्घन घटनामा कमी आए पनि यसको उल्लेख्य सुधार हुनसकेको छैन । अधिकार उल्लङ्घनमा ज्यादतिका घटना धेरै छन् । सन् २०२१ को तथ्याङ्कलाई हेर्दा कर्णालीमा एक वर्षमा ४३० त्यस्ता घटना घटेका थिए । मानवअधिकार उल्लङ्घनका कूल ४३० घटनामा ज्यादतिका धेरै छन् । अनौपचारिक क्षेत्र सेवा केन्द्र (इन्सेक) कर्णाली प्रदेशले शनिबार वीरेन्द्रनगर सुर्खेतमा सार्वजनिक गरेको वर्ष पुस्तक सन् २०२२ को तथ्याङ्कानुसार ३२०...