दौडमा विश्वराम र मनीषा पहिलो

जेसिस मावि, भक्तपुरका विश्वराम कुँवर र विजेश्वरी ज्ञान मन्दिर, काठमाडौँकी मनीषा गिरी माध्यमिक विद्यालयस्तरीय उपत्यकाव्यापी सडक दौड प्रतियोगितामा शनिबार पहिलो हुनुभएको छ । राष्ट्रिय खेलकुद परिषद् (राखेप) द्वारा आयोजित दौडको छात्र ५ किलोमिटर दूरी विश्वरामले १७ मिनेट ०७.४ सेकेन्डमा पूरा गर्नुभयो ।

फिलिपिन्सलाई दियो नेपालले दुई सय १९ रनको विशाल लक्ष्य

ब्याटिङमा ओपनर कुशल भुर्तेल र दिपेन्द्रसिंह ऐरी चम्किएपछि नेपालले आईसीसी टी२० विश्वकप ग्लोबल छनोटको दोस्रो खेलमा फिलिपिन्सलाई जितका लागि दुई सय १९ रनको विशाल लक्ष्य दिएको छ ।

फिलिपिन्सविरुद्ध पहिले ब्याटिङ गर्दै नेपाल

आईसीसी टी-२० विश्वकप ग्लोबल छनोट ‘ए’ अन्तर्गत फिलिपिन्सविरुद्धको दोस्रो खेलमा नेपालले पहिले ब्याटिङ गर्ने भएको छ । ओमान क्रिकेट एकेडेमी ग्राउन्ड–२ सुरु हुन लागेको खेलमा नेपालले हर हारेर पहिले ब्याटिङ गर्ने मौका पाएको हो । टस जितेको फिलिपिन्सले फिल्डिङ रोजेको छ ।

सत्यवती र होलिल्याण्ड विजयी

धनगढी मेयर लिटल फ्लावर प्रिमियर लिग क्रिकेटमा शुक्रबार अत्तरियाको सत्यवती एकेडेमी र होलिल्याण्ड विजयी भएका छन् । पहिलो खेलमा अत्तरियाको सत्यवती एकेडेमीले लम्कीको गुरुकुल स्कुलमाथि एक सय ५४ रनको विशाल जित दर्ता गरेको छ । दोस्रो खेलमा सैनिक आवासीय महाविद्यालय तेघरी होलिल्याण्डसँग पाँच विकेटले पराजित भयो ।

एन्फाको विशेष साधारण सभा स्थगित

अखिल नेपाल फुटबल संघ (एन्फा) को आइतबार बस्ने भनिएको विशेष साधारण सभा स्थगित भएको छ । एन्फा महासचिव इन्द्रमान तुलाधरले शुक्रबार सुचना जारी गर्दै विशेष साधरण सभा स्थगित भएको उल्लेख गर्नुभएको छ ।

रुकेश र सुरोजको जोडी क्वार्टरफाइनलमा

नेपाली सेनाका रुकेश महर्जन र सुरोज महर्जनको जोडी लिनिङ ११औँ पुष्पलाल स्मृति ¥याङ्किङ राष्ट्रिय ब्याडमिन्टन प्रतियोगिताको पुरुष युगलतर्फ क्वार्टरफाइनलमा प्रवेश गर्नुभएको छ ।

नवौं राष्ट्रियको कार्यविधि र बजेटको खाका तयार गरिने

राष्ट्रिय खेलकुद परिषद् (राखेप) को कार्यकारी समितिको बैठकले एक वर्षअघि नै सम्पन्न हुनु पर्ने नवौँ राष्ट्रिय खेलकुद कोभिड–१९ का कारण सम्भव नभएकाले यसै वर्ष नवौँ राष्ट्रिय खेलकुद आयोजना सम्बन्धी समय निर्धारण, आयोजना तथा व्यवस्थापन कार्यविधि र बजेट व्यवस्थाको खाका तयारीका लागि अविलम्ब युवा तथा खेलकुद मन्त्रालयमा अनुरोध गर्ने निर्णय गरेको छ ।

आरिफ ‘प्लेयर अफ दि म्याच’

आईसीसी टी–२० विश्वकप ग्लोबल छनोट अन्तर्गत अमानविरुद्ध सानदार प्रदशन गरेको नेपाली राष्ट्रिय क्रिकेट टोलीका मध्यक्रमका ब्याट्सम्यान आरिफ शेख ‘प्लेयर अफ दि म्याच’ चुनिनु भएको छ ।

क्यानडाको सानदार जित

आईसीसी टी–२० विश्वकप ग्लोबल छनोट खेलमा क्यानडाले विजयी सुरुवात गरेको छ । ओमानमा शुक्रबार भएको समूह चरणको आफ्नो पहिलो खेलमा क्यानडाले फिलिपिन्सलाई एक सय १८ रनले हरायो ।

प्रजातन्त्र दिवसमा सडक दौड

राष्ट्रिय खेलकुद परिषद् (राखेप) को आयोजनामा उपत्यकाव्यापी सडक दौड प्रतियोगिता शनिबार हुने भएको छ । ७२औँ प्रजातन्त्र दिवसका अवसरमा राखेपले दौड आयोजना गर्न लागेको राखेप अन्तर्गत खेलकुद प्रतियोगिता तथा योजना विभागका प्रशासकीय अधिकृत मिनकुमार शर्माले जानकारी दिनुभयो ।

आईसीसी टी–२० विश्वकप छनोट : नेपालको सुखद सुरुवात

आईसीसी टी–२० विश्वकप ग्लोबल छनोट खेलमा नेपालले विजयी सुरुवात गरेको छ । ओमानको अल अमरेत क्रिकेट मैदानमा शुक्रबार भएको समूह चरणको पहिलो खेलमा नेपालले घरेलु टोली ओमानलाई ३९ रनले हराएकाे हाे ।

नेपालद्वारा ओमानलाई एक सय १८ रनको लक्ष्य

आईसीसी टी–२० विश्वकप ग्लोबल छनोटको पहिलो खेलमा नेपालले घरेलु टोली ओमानलाई एक सय १८ रनको विजय लक्ष्य दिएको छ । ओमानको अल अमरेत क्रिकेट मैदानमा टस हारेर पहिले ब्याटिङ गरेको नेपालले २० ओभरमा आठ विकेटको क्षतिमा एक सय १७ रन बनायो ।

नेपाल टस हारेर ब्याटिङ गर्दै

आईसीसी टी–२० विश्वकप ग्लोबल छनोटको पहिलो खेलमा नेपालले ओमानसँग प्रतिस्पर्धा गर्दैछ । अल अमरेत क्रिकेट मैदानमा नेपालले टस हारेर पहिे ब्याटिङ गर्ने भएको छ । ओमानका कप्तान जिशान मकसुदले टस जितेर पहिला फिल्डिङ गर्ने निर्णय लिएपनि नेपाली टोली पहिले ब्याटिङ गर्न बाध्य भएको हो ।

युरोपा लिग : सेभियाले जित्दा बार्सिलोना बराबरीमा रोकियो

स्पेनिस क्लब सेभियाले युरोपा लिगको अन्तिम ३२ को पहिलो लेगमा सानदार जित निकाल्दा बार्सिलोना बराबरीमा रोकिएको छ । घरेलु मैदानमा बिहीबार राति भएको खेलमा सेभियाले क्रोएसियाको क्लब डाइनामो जाग्रिवलाई ३–१ गोलले हरायो । अर्को खेलमा बार्सिलोना इटालियन क्लब नापोलीसँग १–१ गोलको बराबरीमा रोकियो ।

फुटबलर हरि खड्का दोषी ठहर

नेपाली राष्ट्रिय फुटबल टोलीका पूर्व कप्तान हरि खड्कालाई भ्रष्टाचार मुद्दामा विशेष अदालतले बिहीबार दोषी ठहर गरेको छ । अख्तियार दुरुपयोग अनुसन्धान आयोगले दायर गरेको नक्कली शैक्षिक प्रमाणपत्र मुद्दामा फुटबलर खड्कालाई दोषी ठहर गरेको हो ।