‘ए’ डिभिजन लिगकाे उपाधि दाेस्राे पटक मच्छिन्द्रकाे हातमा

मच्छिन्द्र क्लबले शहिद स्मारक ‘ए’ डिभिजन लिग फुटबलको उपाधि रक्षा गरेको छ । साविक विजेता मच्छिन्द्र दुई खेल अगावै लिग च्याम्पियन बनेको हो । दशरथ रंगशालामा बुधबार भएको ११औँ चरणको खेलमा मच्छिन्द्रले नवप्रवेशी सातदोवाटो युथ क्लबलाई १–० गोलले हरायो ।

‘बी’ डिभिजन लिग यसै महिना

सहिद स्मारक ‘बी’ डिभिजन लिग यसै महिनाबाट शुरु हुने भएको छ । अखिल नेपाल फुटबल संघ (एन्फा) ले ‘बी’ डिभिजन लिग फागुन १८ देखि चैत २७ गतेसम्म सञ्चालन हुने जानकारी दिएको हो ।

च्याम्पियन्स लिगमा रियललाई पीएसजीको झट्का

च्याम्पियन्स लिग फुटबलमा स्पेनिस महारथि रियल म्याड्रिडलाई फ्रेन्च क्लब पेरिस सेन्ट जर्मेन (पीएसजी) को झट्का लागेको छ । लिग अन्तर्गत मंगलबार राति भएको अन्तिम १६ को पहिलो लेगमा पीएसजीले रियललाई १–० गोलले हरायो ।

टी–२० विश्वकप छनोट टोलीको घोषणा

नेपाल क्रिकेट संघ (क्यान) ले ओमानमा शुक्रबारदेखि सुरु हुने आईसीसी टी–२० विश्वकप ग्लोबल छनोट खेलमा लागि नेपाल क्रिकेट टोलीको घोषणा गरेको छ । क्यानले मंगलबार अबेर ओमानमा रहेको १७ खेलाडीबाट अन्तिम १४ सदस्सीय टोलीको घाषणा गरेको हो ।

यू–१८ महिला साफ : नेपालको पहिलो खेल भारतसँग

भारतका चैत १ देखि ११ गतेसम्म आयोजना हुने यू–१९ महिला साफ च्याम्पियनसिपको पहिलो खेलमा नेपालले भारतसँग प्रतिस्पर्धा गर्ने भएको छ । दक्षिण एसियाली फुटबल महासंघ (साफ) ले मंगलबार खेल तालिका सार्वजनिक गरेको हो ।

पुष्पलाल स्मृति ब्याडमिन्टन सुरु

राष्ट्रिय ब्याडमिन्टन संघ र नखिपोट युथ क्लबको संयुक्त आयोजनमा भएको लिनिङ्ग ११औँ पुष्पलाल स्मृती र्याङकिङ राष्ट्रिय ब्याडमिन्टन प्रतियोगिता मंगलबारदेखि सुरु भएको छ ।

महिला लिग फुटबल चितवनमा

राष्ट्रिय महिला लिग फुटबल चितवनमा हुने भएको छ । अखिल नेपाल फुटबल संघ (एन्फा) ले महिला लिगका खेलहरू चितवनमा चैत दोस्रो साताबाट सञ्चालन गर्ने जनाएको छ । लिगका लागि एन्फाले मंगलबार भरतपुर महानगरपालिकासँग सम्झौता पनि गरेको छ ।

पुलिसको विजयी सुरुवात

नेपाल पुलिस क्लबले लामा टेन्डी शेर्पा स्मृति खुला बास्केटबल प्रतियोगिताको महिलातर्फ मंगलबार विजयी सुरुवात गरेको छ । त्रिपुरेश्वर स्थित राखेप कभर्डहल मा मंगलबार भएको खेलमा पुलिसले कीर्तिपुर नगरपालिकालाई ७८–२३ अंकले हरायो ।

एलपीएलमा एभरेस्ट र गुरुकुल विजयी

धनगढीमा जारी धनगढी मेयर लिटल फ्लावर प्रिमियर लिग यू–१९ विद्यालय स्तरीय टी–२० क्रिकेट प्रतियोगितामा मंगलबार एभरेस्ट एकेडेमी अत्तरिया र गुरुकुल इङ्लिस स्कुल विजयी भएका छन् ।

एन्फामा फिफा र एएफसीबाट मेडिकल कोर्ष गरेको टिम छ : तुलाधर

अखिल नेपाल फुटबल संघ (एन्फा) का महासचिव इन्द्रमान तुलाधरले एन्फामा विश्व फुटबल महासंघ (फिफां) र एसियाली फुटबल महासंघ (एएफसी) बाट मेडिकल कोर्ष गरेको स्वास्थ्य टिम रहेको बताउनुभएको छ । 

जावलाखेल र फ्रेन्ड्सको बराबरी

शहिद स्मारक ‘ए’ डिभिजन लिगमा जावलाखेल युथ क्लब र फ्रेन्ड्स क्लबले बराबरी खेल्दै अंक बाँडेका छन् । एन्फा कम्प्लेक्स मैदान सातदोवाटोमा मंगलबार भएको खेलमा जावलाखेल र फ्रेन्ड्स ३–३ गोलको बराबरीमा रोकिएको हो ।

करणले विश्वकप छनोट गुमाउने

नेपाली राष्ट्रिय क्रिकेट टोलीका अलराउन्डर करण केसीले आईसीसी टी–२० विश्वकप ग्लोबल छनोटको खेल गुमाउनु हुने भएको छ । छनोट खेल्न ओमान पुग्नुभएका करणले ढाडको समस्याका करण छनोट खेल खेल्न नसक्ने नेपाल क्रिकेट संघ (क्यान) ले जनाएको छ ।

बिल्बाओलाई मालोर्काको झट्का

स्पेनिस ला लिगाको मध्यम टोली एथलेटिक बिल्बाओलाई रेलिगेसन जोगाउन संघर्षरत मालोर्काको नमिठो झट्का लागेको छ । सोमबार राति भएको खेलमा बिल्बाओ मालोर्कासँग ३–२ गोलले पराजित भयो ।

नेपाल टी–२० वरीयतामा एक स्थान खस्कियो

नेपाल आईसीसीको टी–२० वरीयतामा एक स्थान खस्किएको छ । अन्तर्राष्ट्रिय क्रिकेट परिषद् (आईसीसी) ले सार्वजनिक गरेको पछिल्लो वरीयतामा नेपाल १३औँ स्थानमा छ । यसअघि १२औँ स्थानमा रहेको नेपालल एक स्थान तल झरेको हो ।

ब्याटिङ नचलेपछि नेपाल आयरल्यान्डसँग पराजित

ब्याटिङ नचलेपछि नेपाल ओमानमा जारी चारदेशीय टी–२० सिरिजको अन्तिम खेलमा टेस्ट टोली आयरल्यान्डसँग पराजित भएको छ । अल अमेरात क्रिकेट मैदानमा सोमबार भएको खेलमा नेपाल आयरल्यान्डसँग १६ रनले पराजित भएको हो ।