एसियन सेन्ट्रल जोन भलिबलको अर्को संस्करण माल्दिभ्समा

एभिसी एसियन सिनियर सेन्ट्रल जोन पुरुष तथा महिला भलिबल च्यालेन्ज कपको अर्को संस्करण माल्दिभ्समा आयोजना हुने भएको छ । सेन्ट्रल एसियन भलिबल एसोसिएसन (काभा) को बंगलादेशमा सोमबार बसेको बैठकले सन् २०२२ को सेन्ट्रल जोन भलिबल माल्दिभ्समा गर्ने निर्णय गरेको हो ।

न्युक्यासलसँग म्यानचेस्टर युनाइटेडको बराबरी

इङ्लिस प्रिमियर लिग फुटबलमा म्यानचेस्टर युनाइटेड रेलिगेसनको दबाबमा रहेको न्युक्यासल युनाइटेडसँग बराबरीमा रोकिएको छ । सोमबार राति भएको खेलमा युनाइटेडले न्युक्यासलसँग उसैको मैदानमा १–१ गोलको बराबरी खेल्दै अंक बाँडेको हो ।

 करातेमा मन्जु च्याम्पियन

नेपाल आर्मीकी मन्जु विक १७औँ राष्ट्रिय पुरुष तौलसमूह तथा १६औँ राष्ट्रिय महिला खुला तौलसमूह फुल कन्ट्याक्ट कराते प्रतियोगिताअन्तर्गत महिला खुला तौलसमूहमा पहिलो हुनुभएको छ ।

सातदोवाटोमाथि जावलाखेलको सहज जित

जावलाखेल युथ क्लबले शहिद स्मार ‘ए’ डिभिजन लिगमा सहज जित निकालेको छ । दशरथ रंगशालामा सोमबार भएको खेलमा जावलाखेलले सातदोबाटो युथ क्लबलाई २–० गोलले हरायो । ललितपुुर डर्बीमा जाउलाखेललाई जिताउन विपिन कँडेल र निकोलस फर्नान्डेसले गोल गर्नुभयो ।

सेन्ट्रल जोन भलिबल : फाइनलमा नेपालको प्रतिद्वन्द्वी उज्वेकिस्तान

साविक विजेता नेपालले एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत महिलातर्फ फाइनलमा उज्वेकिस्तानसँग प्रतिस्पर्धा गर्नेभएको छ । मिरपुरस्थित शाहिद शुरवार्दी इन्डोर स्टेडियममा सोमबार भएको लिग चरणको पाँचौँ खेलमा नेपालले किर्गिस्तानलाई ३–० को सेटमा हरायो ।

नौ गोलको थ्रिलरमा सिटीको बाजी

नौ गोलको थ्रिलरमा म्यानचेस्टर सिटीले लेस्टर सिटीमाथि बाजी मारेको छ । इङ्लिस प्रिमियर लिग अन्तर्गत आइतबार राति भएको खेलमा शीर्ष टोली सिटीले लेस्टरलाई ६–३ गोलले हरायो ।

थ्रीस्टारसँग बराबरीमा रोकियो आर्मी

उपाधि दावेदार त्रिभुवन आर्मी क्लबले शहिद स्मारक ‘ए’ डिभिजन लिगमा थ्रीस्टार क्लबसँग बराबरी खेल्दै अंक बाँडेको छ । दशरथ रंगशालामा आइतबार भएको खेलमा थ्रीस्टारसँग बराबरीमा रोकिएपछि आर्मीको एएफसी कप छनोट खेल्ने सम्भावना समेत समाप्त भएको छ ।

नेपाल यू–१९ एसिया कप क्रिकेटबाट बाहिरियो

गातार दोस्रो हारर खेपेपछि नेपाल युएईमा जारी यू–१९ एसिया कप क्रिकेटको समूह चरणबाट बाहिरिएको छ । सारजाह क्रिकेट मैदानमा आइतबार भएको खेलमा नेपाल टेस्ट टोली श्रीलंकासँग ६० रनले पराजित भयो । नेपाल पहिलो खेलमा बंगलादेशसँग एक सय ५४ रनले पराजित भएको थियो ।

सेन्ट्रल जोन भलिबल : माल्दिभ्समाथि नेपालको जित

नेपालले बंगलादेशमा जारी एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत पुरुषतर्फ लिग चरणको अन्तिम खेलमा माल्दिभ्सलाई ३–० को सोझो सेटमा पराजित गरेको छ ।

यू–१९ एसिया कप क्रिकेट : नेपाललाई श्रीलंकाको विशाल लक्ष्य

युएईमा जारी यू–१९ एसिया कप क्रिकेटमा नेपाललाई जितका लागि श्रीलंकाले तीन सय २३ रनको विशाल लक्ष्य दिएको छ । सारजाह क्रिकेट मैदानमा टस जितेर पहिले ब्याटिङ गरेको श्रीलंकाले निर्धारित ५० ओभरमा चार विकेटको क्षतिमा तीन सय २२ रन बनाएको छ ।

ब्रिगेडलाई हराउँदै संकटा लिगको तेस्रो स्थानमा

संकटा क्लब शहिद स्मारक ‘ए’ डिभिजन लिग फुटबलको तेस्रो स्थानमा उक्लिएको छ । दशरथ रंगशालामा आइतबार भएको अहिले खेलमा संकटाले ब्रिगेड ब्वाइज क्लबलाई ३–० गोलले हरायो । संकटाले लिगमा अपराजित यात्रा पनि कायम राखेको छ ।

सेन्ट्रल जोन भलिबल : नेपाल महिलातर्फ फाइनलमा

साविक विजेता नेपाल एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत महिलातर्फ फाइनलमा प्रवेश गरेको छ । नेपाल लगातार चौथो जित निकाल्दै उपाधि नजिक पुगेको हो ।

एपीएफलाई पीएम कप महिला क्रिकेट उपाधि

विभागीय टोली नेपाल एपीएफ क्लबले प्रधानमन्त्री (पीएम) कप महिला राष्ट्रिय क्रिकेट प्रतियोगिताको उपाधि जितेको छ । धनगढीस्थित फाप्ला मैदानमा आइतबार भएको फाइनल खेलमा एपीएफले प्रदेश नम्बर १ लाई सात विकेटले हरायो ।

एपीएफ र प्रदेश १ पीएम कप क्रिकेटको फाइनलमा

विभागीय टोली एपीएफ क्लब र प्रदेश १ धनगढीमा जारी प्रधानमन्त्री (पीएम) कप महिला राष्ट्रिय क्रिकेट प्रतियोगिताको फाइनलमा प्रवेश गरेका छन् । फाप्ला मैदानमा शनिबार भएको खेलमा एपीएफले लुम्बिनी प्रदेशलाई ३८ रनले हरायो । प्रदेश १ ले सुदूपश्चिम प्रदेशलाई ९ विकेटले पराजित गरेको हो ।

सिद्धार्थ बैंकलाई कामना सेवा फुटसलको उपाधि

कामना सेवा फुटसलको उपाधि सिद्धार्थ बैंकले जितेको छ । हाँडीगाउँस्थित धन्यन्तरी फुटसल मैदानमा शनिबार भएको फाइनल खेलमा सिद्धार्थले माछापुच्छ्रे बैंकलाई टाइब्रेकरमा २-१ गोलले हराउँदै उपाधि जितेको हो ।