सवारी दुर्घटना न्यूनीकरण गर्न आग्रह

गृहमन्त्री बालकृष्ण खाणले सवारी दुर्घटना न्यूनीकरणका लागि यातायात व्यवसायीलाई आग्रह गर्नुभएको छ । नेपाल यातायात व्यवसायी राष्ट्रिय महासङ्घको छैटौँ राष्ट्रिय महाधिवेशनको आइतबार उद्घाटन गर्दै उहाँले भन्नुभयो, “सवारी दुर्घटनालाई न्यूनीकरण गर्नैपर्छ । यातायात व्यवसायलाई सुरक्षित र सम्मानित पेसा बनाउनुपर्छ ।”

‘महानगर मेरो अनुभवसँग जोडिएको कथा हो’

निर्देशक मोहन राई अहिले चलचित्र ‘महानगर’ बाट धेरै चर्चामा हुनुहुन्छ । आफूलाई व्यक्तिगत रूपमा अवार्ड लिने कुरा त्यति सहज नलाग्ने बताउने उहाँलाई अवार्डका लागि चलचित्रहरू प्रतिस्पर्धा गरेको मन पर्दैन । राईले हालै सम्पन्न पाँचौँ अन्तर्राष्ट्रिय चलचित्र महोत्सव निफमा उत्कृष्ट राष्ट्रिय फिचर फिल्मको अवार्ड पाउनुभयो भने उहाँकै चलचित्रले उत्कृष्ट निर्देशक र उत्कृष्ट अभिनेत्रीको अवार्डसमेत हात पारेको थियो ।

लगानीमैत्री वातावरण बनाउन सुझाव

उद्यमी व्यवसायीले लगानीमैत्री वातावरण बनाउन आग्रह गरेका छन् । पछिल्लो समय अर्थतन्त्रमा विविध समस्या देखिएको भन्दै उहाँहरूले ती समस्या समाधानका लागि सरकारले बेलैमा सम्बन्धित सबै पक्षसँग छलफल गर्नुपर्ने सुझाव दिनुभएको छ ।

भारतबाट मुर्रा जातको राँगा ल्याउने पहल

कृषि तथा पशुपन्छी विकास मन्त्रालयले भारतबाट मुर्रा जातको राँगा किन्ने प्रस्ताव गरेको छ । नेपालमा दूध उत्पादकत्व र उत्पादन वृद्धिका लागि यो जातका राँगा ल्याउन लागेको मन्त्रालयले जनाएको छ । प्रधानमन्त्री शेरबहादुर देउवाले हालै सम्पन्न गर्नुभएको भारत भ्रमणको क्रममा नेपालको तर्फबाट सो प्रस्ता

मिथिला कलामा युवाको आकर्षण बढ्दो

जनकपुरधामस्थित सञ्चालित तीन दिवसीय साहित्य, कला तथा नाट्य महोत्सवमा युवाको मिथिला चित्रकलाप्रति आकर्षण तथा लगाव बढ्दै गएको देखिन्छ । युवाहरू अध्ययन अन्य विषयमा गरे पनि लगाव भने मिथिला चित्रकलातिर भएको बताउँछन् । मधेस प्रदेशको राजधानी जनकपुरधामस्थित जानकी मन्दिर परिसरमा भइरहेको तीन दिवसीय उक्त महोत्सवमा मिथिला चित्रकला प्रदर्शनीमा आफ्ना कला प्रदर्शन गरिरहनुभएकी मनीषा साहले

जुर्मुराउँदै पर्यटन

वसन्त ऋतुको आगमन पर्वतारोहण र पदयात्राका लागि उपयुक्त मौसम मानिन्छ । त्यसैले हजारौँ सङ्ख्याका विदेशी पर्यटक पर्वतारोहण र पदयात्राका लागि नेपालका गन्तव्यतिर लम्किरहेका छन् ।कोभिड–१९ कहरपछि बिस्तारै लयमा फर्किंदै गरेको मुलुकको पर्यटन क्षेत्र चलायमान बन्दै गइरहेको छ । अघिल्लो वर्षको तुलनामा सन् २०२२ को सुरुवाती चरणमा विदेशी पर्यटक आगमन पनि क्रमिक रूपमा बढिरहेको छ । पर्यटकीय गतिविधि पनि बढेको छ । वसन्त ऋतुमा सर्वोच्च...

राष्ट्रपतिद्वारा अस्पताल उद्घाटन

राष्ट्रपति विद्यादेवी भण्डारीले माधवनारायण नगरपालिकाको जयनगरमा निर्माण भएको गजेन्द्र स्मृति अस्पतालको आइतबार उद्घाटन गर्नुभएको छ । स्वर्गीय गजेन्द्रनारायण सिंह स्मृति प्रतिष्ठानले निर्माण गरेको अस्पताल तीन सय शøयाको छ ।अस्पताल उद्घाटनका क्रममा राष्ट्रपति भण्डारीले स्वर्गीय सिंहले आफ्नो सम्पूर्ण जीवन जनताको सेवामा समर्पित गर्नुभएको बताउनुभयो । उहाँले स्वर्गीय सिंह सङ्घर्षशील व्यक्तित्व रहनुभएको चर्चा...

सहकार्य जरुरी

सभामुख अग्निप्रसाद सापकोटाले अर्थतन्त्रमा देखिएको विद्यमान समस्या समाधान गर्न उत्पादनमा जोड दिनुपर्ने बताउनुभएको छ । नेपाल चेम्बर अफ कमर्सको ७१औँ वार्षिक साधारण सभाको अवसरमा आइतबार राजधानीमा आयोजित कार्यक्रममा उहाँले अतिआवश्यकीय वस्तु देशभित्रै उत्पादन हुनु समग्र अर्थतन्त्रका लागि फाइदाजनक हुने धारणा व्यक्त गर्नुभयो । अर्थतन्त्रको सङ्कट समाधानका लागि चेम्बरसहित निजी क्षेत्रका सङ्घ सङ्गठनलाई प्रोत्साहन...

विदेशी विनिमय सञ्चिति बढाउने पहल सुरु

विदेशी विनिमय सञ्चिति बढाउन आयात नियन्त्रण तथा बाह्य क्षेत्रबाट विदेशी मुद्रा आप्रवाह बढाउन एकसाथ पहल भएको छ । त्यसका लागि अर्थ मन्त्रालयले पहल गरेको हो । अर्थमन्त्री जनार्दन शर्माले आइतबार विदेशमा रहेका नागरिकबाट जतिसक्दो धेरै रेमिट्यान्स भित्र्याउन र नेपाल घुम्न जानुपर्ने विषयमा प्रवद्र्धनात्मक कार्यक्रम गरी विदेशी पर्यटकको सङ्ख्या बढाउनका लागि पहलकदमी लिन विदेशस्थित नियोग प्रमुखलाई निर्देशन दिनुभएको...

स्वास्थ्य सेवामा पहुँच (सम्पादकीय)

भनिन्छ, स्वास्थ्य नै धन हो । निरोगी मानिसले दैनिक जीवनमा आउने नियमित काम गर्न सक्छ । शरीर रोगी भयो भने मानिसले चिताएको काम गर्न सक्दैन । शारीरिक तथा मानसिक रूपमा सबल र सक्षम हुँदा मात्र व्यक्तिको सर्वाङ्गीण व्यक्तित्व विकास सम्भव छ तर स्वस्थ रहनु सजिलो कुरा होइन । मानिसलाई कुनै न कुनै रोगले च्यापिरहन्छ । स्वास्थ्य विज्ञानले अनेक रोगका उपचार सम्भव गर्दै मानिसको जीवनलाई सहज र सुविधायुक्त बनाएको छ । त्यस्तो उपचार सहज...