टिपरसहित स्काभेटर नियन्त्रणमा

कमला खोलामा अबैध रुपमा बालुवा तथा गिट्टी उत्खनन् गरिरहेको आधा दर्जन टिपरसहित स्काइभेटर धनुषा प्रहरीले नियन्त्रणमा लिएको छ । प्रहरीले एक स्काइभेटर र सात टिपर नियन्त्रणमा लिएको धनुषा प्रहरी प्रवक्ता प्रहरी नायव उपरीक्षक जितेन्द्रकुमार बस्नेतले जानकारी दिनुभयो ।

‘मधेस प्रदेश’ नामाकरण मुख्य सफलता प्रदेश सरकारको भनाई

मधेस प्रदेश सरकारले प्रदेशको नामाकरणदेखि भौतिक संरचना निर्माणको काममा मुख्य सफलता प्राप्तभएको बताएको छ । २०७४ फागुन ३ गते गठन भएको प्रदेशले एक महिनाअघि माघ ३ गते स्थायी नाम र राजधानी प्राप्त गरेको थियो ।

एमाले नेतृत्वको सरकारले गरेको कामबारे जानकारी गराउन आग्रह

नेकपा (एमाले) का बरिष्ठ उपाध्यक्ष ईश्वर पोखरेलले यसअघिको एमाले नेतृत्वको सरकारले गरेको कामबारे नागरिकलाई जानकारी गराउन पार्टी नेता तथा कार्यकर्ता पङ्तिलाई आग्रह गर्नुभएको छ ।

मानव अधिकारसम्बन्धी प्रदेश समिति गठन गरिने

मधेस प्रदेश सरकारका अर्थमन्त्री तथा प्रवक्ता शैलेन्द्रप्रसाद साहले मानव अधिकारसम्बन्धी राष्ट्रिय कार्ययोजना कार्यान्वयन गर्न प्रदेश समन्वय समिति गठन गरिने प्रतिबद्धता जनाउनुभएको छ ।

मधेस प्रदेशसभाको बैठक फागुन १० गते बस्ने

मधेस प्रदेशको प्रदेशसभाको बैठक फागुन १० गते मङ्गलवार बस्ने भएको छ । प्रदेशसभा सचिवालयले फागुन १० गते मङ्गलबार दिउँसो २ बजे बस्ने गरी प्रदेशसभाको बैठक आह्वान गरेको हो । आइतबार बस्ने भनिएको प्रदेशसभाको बैठक विशेष कारण देखाउँदै स्थगन गरिएको थियो ।

सुशासन कायम गर्न प्रशिक्षण केन्द्र प्रभावकारी साबित हुन्छ : मुख्यमन्त्री राउत

मधेस प्रदेशका मुख्यमन्त्री लालबाबु राउतले मधेश प्रदेशमा सुशासन कायम गर्न प्रदेश अनुसन्धान तथा प्रशिक्षण केन्द्र प्रभाकार िसाबित हुने विश्वास व्यक्त गर्नुभएको छ ।

सर्लाहीमा ई–पासपोर्ट वितरण कार्य सुरु

जिल्ला प्रशासन कार्यालय सर्लाहीले सोमबारदेखि सेवाग्राहीलाई ई–पासपोर्ट (विद्युतीय राहदानी) वितरण गर्न सुरु गरेको छ । एक महिनाभन्दा अघिदेखि ई–पासपोर्टका लागि सेवाग्राहीको फर्म भर्ने र अन्य आवश्यक कागजात सङ्कलनको काम गरिरहेको थियो ।

गोतामे पत्रकारिता पुरस्कारबाट झा पुरस्कृत

पत्रकार गोपालभन्द्र गौतम प्रतिष्ठानले प्रदान गर्दैआएको गोतामे पत्रकारिता पुरस्कारबाट यस वर्ष सप्तरीका पत्रकार बैद्यनाथ झा पुरस्कृत हुनुभएको छ । स्वर्गीय पत्रकार गोपालचन्द्र गौतमको स्मृतिमा स्थापना गरिएको सो पुरस्कारबाट यस वर्ष सप्तरीबाट प्रकाशित हुने आजको वातावरण दैनिक पत्रिकाका सम्पादक झा पुरस्कृत हुनुभएको हो ।

सर्लाहीमा जलेर एक जनाको मृत्यु

सर्लाहीको बागमती नगरपालिका –८, सोल्टीमा आगोले जलेर एक जना वृद्ध पुरुषको मृत्यु भएको छ । स्थानीय ६६ वर्षीय रामआशिष साहको आफ्नै घर अगाडि आगोले जलेर मृत्यु भएको हो । सर्लाही प्रहरीले घटना शङ्कास्पद देखिएको जनाएको छ ।

झ्याउरेवासी भन्दछन् : अब पानी लिन खोला झर्नु पर्दैन

बर्दिबास नगरपालिका–१० को चुरे काछको झ्याउरे बस्तीकी ६० वसन्त पार गरेकी सन्तमाया तामाङका अनुहारमा अहिले चमक आएको छ । आफ्नै बस्तीका लागि खानेपानी आयोजनाको काम थालिएपछि उहाँ औधि रमाउनुभएको हो । बर्दिबास–१० र ११ का चुरे काछका विकट बस्तीका १९४ घरपरिवारका लागि शनिबार झ्याउरे भाङ्ग्रे खानेपानी आयोजनाको काम थालिएपछि बर्खामा खोलाको धमिलो पानी खाँदै आएका यहाँका आधा दर्जनभन्दा बढी बस्तीमा अहिले खुसी छाएको छ ।