मधेस प्रदेशसभाको बैठक फागुन २२ गतेसम्म स्थगित

मधेस प्रदेशसभाको बैठक स्थगित भएको छ । मङ्गलबार दिउँसो २ बजे बोलाइएको बैठक स्थगित भएको हो । प्रदेशसभा सचिवालयका सचिव रन्जितकुमार यादवले विशेष कारणले गर्दा प्रदेशसभाको बैठक स्थगन भएकोे बताउनुभयो । उहाँले फागुन २२ सम्मका लागि बैठक स्थगित भएको जानकारी दिनुभयो ।

मुस्लिम सेवा सदन निर्माणकार्य सुरु

लाहान नगरपालिका –५ बाख्रा बजारमा मुस्लिम सेवा सदन निर्माणकार्य सुरु भएको छ । हिन्दु समुदायका आधा दर्जनभन्दा बढी सेवा सदन रहेको लहानमा मुस्लिम समुदायको पहिलो सेवा सदन निर्माण हुन लागेको छ । सेवा सदन निर्माणको लागि लहान नगरपालिकाले एक कठा जमिन उपलब्ध गराएको हो ।

मधेस प्रदेशसभाको बैठक आज बस्दै, सङ्कल्प प्रस्तावमाथि छलफल हुने

मधेस प्रदेशको प्रदेशसभा बैठक आज बस्ने भएको छ । प्रदेशसभा सचिवालयका अनुसार आज दिउँसो २ बजे बस्ने प्रदेशसभाको बैठकमा अघिल्लो बैठकमा सरकारद्वारा प्रस्तुत प्रदेश प्रहरी ऐन कार्यान्वयनसम्बन्धी सङ्कल्प प्रस्तावमाथि छलफल हुनेछ । गत माघ २६ गते बसेको प्रदेशसभाको बैठकमा प्रदेश सरकारका आन्तरिक मामिला तथा सञ्चारमन्त्री भरतप्रसाद साहले सो सङ्कल्प प्रस्ताव पेश गर्नुभएको थियो । सो बैठकमा प्रदेशसभा सदस्य ज्ञानेन्द्रकुमार...

फुलजोर खोलाको पुल निर्माण अन्तिम चरणमा

सर्लाहीको फुलजोर खोलामा निर्माण भइरहेको पुलको काम अन्तिम चरणमा पुगेको छ । लालबन्दी नगरपालिका –३, जब्दी र ईश्वरपुर नगरपालिका –९, रामपुर जोड्नेगरी फुलजोर खोलामा निर्माणाधीन पुलको काम अन्तिम चरणमा पुगेको ईश्वरपुर नगरपालिका –९, का वडाध्यक्ष श्यामबहादुर थापाले जानकारी दिनुभयो ।

बालासुन्दरीकाे मन्दिर निर्माणले गति लिएपछि स्थानीयहरु खुसी

भगवानपुर गाउँपालिका–१ भगवानपुरमा रहेको धार्मिक पर्यटकीय स्थल बालासुन्दरीको मन्दिर निर्माणले गति लिन थालेपछि स्थानीयहरु खुसी भएका छन् । मधेस प्रदेश सरकार र भगवानपुर गाउँपालिकाको संयुक्त लगानीमा मन्दिर निर्माण र मन्दिर परिसरभित्र पर्यटकीयहरुले बस्न सक्ने आकर्षक बगैंचा र धर्मशाला समेत निर्माण भइरहेको छ ।

समृद्धि हासिल गर्न वित्तिय संस्थाको भूमिका महत्वपूर्ण : अर्थमन्त्री साह

मधेस प्रदेशका अर्थमन्त्री एवम प्रदेश सरकारका प्रवक्ता शैलेन्द्रप्रसाद साहले मधेस प्रदेशको आर्थिक समृद्धि हाँसिल गर्न वित्तिय संस्थाहरुको भूमिका महत्वपुर्ण रहने बताउनुभएको छ ।

हाँस पालेर दाजुभाइले गरे राम्रो आम्दानी

सखुवानन्कारकटि गाउँपालिका –५ महेश्वारीका पशुपति यादव र अमित यादवले हाँस पालेर राम्रो आम्दानी गर्न सफल हुनुभएको छ । विदेशबाट आएका दुबै दाजु भाइले आफ्नै गाउँठाउँमा केही गरेर कमाइ गर्नुपर्छ भन्ने उद्देश्यले हाँस, माछा र बाख्रा पालन शुरु गरेर राम्रो आम्दानी गर्न सफल हुनुभएको हो ।

८० जना ज्येष्ठ नागरिक सम्मानित

मधेस प्रदेश सरकारले ८० जना ज्येष्ठ नागरिकलाई सम्मानित गरेको छ । मधेस प्रदेश राजधानी जनकपुरधामस्थित शनिबार आयोजित जेष्ठ नागरिक सम्मान कार्यक्रममा प्रदेशका महिला, बालबालिका, युवा तथा खेलकुदमन्त्री बिरेन्द्रप्रसाद सिंहले ज्येष्ठ नागरिकलाई सम्मानस्वरुप आर्थिक सहयोग प्रदान गर्नुभएको हो ।

एमसीसी टेबल भएमा प्रक्रियामा एमाले सामेल हुँदैन : महासचिव पोखरेल

नेकपा (एमाले) का महासचिव शङ्कर पोखरेलले संसदमा अमेरिकी अनुदान मिलेनियम च्यालेन्ज कर्पोरेशन (एमसीसी) पेश भएमा एमाले सो प्रक्रियामा सामेल नहुने बताउनुभएको छ ।

१२६ किलो गाँजासहित दुई जना पक्राउ

प्रहरीले सर्लाहीको नवलपुरबाट शनिबार बिहान ठूलो परिमाणमा लागूऔषध गाँजासहित दुई जनालाई पक्राउ गरेको छ । पश्चिमबाट पूर्वतर्फ आउँदैगरेको प्रदेश ३–०१–०२४ च ७५९१ नम्बरको पिकअप गाडीमा माछा बोक्ने ड्रमभित्र लुकाएर ल्याइएको गाँजासहित दुई जना पक्राउ परेका हुन् ।