संविधान संशोधन नभएसम्म मधेसको अधिकार सुनिश्चित हुँदैन अध्यक्ष ठाकुर

लोकतान्त्रिक समाजवादी पार्टी (लोसपा) का अध्यक्ष महन्थ ठाकुरले देश संघीय संरचनामा गइसके पनि संविधान संशोधनलाई झन कठिन बनाउने काम भइरहेको बताउनुभएको छ । संविधान संशोधन नभए मधेसको समस्या समाधान नहुने उहाँले बताउनुभयो ।

जनकपुर बमकाण्डका योजनाकार साहको कैद सजाय पाँच वर्ष घट्यो

उच्च अदालत जनकपुरले ‘टक्ला’ भनिने सञ्जय साहलाई ज्यान मार्ने उद्योग गरेको आरोपमा पाँच वर्ष कैद सजाय घटाइएको छ । अदालतले जनकपुरको रामानन्द चोकमा बम विस्फोटमा संलग्न साहको १२ वर्ष कैद सजायमा पाँच वर्ष घटाएर सात वर्षमा झारेको हो ।

चौरासी स्थानीय तहमा ग्रामीण उद्यम तथा आर्थिक विकास आयोजना सञ्चालन हुने

हुलाकी राजमार्गले छोएको प्रदेश २ को ८४ स्थानीय तहमा ग्रामीण उद्यम तथा आर्थिक विकास आयोजना सञ्चालनको तयारी थालिएको छ । पूर्वमा सप्तरी र पश्चिममा पर्सा गरी आठ जिल्लामा हुलाकी राजमार्गले छोएको पालिकाहरुमा ग्रामीण्म उद्यम तथा आर्थिक विकास आयोजना सञ्चालनको तयारी गरिएको हो ।

पूर्ण मास्क प्रयोगका लागि प्रदेश सरकारद्वारा मास्क अभियान शुरु

नियन्त्रणको क्रममा रहेको कोरोना महामारीलाई पुनः फैलिन नदिन प्रदेश २ सरकारले पूर्ण मास्क प्रयोगको सुनिश्चित्ता गर्न आइतबारदेखि अभियान सञ्चालन शुरु गरेको छ ।

धनुषाका विभिन्न स्थानमा पच्चीस हजार नीमका बिरुवा रोपियो

धनुषामा २५ हजार नीमको बिरुवा रोपिएको छ । बहुउपयोगी वनस्पति नीमको वृक्षरोपण गर्ने अभियान अन्तर्गत जिल्लाको विभिन्न स्थानमा नीमको बिरुवा रोपिएको हो ।प्रदेश २ को वन प्राविधिक समाजका महासचिव तथा पर्यावरण अभियानकर्ता सुरेश शर्मा र मिथिला वाइल्ड लाइफ ट्रस्ट धनुषाका अध्यक्ष देवनारायण मण्डलले निमको वृक्षरोपण अभियान सञ्चालन गर्नुभएको हो । अभियानकर्ताहरुले निमको रुखमा भएका गुणबारे प्रचार प्रसार गरी यसको उपयोग बढाउने...

पसलैपिच्छे तरकारीको फरक मूल्य, उपभोक्ता मारमा

सप्तरीको राजविराजस्थित बजारमा व्यापारीले पसलैपिच्छे मनपरी मूल्य लिई उपभोक्ता ठगेको पाइएको छ । बजार अनुगमन प्रभावकारी नहुँदा दैनिक उपभोग्य वस्तुको मूल्य अकाशिएको स्थानीयले बताउनुभएको छ ।

अपहरणमा परेका भारतीय नागरिकको उद्धार   

अपहरणमा परेका एक भारतीय नागरिकको नेपाल प्रहरीले उद्धार गरेको छ । अपहरणमा परेका भारत बिहारको मधुवनी लौकाहा ग्राम पञ्चायत–९ का २२ वर्षीय शङ्करकुमार साहको उद्धार गरिएको हो ।          

जनकपुरधामका निजी विद्यालयले तीन महिनाको शुल्क मिनाहा गर्ने

जनकपुरधामस्थित निजी विद्यालयहरुले तीन महिनाको विद्यालय शुल्क मिनाहा गर्ने भएको छ । विश्व महामारी कोरोना संक्रमण त्रासका कारण भएको बन्दाबन्दीको समस्यालाई मध्यनजर गर्दै नीजि विद्यालयले विद्यार्थीहरुको वर्षभरी लाग्ने शुल्क मध्ये तीन महिनाको सम्पूर्ण शुल्क मिनाहा गर्ने भनिएको हो ।

एकसय दशजना जेष्ठ नागरिकलाई सम्मान

अन्तर्राष्ट्रिय जेष्ठ नागरिक दिवसको अवसरमा धनुषाको मिथिला नगरपालिका १० लालगढमा जेष्ठ नागरिकलाई सम्मान गरिएको छ । नारी कल्याण महिला बहुउद्देश्य सहकारी संस्था र महिला जागरण समूहले वडाभित्र रहेका एकसय १० जनालाई शुक्रबार एक कार्यक्रमको आयोजना गरी सम्मान गरेको हो ।

अवैध रुपले भित्र्याइएको चल्लासहित तीन भारतीय मोटरसाइकल बरामद

पर्सा प्रहरीले जिल्लाको ग्रामीण नाका जानकीटोल हुँदै नेपाल भित्रिरहेको अवस्थामा चार हजारभन्दा बढी कुखुराको चल्लासहित तीनवटा भारतीय नम्बरको मोटरसाईकल नियन्त्रणमा लिएको छ । पंन्छी र पन्छीजन्य सामग्री आयातमा प्रतिबन्ध रहेकाले भारतबाट कुखुरा तथा कुखुराको चल्ला ल्याउन पाईदैन, त्यसैले तस्करहरुले ग्रामीण नाका भएर भित्र्याउँदै गरेको अवस्थामा प्रहरीले पक्राऊ गरेको हो ।