प्रदेश सरकार नै संघीयताको पहिलो आधार : प्रदेश प्रमुख गुरुङ

गण्डक्री प्रदेशका प्रदेश प्रमुख पृथ्वीमान गुरुङले प्रदेश सरकार नै संघियताको पहिलो आधार भएको वताउनुभएको छ । गण्डक्री प्रदेश सरकार स्थापनाको चौथो वार्षिकोत्सवका अवसरमा आयोजित कार्यक्रममा उहाँले सो कुरा बताउनुभयो । संघीयताको संस्थागत बिकासका लागि प्रदेश स्थानिय तहको जग बलियो हुनुपर्ने उहाँको भनाई छ ।

सडक विस्तार हुँदा घाँसी कुवा मासिने खतरा

भानुभक्त आचार्यलाई आदिकवि बनाउने प्रेरणास्थल घाँसी कुवाको अस्तित्व जोखिममा परेकोछ । पृथ्वीराजमार्गको मुग्लिन–पोखरा सडकखण्ड विस्तार हुने क्रममा रहेकाले कुवा भएको पार्कको अस्तित्व मासिने अवस्थामा पुगेको स्थानीयको भनाई छ ।

किसानलाई हाते ट्याक्टर वितरण

लमजुङको क्व्होलासोंथर गाउँपालिकाका किसानलाई हाते ट्याक्टर वितरण गरिएको छ । गाउँपालिकाले कृषिमा यन्त्रीकरण गरी लागत घटाउने र उत्पादन बढाउन किसानलाई हाते ट्याक्टर प्रदान गरेको बताएको छ ।

तनहुँमा ई–पासपोर्ट वितरण सुरु, स्थानीय खुशी

जिल्ला प्रशासन कार्यालय तनहुँले विद्युतीय राहदानी (ई–पासपोर्ट) वितरण सुरु गरेको छ । जिल्लाबाटै विद्युतीय राहदानी दर्ता गर्ने तथा वितरण गर्न थालेपछि सेवाग्राहीलाई सेवा लिन सहज भएको छ । ई–पासपोर्ट वितरण शुरुभएपछि स्थानीयहरु खुशी हुनुभएको छ ।

प्रणय दिवसकै दिन सम्बन्ध विच्छेदका चार मुद्दा दर्ता

तनहुँमा प्रणय दिवसकै दिन आज चार वटा सम्बन्ध विच्छेदका मुद्दा दर्ता भएको छ । प्राप्त तथ्याङ्कले तनहुँमा दम्पतीबीच असमझादारी बढ्दो रहेको देखिएको छ । पारिवारिक मनमुटाव हुँदा हरेक वर्ष सम्बन्ध विच्छेदको सङ्ख्या वृद्धि हुँदैगएको देखिन्छ । चालु आर्थिक वर्षको माघ मसान्तसम्ममा तनहुँ जिल्ला अदालतमा ४ सय २८ वटा सम्बन्ध विच्छेदका मुद्दा दर्ता भएको छ ।

विरामीलाई आयोडिनको महत्वबारे जानकारी

जिल्ला अस्पताल लमजुङमा उपचारका लागि आएका विरामीलाई आयोडिन नुनको महत्वबारे जानकारी गराइएको छ । विशेषगरी हजार दिन अन्तर्गत महिला सुत्केरी, गर्भवती महिलालाई मध्यनजर गरी आयोडिनको महत्व बारेमा जानकारी गराइएको अस्पतालले जनाएको छ ।

धार्मिक स्थलहरुमा धर्मावलम्बीको चहल पहल बढ्यो

तनहुँका धार्मिक पर्यटकीय स्थलहरुमा पर्यटकको चहल पहल बढेको छ । कोभिड सङ्क्रमण घट्दै गएपछि जिल्ला प्रशासन कार्यालयले धार्मिकस्थलहरु आईतबारबाट खुला गरेसँगै धर्मावलम्बीहरुको चहल पहल बढेको हो ।

बैंकिङ कसूरमा फरार एक जना पक्राउ

लमजुङ प्रहरीले बैंकिङ कसुरमा फरार एक बृद्धलाई काठमाडौंबाट पक्राउ गरेको छ । प्रहरीले बेंसीशहर नगरपालिका ३ गाउँशहरका ६० बर्षीय गणेशबहादुर गोतामेलाई काठमाडौं तार्केश्वर नगरपालिका ९ बाट पक्राउ गरेको हो ।

सार्दिखोला–घाचोकमा पक्की मोटरेबल पुल : स्थानीयवासी खुसी

कास्कीको माछापुच्छ्रे गाउँपालिका–२ सार्दिखोलाका पुष्पराज गौतम गाउँपालिकाको कार्यालय जानुपर्दा पोखरा भएर जाने–आउने गर्नुहुन्छ । गाउँपालिकाको केन्द्र लाहाचोकमा आवत जावत गर्दा हिउँदयाममा सेती नदीमा अस्थायी संरचनाबाट वारपार गर्न सकिने भए पनि बर्खा लागेपछि सार्दिखोलावासीका दुःखका दिन सुरु हुन्छन् ।

सहेँला फाँटमा तीन सय रोपनी जग्गामा कागती खेती

बागलुङ नगरपालिका –१२ अमलाचौरको सहेँला फाँट कृषकको मेहनत र परिश्रमले शृङ्गारिएको छ । बागलुङ नगरपालिका –१४ अर्माहका ४३ जना किसानले सामुहिक रुपमा गरेको कागती खेतीको रेखदेख र उत्पादनको पखाईमा रहेको बताएका छन् ।