बागलुङमा विद्युतीय राहदानी फाराम संकलन सुरु

जिल्ला प्रशासन कार्यालय बागलुङले करिव एक महिनापछि जिल्लामा विद्युतीय राहदानी (ई–पासपोर्ट) को फाराम संकलन गर्न सुरु गरेको छ । प्रशासनले शुक्रबारदेखि ई–पासपोर्टको लागि फाराम संकलन गर्न थालेको हो ।

आइतबारबाट पूर्ण रुपमा विद्यालय खुल्दै

लमजुङका विद्यालयहरु फागुन १ गते आइतबारदेखि पूर्ण रुपमा सञ्चालन हुने भएका छन् । जिल्ला प्रशासन कार्यालय लमजुङले फागुन १ गतेबाट विद्यालयहरु सञ्चालनका लागि अनुमति दिएको छ । प्रशासनले एक सूचना जारी गर्दै स्वास्थ्य मापदण्ड अपनाएर नियमित विद्यालय सञ्चालन गर्न अनुरोध गरेको छ ।

पाहुनाविहीन बने तनहुँका होमस्टे

‘सधैं पाहुनाको भिड लाग्ने व्यास नगरपालिका –१३ मा आँपस्वाँरा दलित सामुदायिक होमस्टे अहिले पाहुनाविहिन भएका छन् । कोरोनाले दुई वर्षदेखि पर्यटन व्यवसाय पुरानो लयमा अझै फर्कन नसकेपछि होमस्टे सञ्चालक मर्कामा परेका छन् । पाहुना नआउँदा होमस्टे सञ्चालक कामविहीन भएका छन् ।

काभ्रेभीरमा दैनिक ४ घण्टा सडक बन्द हुने

हिमालपारिको जिल्ला मुस्ताङलाई राष्ट्रिय राजमार्गसँग जोड्ने एक मात्र सडक सञ्जाल बेनी–जोमसोम सडकखण्ड फागुन १ गतेदेखि १५ दिनसम्म दैनिक ४ घण्टा बन्द हुने भएको छ । बेनी–जोमसोम–कोरला सडक अन्तर्गतको बेनी–जोमसोम खण्डको काभ्रेभिर क्षेत्रमा विष्फोटक पदार्थको प्रयोग गरेर सडक फराकिलो गर्नुपर्ने भएकाले दैनिक रुपमा बिहान १० देखि दिउँसो २ बजेसम्म सडक बन्द गरिने भएको हो ।

स्थानीयको आयस्तर उकास्न रामकोटमा होमस्टे

पर्यटनको माध्यमबाट स्थानीय वासिन्दाको आयस्तर उकास्न तनहुँको बन्दीपुर गाउँपालिकाले बन्दीपुर गाउँपालिका–३ मा पर्ने रामकोटमा घरबास सञ्चालनमा ल्याएको छ ।

सुन्तला बेचेर समृद्ध बन्दै बासखर्कका किसान

पर्वतको जलजला गाउँपालिका १ बासखर्कका भुवन पाइजाले वार्षिक १५ लाख रुपियाँ बराबरको सुन्तला विक्री गर्नुहुन्छ । विगत १५ वर्षदेखि उहाँले व्यवसायिक रुपमा सुन्तला खेती गर्दै आउनुभएको छ । ३० रोपनी जमिनमा एक हजार बोट सुन्तलाका विरुवा उहाँको फर्ममा छन् ।

शिक्षकलाई ५० हजार प्रोत्साहन भत्ता प्रदान

तनहुँको भानु नगरपालिकाले स्वेच्छिक अवकाश हुने शिक्षकलाई ५० हजार प्रोत्साहन भत्ता प्रदान गर्ने भएको छ । शिक्षक दरबन्दी मिलानमा समस्या देखिए पछि नगरपालिकाले प्राथमिक तहका शिक्षकलाई प्रोत्साहन सुविधा प्रदान गर्न थालेको हो ।

अग्ला सिमलका रुख नकाट्न संरक्षणकर्मीको आग्रह

गिद्धले बच्चा कोरल्ने समय भएकाले पृथ्वीराजमार्गको सडक विस्तार गर्ने क्रममा अग्ला सिमलका रुख नकाट्न संरक्षणकर्मीले आग्रह गरेका छन् । तनहुँका प्रमुख जिल्ला अधिकारीलगायत सरोकारवाला समक्ष गिद्ध संरक्षणकर्मीले शुक्रबार सो आग्रह गरेका हुन् ।

बेनी अस्पताल अध्यक्षमा सुवेदी

पछिल्लो चार महिनादेखि रिक्त रहेको बेनी अस्पताल व्यवस्थापन समितिको अध्यक्षमा ज्ञानेन्द्रप्रसाद सुवेदी चयन हुनुभएको छ । बेनी अस्पताल विकास समितिको अध्यक्षमा चयन हुनुभएका सुवेदी बेनी नगरपालिका ६ अर्थुङ्गेका स्थायी बासिन्दा एवम् नेकपा (माओवादी केन्द्र) बेनी नगरकमिटीका सचिव हुनुहुन्छ ।

सैनिक सङ्ग्रहालय हस्तान्तरण

नेपाली सेनाको पाल्पास्थित गोरखदल गणले बनाएको सैनिक सङ्ग्रहालय पाल्पा दरबार सङ्ग्रहालयलाई हस्तान्तरण गरेको छ । लुम्विनी प्रदेश सरकार, गोरखदल गण र नेपाली सेनाको सहयोगमा निर्मित ‘सैनिक सङ्ग्रहालय’ पाल्पा दरबार सङ्ग्रहालयलाई हस्तान्तरण गरिएको हो ।