विदेशबाट फर्कने नेपाली राख्न उपत्यकामा होल्डिङ सेन्टर

भारत लगायत विदेशबाट फर्कने नेपाली नागरिकलाई केही दिन राख्न उपत्यका भित्रका तीन जिल्लामा ‘होल्डिङ सेन्टर’ निर्माण गरिएको छ । विदेशबाट फर्केका बाग्मती, गण्डकी र प्रदेश–५ का नागरिकलाई काठमाडौँ, कर्णाली र सुदूरपश्चिम प्रदेशका नागरिकलाई ललितपुर र प्रदेश–१ र २ का नागरिकलाई भक्तपुरमा राख्न होल्डिङ सेन्टर निर्माण गरिएको हो ।

‘भत्ता कटौती स्वागत योग्य कदम’

सरकारले बजेटमार्फत आगामी आर्थिक वर्षदेखि कर्मचारीको भत्ता खारेज गर्ने निर्णयलाई कर्मचारीले नै स्वागत गरेका छन् । बजेटको यो प्रस्तावलाई निजामती कर्मचारीको छाता सङ्गठन आधिकारिक ट्रेड युनियनले उचित कदम भनेको छ । अहिले आम कर्मचारीले भन्दा पनि सीमित पहुँचवाला कार्यालयमा कार्यरत कर्मचारीले मात्र प्रोत्साहन भत्ता पाउँदै आएका थिए ।

स्थानीय तहमा भूमि बैङ्क

सरकारले आगामी आर्थिक वर्षमा ३०० स्थानीय तहमा भूमि बैङ्क स्थापना गर्ने भएको छ । बिहीबार सार्वजनिक बजेट मार्फत बाझो जमिन भएका स्थानीय तहमा भूमि बैङ्कको सुरुवात गर्ने बताइएको हो । भूमि बैङ्क कार्यक्रममा सेयर लगानीको व्यवस्था गर्ने बजेटमा उल्लेख गरिएको छ । यस आर्थिक वर्षमा सरकारले आगामी वर्षका लागि प्रदेश र स्थानीय तहलाई गरी एक खर्ब ४५ अर्ब २४ करोड रुपियाँ समान रूपले अनुदान दिने घोषणा गरेको छ ।

लकडाउनमा पठनपाठन प्रभावित: वैकल्पिक विधि खोजिँदै

कोरोना भाइरस (कोभिड–१९)का कारण भएको बन्दाबन्दीको असर त सबैतिर छ तर पठनपाठन प्रभावित हुुँदा अभिभावक चिन्तिन हुन थालेका छन् । विद्यालय ठप्प छ । बालबालिका घरैमा बस्दा बालबालिकाभन्दा अभिभावक दिक्क र चिन्तित छन् ।

वडा वडामा क्वारेन्टाइन आवश्यक

कोरोना भाइरस (कोभिड–१९) का सङ्क्रमितको सङ्ख्या दैनिक बढ्दै गइरहे पनि त्यस अनुरूप स्थानीय तहमा क्वारेन्टाइन बन्न सकेका छैनन् । सङ्क्रमितको सङ्ख्या बढ्दै जाँदा थपिएको चुनौतीसँगै वडा वडामा क्वारेन्टाइन आवश्यक भएको छ । विदेशबाट तत्काल ल्याउन लागेका झन्डै चार लाखभन्दा बढी नेपालीलाई अझै धेरै क्वारेन्टाइन आवश्यक पर्ने भए पनि त्यस अनुरूपको तयारी भएको छैन ।

उपत्यकामा थप क्वारेन्टाइन जरुरी

कोरोना भाइरस रोग (कोभिड–१९) सङ्क्रमितको सङ्ख्या बढ्दै जाँदा काठमाडौँ उपत्यकामा थप क्वारेन्टाइन आवश्यक पर्ने भएको छ । काठमाडौँ उपत्यकाका १८ वटा स्थानीय तहमा यसअघि नै विदेशबाट फर्केका नागरिकलाई लक्षित गरी निर्माण गरिएको क्वारेन्टाइनको स्तरोन्नतिसमेत गर्नुुपर्ने देखिएको छ ।

उपत्यकाका नाकामा विशेष सुरक्षा सतर्कता

काठमाडौँ उपत्यकामा कोरोना भाइरसको सङ्क्रमण व्यापक बन्न नदिन काठमाडौँ प्रवेश गर्ने नाका जोडिएका नगरपालिकाले नाकामा विशेष सुरक्षा अवलम्बन गर्न थालेका छन् । उपत्यका बाहिरबाट लुकिछिपी उपत्यका छिर्न थालेपछि ती नगरपालिकाले नाकामा विशेष सुरक्षा सतर्कता अपनाउन थालेका हुन् । उपत्यका प्रवेश गर्ने नाका जोडिएका काठमाडौँको चन्द्रागिरि, तारकेश्वर, शङ्खरापुर, सूर्यविनायक, नागार्जुन र दक्षिणकाली नगरपालिकाले नाकामा विशेष...

स्थानीय विकासलाई प्राथमिकता

सरकारले आगामी आर्थिक वर्षको नीति तथा कार्यक्रममा स्थानीय विकासलाई प्राथमिकता दिएको छ । सबै नागरिकलाई स्वस्थ बनाउने उद्देश्यसहित सरकारले ७५३ वटै स्थानीय तहको छ हजार ७४२ वटै वडामा योग, व्यायाम र आरोग्य केन्द्र बनाउने लगायतका नीतिले यस्तो प्राथमिकता दिएको हो । राष्ट्रपति विद्यादेवी भण्डारीले शुक्रबार प्रस्तुत गर्नुभएको आगामी वर्षको नीति तथा कार्यक्रममा स्थानीय विकासलाई जोड दिइएको हो ।

उपत्यकामा अपरिचितलाई रोक

उपत्यकाका १८ वटै नगरपालिकाले आ–आफ्नो पालिकामा अपरिचित व्यक्ति आए प्रवेशमा रोक लगाउने जनाएका छन् । नगरपालिकाले आ–आफ्नो पालिकामा अपरिचित व्यक्ति आए प्रवेशमा रोक लगाएर वडा कार्यालय वा प्रहरीलाई खबर गर्न निर्देशन दिएका छन् ।

भक्तपुरमा खतरा बढेसँगै उच्च सतर्कता

भक्तपुरमा कोरोना भाइरस (कोभिड–१९) विस्तार हुन सक्ने खतरा बढ्दै गएपछि उच्च सतर्कता अपनाइएको छ । अत्यावश्यकबाहेक घरबाट बाहिर ननिस्कन आग्रह गरिएको छ ।