विभिन्न पाँच संस्थालाई प्रदेश सरकारले बस प्रदान गर्दै

मधेश प्रदेश सरकारले विभिन्न पाँचवटा संस्थालाई बस प्रदान गर्ने निर्णय गरेको छ । सोमबार बसेको प्रदेश मन्त्री परिषदको बैठकले प्रदेश परिवहनका लागि भौतिक पूर्वाधार विकास मन्त्रालयले गतबर्ष खरिद गरेको पाँचवटा बस संस्थालाई दिने निर्णय गरेको हो ।

विभिन्न घटनामा तीन जनाको मृत्यु

महोत्तरीमा भएको विभिन्न घटनामा तीन जनाको मृत्यु भएको छ । मोटरसाइकल र सुमो जुध्दा भएको दुर्घटनामा दुई जनाको मृत्यु भएको छ । एक जना यात्रुको नुहाउने क्रममा मृत्यु भएको जिल्ला प्रहरी कार्यालय महोत्तरीले जनाएको छ ।

भ्रमणले दुई प्रदेशबीचको सम्बन्ध प्रगाढ : मुख्यमन्त्री पोखरेल

गण्डकी प्रदेशका मुख्यमन्त्री कृष्णचन्द्र नेपाली पोखरेलले मधेस प्रदेशको भ्रमणले पर्यटन विकासमा नयाँ आरम्भ भएको बताउनुभएको छ । भ्रमणले दुई प्रदेशबीच प्रगाढ सम्बन्ध स्थापित भएको उहाँले विश्वास व्यक्त गर्नुभयो । गण्डकी प्रदेशका मुख्यमन्त्री पोखरेल मधेस प्रदेशको तीन दिने भ्रमण सकेर सोमबार फर्कनुभएको छ । फर्कनुअघि सञ्चारकर्मीसँगको कुराकारीमा देशकै मुख्य पर्यटकीय शहर पोखरा र धार्मिक केन्द्र जनकपुरधामबीचको हवाई...

गर्भवती महिलामाथि कुटपिट

आरक्षमा दाउरा लिन गएकी गर्भवती महिलामाथि कुटपिट गरिएको छ । कुटपिट गर्ने आरक्षका कर्मचारीलाई कारवाही गर्ने कोशीटप्पु वन्यजन्तु आरक्ष कार्यालयका संरक्षण अधिकृत रामचन्द्र खतिवडाले बताउनुभयो ।

विवादका कारण काँग्रेस सर्लाहीको निर्वाचन स्थगित

नेपाली काँग्रेस सर्लाहीको सोमबारका लागि तय भएको निर्वाचन स्थगित भएको छ । पार्टीको १४ औँ जिल्ला अधिवेशन अन्तर्गत नेतृत्व चयनका लागि सोमबार बिहान ९ बजेदेखि साँझ ५ बजेसम्म मतदान समय तोकिएको थियो । पार्टीको दुई समूहबीच विवाद भएपछि निर्वाचन समितिले अर्को सूचना जारी नहुञ्जेलसम्मका लागि निर्वाचन स्थगित गरेको जनाएको छ ।

गोली लागी मुखिया गम्भीर घाइते

धनुषामा गएराति गोली चल्दा एक युवक घाइते भएका छन् । धनुषाको जनकपुरधाम उपमहानगरपालिका –१९ स्थित पसलमा राति करिब साढे १० बजेतिर गोली चल्दा अन्दाजी २५ वर्षिय मुकेश मुखिया घाइते हुनुभएको छ ।

मधेस प्रदेश सभाको बैठक तेस्रो पटक स्थगित

मधेस प्रदेश सभाको बैठक लगातार तेस्रो पटक स्थगित भएको छ । आइतबारका लागि बोलाइएको प्रदेस सभाको बैठक स्थगित भएसँगै मधेस प्रदेश सभाको बैठक स्थगित भएको यो तेस्रो पटक हो ।

महोत्तरी कांग्रेस सभापतिमा यादव

नेपाली कांग्रेसको महोत्तरी जिल्ला सभापति पदमा नागेश्वर यादव विजयी हुनुभएको छ । शनिबार घोषित मतपरिणामानुसार उहाँलाई दोस्रो मत प्राप्त गर्ने सुशीलकुमार यादवले समर्थन जनाउनुभएको थियो । विजयी नागेश्वरले कूल खसेको दुई हजार १३९ मतमध्ये एक हजार ११ मत प्राप्त गर्नुभएको निर्वाचन समितिले जनाएको छ । दोस्रो मत पाउने सुशीलकुमारले ७७९ र अर्का उमेदवार बजरङ्ग नेपालीले ३०६ मत प्राप्त गर्नुभएको थियो । कांग्रेसको विधानानुसार...

पाँच वटा पसलमा आगलागी हुँदा डेढ करोड क्षति   

महोत्तरी जिल्लाको मटिहानी नगरपालिका– ८स्थित बजारमा आज बिहान पाँच वटा पसलमा आगलागी हुँदा रु डेढ करोड बराबरको धनमाल क्षति भएको छ ।    

मधेस प्रदेश सरकार सबै प्रदेशसभा निर्वाचन क्षेत्रमा कालोपत्रे सडक निर्माण गर्दै

मधेश प्रदेश सरकारले प्रदेशभरका सबै प्रदेशसभा निर्वाचन क्षेत्रसँग जोडिने गरी कालोपत्रे सडक निर्माण गर्ने भएको छ । मधेस सरकारले प्रदेशभरका ६४ वटै प्रदेशसभा निर्वाचन क्षेत्रमा पाँच किलोमिटरका दरले कालोपत्रे सडक निर्माण गर्न लागेका हो ।